കേരളം പല സംസ്ഥാനങ്ങൾക്കും മാതൃകയെന്ന് ഗവർണർ; ആരോഗ്യവകുപ്പിനും പ്രശംസ

കേരളം പല സംസ്ഥാനങ്ങൾക്കും മാതൃകയാണെന്ന് ഗവർണർ രാജേന്ദ്ര അർലേക്കർ. തിരുവനന്തപുരത്ത് ഫസ്റ്റ് എയ്ഡ് കൗൺസിൽ ഓഫ് ഇന്ത്യയുടെ പരിപാടിയിൽ പങ്കെടുക്കുകയായിരുന്നു ഗവർണർ. സ്‌കൂൾ കരിക്കുലത്തിൽ ഫസ്റ്റ് എയ്ഡ് പാഠങ്ങൾ ഉൾപ്പെടുത്താനുള്ള ശ്രമങ്ങൾക്ക് ആരോഗ്യ വകുപ്പിനെയും ഗവർണർ അഭിനന്ദിച്ചു. അതേസമയം കേരള സർവകലാശാലയിലെ സംഘർഷങ്ങളിൽ ഗവർണർ പ്രതികരിച്ചില്ല. സർവകലാശാലയിൽ പലതും നടക്കുന്നുണ്ടല്ലോ എന്ന ചോദ്യത്തിന് അകത്തെ പരിപാടിയിലും പലത് നടന്നല്ലോ എന്നായിരുന്നു ഗവർണറുടെ മറുപടി അതേസമയം മന്ത്രി വി ശിവൻകുട്ടി പരിപാടിയിൽ പങ്കെടുത്തില്ല. മന്ത്രിസഭാ യോഗം കഴിയാത്തതിനാൽ പങ്കെടുക്കാനാകില്ല എന്നാണ് മന്ത്രിയുടെ ഓഫീസ് വിശദീകരിച്ചത്.