🎶 സോളമന്റെ ഉത്തമഗീതം 🎶❤️: ഭാഗം 38

രചന: റിൻസി പ്രിൻസ്‌

അവൾ പറഞ്ഞപ്പോൾ അമലയ്ക്കും ഒരു ആശ്വാസം തോന്നിയിരുന്നു..

‘ എങ്കിൽ ഒരു കാര്യം ചെയ്യാം ഞാൻ ഒറ്റയ്ക്ക് പോയിട്ട് വരാം…..

അത് കേട്ടതും അമ്പരപ്പോടെ സോളമൻ അമലയെ നോക്കി.. അവരിൽ നിന്നും അങ്ങനെ ഒരു തീരുമാനം പ്രതീക്ഷിച്ചിരുന്നില്ല സോളമൻ

“അപ്പൊ മരിയയോ..?

അവൻ ഒട്ടും തന്നെ വിശ്വാസമില്ലാതെ അവളുടെ മുഖത്തേക്ക് നോക്കിക്കൊണ്ട് ചോദിച്ചു..

” മരിയയേ നമ്മുടെ ലില്ലി ആന്റിയുടെ ഫ്ലാറ്റിൽ നിർത്തിയിട്ട് പോകാം.. നിനക്ക് ഹോസ്പിറ്റലിൽ പോകണ്ടേ അവിടുന്ന് മാറിനിൽക്കാൻ ഒന്നും പറ്റില്ലല്ലോ, അതുകൊണ്ട നീ വരണ്ട എന്ന് പറഞ്ഞത്. പിന്നെ ഈ കൊച്ചിനെയും നിന്നെയും കൂടി ഒറ്റയ്ക്ക് ഞാൻ ഇവിടെ നിർത്തിയിട്ട് പോകില്ലെന്ന് നിനക്ക് നന്നായി അറിയാമല്ലോ…

അമല ചോദിച്ചപ്പോൾ അവൻ നിഷ്കളങ്കമായ രീതിയിൽ ഒന്ന് ചിരിച്ചു കാണിച്ചിരുന്നു. പെട്ടെന്നാണ് വീണ്ടും അമലയുടെ ഫോൺ അടിച്ചത്. ഇപ്പോൾ വരാമെന്ന് പറഞ്ഞ് അവർ അങ്ങോട്ട് പോയപ്പോൾ അവൻ മരിയയുടെ മുഖത്തേക്ക് നോക്കി പറഞ്ഞു .

” ഞാൻ വെറുതെ എന്തൊക്കെയോ സ്വപ്നങ്ങൾ കണ്ടു. അവളുടെ മുഖത്തേക്ക് നോക്കി അവൻ പറഞ്ഞു.

” അമ്മയ്ക്ക് മോനെ നല്ല വിശ്വാസമായതുകൊണ്ട് അങ്ങനെയൊന്നും സംഭവിക്കില്ല എന്ന് എനിക്ക് നല്ല ഉറപ്പായിരുന്നു,

മരിയ അവന്റെ മുഖത്തേക്ക് നോക്കി പറഞ്ഞപ്പോൾ അവൻ അവളെ ഒന്ന് കൂർപ്പിച്ചു നോക്കി.. തിരികെ വന്ന അമല കുറച്ചുകൂടി സന്തോഷവതി ആയിരുന്നു.

” ഇച്ചായനാ വിളിച്ചത്, അമ്മച്ചിക്ക് ഒത്തിരി ചേഞ്ച് ഉണ്ടെന്ന് ഇപ്പോൾ മരുന്നിനോടൊക്കെ ബോഡി റിയാക്ട് ചെയ്യാൻ തുടങ്ങ്ങിയെന്നാ പറഞ്ഞത്. പെട്ടെന്ന് അങ്ങോട്ട് ചെല്ലണ്ട എന്ന്… സമാധാനമായി..!

അമല അത് പറഞ്ഞപ്പോൾ അവരുടെ ആ സന്തോഷത്തിൽ മരിയയും പങ്കെടുത്തു

” ഞാൻ പറഞ്ഞില്ലേ അമ്മച്ചിക്ക് ഒന്നും വരില്ലെന്ന്,

അമലയേ ആശ്വസിപ്പിച്ചു മരിയ പറഞ്ഞു…

” എങ്കിൽ മോൾ ചെന്ന് കുളിച്ചിട്ട് വാ, വന്ന പാടെ ഇരുന്നത് അല്ലേ

മരിയ മുറിയിലേക്ക് പോയപ്പോൾ സോളമൻ തിരികെ പോകാൻ തുടങ്ങി. ആ സമയത്ത് അമല വിളിച്ചു

” സോളമ

” എന്താ മമ്മ

” ഇച്ചായൻ പറഞ്ഞത് ഒരു മാസം കൂടി കഴിഞ്ഞാ അമ്മച്ചി ഡിസ്ചാർജ് ചെയ്യുമെന്ന്.. അമ്മച്ചിക്ക് നമ്മുടെ കൂടെ വന്നു നിൽക്കണം എന്ന് ആഗ്രഹം ഉണ്ടത്രേ, ഓരോന്നോന്നര മാസത്തേക്ക് അമ്മച്ചി ഇവിടെക്ക് കൊണ്ട് നിർത്താൻ പറ്റുമോ എന്ന് ആണ് ഇച്ചായൻ ചോദിക്കുന്നത്.

” അതിനെന്താ..? നിൽക്കുന്നത് കൊണ്ട്, കുഴപ്പമൊന്നുമില്ലല്ലോ

“പക്ഷേ മരിയയെ അമ്മച്ചിക്ക് ഇഷ്ടമല്ല, അന്ന് നീയും കണ്ടതല്ലേ ആശുപത്രിയിൽ വച്ച് ആ കുട്ടിയോട് അമ്മച്ചി ഇടപെട്ട രീതിയൊക്കെ, നീ കണ്ടതല്ലേ..? ഇവിടെ വന്നാലും ഓരോന്നൊക്കെ കുത്തി പറഞ്ഞ് അതിന്റെ മനസ്സ് വിഷമിപ്പിക്കാനെ അമ്മച്ചി ശ്രമിക്കു, അതിനുമുൻപേ നമുക്ക് അവളെ ഹോസ്റ്റലിലേക്ക് മാറ്റണം…

” ഞാനൊരു കാര്യം മമ്മയോട് പറയട്ടെ,

” എന്താ..? നമ്മുടെ ഹോസ്പിറ്റലിന്റെ ഹോസ്റ്റൽ എന്നൊക്കെ പറയുമ്പോൾ അവിടെ ഒരുപാട് പ്രശ്നങ്ങളുണ്ട്. അതിൽ ഏറ്റവും പ്രധാനപ്പെട്ട പ്രശ്നം എന്താണെന്ന് വച്ചാൽ സീനിയേഴ്സിന്റെ റാഗിംഗ് ആണ്. അതും റാഗിങേന്നൊക്കെ പറഞ്ഞാൽ അത് വേറൊരു ലെവൽ ഉള്ളതാ, പുതുതായിട്ട് ചെല്ലുന്ന കുട്ടികൾക്കാണ് ഈ ഒരു ബുദ്ധിമുട്ട് കൂടുതലായിട്ട് ഉണ്ടാവുന്നത്.. മരിയയെ പോലൊരു പെൺകുട്ടി ഒരുപക്ഷേ അത് എങ്ങനെ എടുക്കും എന്ന് പോലും പറയാൻ പറ്റില്ല. ചിലപ്പോൾ അവൾക്ക് അക്സെപ്റ്റ് ചെയ്യാൻ പോലും പറ്റുന്ന ഒരു സിറ്റുവേഷൻ ആയിരിക്കില്ല..

“നമ്മളിപ്പോ അതിന് എന്താ മോനെ ചെയ്യുന്നത്..? അമ്മച്ചി ഇവിടെ വന്ന് ആ കൊച്ചിനെ വിഷമിപ്പിക്കുന്ന തരത്തിൽ സംസാരിക്കും, മാത്രമല്ല സണ്ണിച്ചായനും പറയുന്നത് അവളെ ഒരുപാട് കാലം ഒന്നും ഇവിടെ നിർത്തുന്നത് ശരിയല്ല എന്നാണ്.

“”മമ്മയ്ക്ക് ബുദ്ധിമുട്ടുണ്ടോ.?

” എനിക്ക് എന്ത് ബുദ്ധിമുട്ട്.? സന്തോഷം മാത്രമേ ഉള്ളൂ,

“പക്ഷേ കുറച്ചുനാളും കൂടി കഴിയുമ്പോൾ നമ്മുടെ ബന്ധുക്കാരുടെ ഇടയിൽ ഒക്കെ അതൊരു ടോക്കാവും, നീയും അവളും ഒരു വീട്ടില്, എന്തൊക്കെയാണെങ്കിലും മറ്റുള്ളവർ അതിനെ മറ്റൊരു കണ്ണിലേ കാണു, നിനക്ക് അല്ല അവൾക്കാണ് നാണക്കേട് ഉണ്ടാകുന്നത്.. ആ കൊച്ചിന്റെ ഭാവി നമ്മളായിട്ട് കളയേണ്ട കാര്യമുണ്ടോ..?

” എങ്കിൽ പിന്നെ ഹോസ്റ്റലിലേക്ക് തന്നെ മാറ്റുന്നതാ നല്ലത്,

” ഇത്രയും കാര്യങ്ങൾ കേട്ടപ്പോൾ ഹോസ്റ്റലിലേക്ക് വിടാൻ എനിക്ക് മനസ്സ് വരുന്നില്ല, എനിക്കൊരു മനസമാധാനം ഇല്ല.. നീ ഒരു കാര്യം ചെയ്യ് അവൾക്ക് എവിടെയെങ്കിലും ഒരു പിജി ശരിയാകുമോ എന്ന് നോക്ക്.

അത് നല്ലൊരു ഐഡിയ ആണെന്ന് ആ നിമിഷം സോളമനും തോന്നിയിരുന്നു.. ഹോസ്റ്റലിനേക്കാൾ എന്തുകൊണ്ടും ബെറ്ററാണ് ഒരു പിജി, അവൾ നിൽക്കുന്നത് സുരക്ഷിതമായ ഒരിടത്ത് ആകും. ആ ആശ്വാസം തനിക്കും ഉണ്ടാവും.

” എങ്കിൽ അങ്ങനെ ചെയ്യാം.. അത് ഞാൻ സെറ്റ് ചെയ്തോളാം,

അമലയ്ക്ക് ആശ്വാസമായി ഒപ്പം സോളമനും

ഉച്ചയ്ക്കുശേഷം ഫ്ലാറ്റിലെ അസോസിയേഷൻ മീറ്റിംഗ് ഉള്ളതുകൊണ്ട് അമലയ്ക്ക് അവിടേക്ക് പോകേണ്ടി വന്നിരുന്നു. ഒരു മണിക്കൂറോളം നീണ്ടുനിൽക്കുന്നതാണ് ആ മീറ്റിംഗ്, വന്നപാടെ സോളമൻ മുറിയിൽ കയറി കുളിയും കിടന്നതാണ്.. അമല മീറ്റിങ്ങിന് പോയത് അവൻ അറിഞ്ഞിരുന്നില്ല.

അവൻ വന്നപ്പോൾ അടുക്കളയിൽ കാര്യമായ പണിയിലാണ് മരിയ, അവൻ അടുക്കളയിലേക്ക് ചുറ്റും നോക്കി, അവിടെയെങ്ങും അമലയെ കാണാഞ്ഞ് അരികിലേക്ക് നടന്നു അവൻ.

” മാഡം ഇത് എന്തെടുക്കുവാ.?

അടുക്കളയിൽ ചെന്ന് പാതകത്തിന്റെ മുകളിലേക്ക് ഇരുന്നുകൊണ്ട് അവൻ ചോദിച്ചു.

ഒപ്പം അവൾ അരിഞ്ഞു കൊണ്ടിരുന്ന ക്യാരറ്റിൽ ഒരു കഷണം എടുത്ത് കഴിക്കുകയും ചെയ്തു..

“വൈകിട്ടത്തേക്കുള്ള ചപ്പാത്തിയും വെജിറ്റബിൾ കുറുമയും വയ്ക്കാനുള്ള തയ്യാറെടുപ്പിലാണ്.

അവന്റെ മുഖത്തേക്ക് നോക്കാതെ ചെയ്യുന്ന ജോലിയിൽ വ്യാപൃതമായി കൊണ്ട് അവൾ പറഞ്ഞു.

” ഒറ്റയ്ക്കെ ഉള്ളോ, സാധാരണ കൂടെ ഒരു വിക്രമാദിത്യൻ ഉണ്ടാവാറുണ്ടല്ലോ..? ആൾ എവിടെ ഇന്ന്..?

” ഇവിടെ ഫ്ലാറ്റിൽ എന്തോ മീറ്റിംഗ് ആണെന്ന് പറഞ്ഞു അവിടേക്ക് പോയത് ആണ്. പോയിട്ട് ഒരു 10 മിനിറ്റ് കഴിഞ്ഞു.. ഒന്നൊന്നര മണിക്കൂർ കാണും എന്ന് ആണ് പറഞ്ഞത്…

” അത് ഏതായാലും നന്നായി..

ഒരു പ്രത്യേക ടോണിൽ പറഞ്ഞുകൊണ്ട് അവൾക്ക് അരികിലേക്ക് അവൻ നീങ്ങി ഇരുന്നു. ഇതിനിടയിൽ പുറത്തെ വാതിൽ കുറ്റിയിട്ടിട്ടുണ്ടോ എന്ന് ശ്രദ്ധിക്കാൻ മറന്നതുമില്ല.

” എന്തെങ്കിലും ദുരുദ്ദേശത്തിനുള്ള പുറപ്പാട് ആണെങ്കിൽ വേണ്ട,

മുഖത്തേക്ക് നോക്കി അവൾ പറഞ്ഞു..

” ഒരു ദുരുദ്ദേശവും ഇല്ല, നല്ല ഉദ്ദേശം മാത്രമേയുള്ളൂ,

അവൾക്ക് അരികിലേക്ക് നിന്ന് ഇടുപ്പിൽ കൈ ചേർത്ത് അവളെ തന്റെ അരികിലേക്ക് അടുപ്പിച്ചു കൊണ്ട് അവൻ പറഞ്ഞപ്പോൾ അവൾ അമ്പരപ്പോടെ മുഖത്തേക്ക് നോക്കി.

” എന്താണ് ഇച്ചായ ഇത്, ഒന്ന് പോയേ പെട്ടെന്ന് ആന്റിയോ മറ്റോ വന്നാലോ..

” ആന്റി വന്നു ഈ രംഗം കാണുന്നത് നീ ഒന്ന് ഓർത്തുനോക്കിക്കേ

ഒരു പ്രത്യേക രീതിയിൽ അവൻ പറഞ്ഞപ്പോൾ അവൾ അവനെ ഒന്ന് തുറിച്ചു നോക്കി….

” നല്ല ഭംഗിയായിരിക്കും,

അല്പം ദേഷ്യത്തോടെയാണ് അവൾ അത് പറഞ്ഞത്.. അവളുടെ മുഖവും ഭാവവും ഒക്കെ കണ്ടപ്പോൾ അവന് ചിരി വന്നിരുന്നു..

” കാപ്പി വേണോ..?

അവന്റെ മുഖത്തേക്ക് നോക്കി അവൾ ചോദിച്ചു.

” വേണ്ട ഞാനിപ്പം നന്നായിട്ട് ചൂടുപിടിച്ചിരിക്കുകയാ. എന്തെങ്കിലും തണുത്തത് മതി. ഇനി ഉള്ളിലേക്കും കൂടി ചൂട് പോയാൽ ശരിയാവില്ല..

അവളെ അടിമുടി നോക്കി മീശ പിരിച്ച് ഒരു കള്ളച്ചിരിയോടെ അവൻ പറഞ്ഞപ്പോൾ അവൾ അവനെ വീണ്ടും ഒന്ന് കൂർപ്പിച്ചു നോക്കി..കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…