🎶 സോളമന്റെ ഉത്തമഗീതം 🎶❤️: ഭാഗം 44

രചന: റിൻസി പ്രിൻസ്‌

എന്റെ പൊന്നു മോളെ എനിക്ക് ഒരു ദുരുദ്ദേശവും ഇല്ല, നല്ല ഉറക്കം വരുന്നുണ്ട്. അതുകൊണ്ട് ആണ്, നിനക്ക് കൺട്രോൾ ഉണ്ടെങ്കിൽ നീ അങ്ങോട്ട് കിടന്നോ.? നീ എന്നെ ഒന്നും ചെയ്യാതിരുന്നാൽ മതി. എനിക്ക് നന്നായിട്ട് ഉറക്കം വരുന്നുണ്ട്.

അതും പറഞ്ഞ് അവൻ തിരിഞ്ഞു കിടന്നപ്പോൾ എന്ത് ചെയ്യണം എന്ന് അറിയാതെ നിന്നു പോയിരുന്നു മരിയ

“ഇച്ചായൻ ഇത് എന്താണ് ഈ അനാവശ്യം ഒക്കെ പറയുന്നത്…

” ഇതിൽ ഇപ്പൊൾ എന്താ ഇത്ര അനാവശ്യം..? നീ ഇങ്ങനെ ഒരൊറ്റ നിൽപ്പ് നിൽക്കുന്നത് കണ്ടുകൊണ്ട് ആണ് ഇവിടെ വന്ന് കിടക്കാൻ പറഞ്ഞത്. നാളെ നിനക്ക് ക്ലാസ് ഉള്ളതല്ലേ… അതുകൊണ്ട് എന്റെ ശുദ്ധ ഗതി കൊണ്ട് പറഞ്ഞതാ. നീ അവിടെ നിന്നോ, കിടക്കണ്ട. മമ്മ പോകുമ്പോൾ എന്നെ വിളിച്ചാൽ മതി.. ഞാനപ്പോൾ എഴുന്നേറ്റ് പൊയ്ക്കോളം.

അതും പറഞ്ഞു അവൻ കിടന്നപ്പോൾ എന്തു ചെയ്യണം എന്ന് അറിയാത്ത അവസ്ഥയിലായിരുന്നു അവൾ. കുറച്ചുനേരം കൂടി നോക്കിയിട്ടും അമല പോകുന്നില്ല എന്ന് മനസ്സിലായതോടെ അവൾ തറയിൽ ഒരു ഷീറ്റ് വിരിച്ച് അവിടേക്ക് കിടന്നിരുന്നു. അപ്പോഴേക്കും സോളമനു ഉറക്കമായി, അവന്റെ നിശ്വാസങ്ങൾ അവൾക്ക് കേൾക്കാമായിരുന്നു. വെളുപ്പിനെ അലാറം വെച്ചതിനു ശേഷം ആണ് അവൾ കിടന്നത്. കുറച്ചു സമയം കഴിഞ്ഞപ്പോൾ തന്നെ അലാറം അടിച്ചു. കണ്ണ് തുറന്നു അവൾ ആദ്യം നോക്കിയത് പുറത്താണ്, അപ്പോൾ അവിടെ അമലയില്ല.

ആശ്വാസത്തോടെ അവൾ കട്ടിലിലേക്ക് നോക്കിയപ്പോൾ സോളമൻ എഴുന്നേറ്റ് പോയിരിക്കുന്നു. അവൻ പുതച്ച പുതപ്പ് തന്റെ ശരീരത്തിലേക്ക് ഭംഗിയായി വിരിച്ച് ഇട്ടതിനു ശേഷം ആണ് പോയത്. ഒരു നിമിഷം അവൾക്ക് അവനോട് വല്ലാത്ത സ്നേഹം തോന്നി. തന്നെ ഉണർത്തുക പോലും ചെയ്യാതെയാണ് അവൻ പോയത്. ആ പുതപ്പ് കെട്ടിപ്പിടിച്ച് അവൾ കുറച്ചുനേരം കൂടി കിടന്നു. അതിൽ അവന്റെ ഗന്ധം ഉണ്ടെന്ന് അവൾക്ക് തോന്നി. തന്റെ പ്രണയത്തിന്റെ ഗന്ധം…!

കുറച്ച് സമയം കൂടി കഴിഞ്ഞതോടെ അവൾ നേരെ അടുക്കളയിലേക്ക് ചെന്നു. അപ്പോഴും അമല അടുക്കളയിൽ തന്നെയുണ്ട്.. അവർ ഇന്നലെ ഒട്ടും തന്നെ ഉറങ്ങിയിട്ടില്ല എന്ന് അവൾക്ക് തോന്നി.. വീർത്തു കിടക്കുന്ന കൺപോളകൾ അത് കാണിച്ചു തരികയായിരുന്നു..

” എന്തുപറ്റി ആന്റി ഇന്നലെ ഉറങ്ങിയില്ലേ..?

അവരുടെ മുഖത്തേക്ക് നോക്കി അവൾ ചോദിച്ചു

” എന്തോ ഇന്നലെ ഉറക്കം വന്നില്ല മോളെ…

അവൾ ഓരോ ജോലികൾ ചെയ്യുമ്പോഴും എങ്ങനെ അവളോട് ഈ വിഷയത്തെക്കുറിച്ച് സംസാരിക്കും എന്ന് അറിയാതെ നിൽക്കുകയായിരുന്നു അമല. കുറെ തവണയായി ഇടയ്ക്കിടെ അവർ തന്നെ നോക്കുന്നത് കണ്ടുകൊണ്ടാണ് അമലയുടെ മുഖത്തേക്ക് മരിയ നോക്കിയത്…

“എന്താ ആന്റി.. ആന്റിക്ക് എന്നോട് എന്തേലും പറയാൻ ഉണ്ടോ..,?

മരിയ അങ്ങനെ ചോദിച്ചപ്പോൾ ഇതുതന്നെയാണ് കൃത്യമായ അവസരം എന്ന് അമലക്കും തോന്നി…

” ഞാനൊരു കാര്യം മോളോട് ചോദിച്ചാൽ മോൾ സത്യം പറയണം..!

” എന്താ ആന്റി..?

ആന്റിയോട് ഞാൻ കള്ളം പറയൂ മോളുടെ മനസ്സിൽ ആരെങ്കിലും കയറിയിട്ടുണ്ടോ അവരുടെ ആ ചോദ്യത്തിൽ ഒരു നിമിഷം ഞെട്ടിപ്പോയിരുന്നു മരിയ. അവളുടെ മുഖത്തെ ആ പരിഭ്രാന്തി അമലയേയും ഞെട്ടിച്ചു കളഞ്ഞിരുന്നു.

” അതെന്താ അങ്ങനെ ചോദിച്ചത്..?

മനസ്സിലാവാത്തത് പോലെ അവൾ ചോദിച്ചു..

” അല്ല മോളുടെ പ്രായം, എന്തെങ്കിലുമൊക്കെ താൽപര്യം തോന്നുന്ന പ്രായമാണ്. അങ്ങനെ ആരെങ്കിലും മോളോട് എന്തെങ്കിലും താല്പര്യം കാണിച്ചിട്ടുണ്ടോ എന്ന് അറിയാൻ വേണ്ടിയാണ്. അല്ലെങ്കിൽ അങ്ങനെ ഒരു താല്പര്യം മോൾക്ക് ആരോടെങ്കിലും തോന്നിയൊന്നു അറിയാൻ.. അതൊരു തെറ്റായിപ്പോയി എന്നൊന്നും ഒരിക്കലും ആന്റി പറയില്ല. കാരണം ഈ ഒരു പ്രായത്തിൽ ഏതൊരു പെൺകുട്ടിക്കും തോന്നുന്നത് ആണ് ഇതൊക്കെ. പക്ഷേ ചെന്നൈ പോലൊരു സിറ്റിയിൽ അവിടെ മോളെ പോലൊരു പെൺകുട്ടി എത്തിപ്പെടുമ്പോൾ ഒരുപാട് ചതിക്കുഴികൾ ഉണ്ട്. അറിയാലോ മിന്നുന്നതെല്ലാം പൊന്നാവണമെന്നില്ല. ഇന്നത്തെ കാലത്തെ ആൺകുട്ടികൾക്ക് പെൺകുട്ടികളോടെ തോന്നുന്നത് ആത്മാർത്ഥത നിറഞ്ഞ സ്നേഹം ആകണമെന്ന് യാതൊരു നിർബന്ധവുമില്ല. പ്രത്യേകിച്ച് മോളുടെ സാഹചര്യം. ഇഷ്ടമാണെന്നും പറഞ്ഞ് ഒരുപാട് പേര് പുറകെ വരും. പക്ഷേ ആ കെണികളിൽ ഒന്നും വീണു പോകരുത്. ഇവിടെ വന്നത് പഠിക്കാൻ വേണ്ടിയാണ്. അതിൽ മാത്രമേ ശ്രദ്ധ കൊടുക്കാവൂ.

“, എനിക്കറിയാo ആന്റി, ഞാനതൊക്കെ ശ്രദ്ധിച്ചു തന്നെയാ നിൽക്കുന്നത്.

” അത് വേണം.. ഇങ്ങനെയൊക്കെ പറയുന്നത് മോളെ സംശയിച്ചല്ല. നിന്റെ അമ്മ പറഞ്ഞു തരേണ്ട കാര്യങ്ങളാണ് ഞാൻ പറയുന്നത്. ബെറ്റിയുടെ സാഹചര്യം കൊണ്ട് ഈ കാര്യങ്ങൾ ഒന്നും മോളോട് പറയാൻ പറ്റുന്നില്ല. പക്ഷേ ഈ കാര്യങ്ങളൊക്കെ മോള് മനസ്സിലാക്കേണ്ടത് അത്യാവശ്യമായ കാര്യം ആണ്.. നമ്മുടെ സാഹചര്യം മുതലെടുക്കാൻ ഒരു 100 പേരുണ്ടാവും, നല്ലൊരു ജോലി മേടിച്ച് എല്ലാവരുടെയും മുന്നിൽ തല ഉയർത്തിപ്പിടിച്ച് നിൽക്കണം…

“, എനിക്ക് അങ്ങനെ പ്രത്യേകിച്ച് ഇഷ്ടങ്ങൾ ഒന്നുമില്ല.

” മോൾ അറിഞ്ഞുകൊണ്ട് തെറ്റിന്റെ വഴിയിൽ ഒന്നും പോവില്ലന്ന് എനിക്കറിയാം. എങ്കിലും ആരെങ്കിലും മോളെ പറ്റിച്ചാലോ.? അതുകൊണ്ട് ആണ് ആന്റി ഇങ്ങനെ പറഞ്ഞു തന്നത്.

” എനിക്ക് മനസ്സിലായി….

അവൾ തലയാട്ടി കാണിച്ചിരുന്നു.

അങ്ങനെ ഒരു സംശയം അമലയുടെ മനസ്സിൽ ഉണ്ടായത് എന്താണെന്നാണ് ആ നിമിഷം അവൾ ചിന്തിച്ചത്. തന്റെ പ്രവർത്തികളിൽ എന്തെങ്കിലും മാറ്റം വന്നതുകൊണ്ട് ആയിരിക്കുമല്ലോ അങ്ങനെ ഒരു സംശയത്തെക്കുറിച്ച് അമല തന്നോട് ചോദിച്ചിട്ടുണ്ടാവുക. എന്താണെങ്കിലും അവരുടെ മകനോടാണ് തനിക്കൊരു പ്രണയം തോന്നിയത് എന്ന് അവർക്ക് മനസ്സിലാക്കാൻ സാധിച്ചിട്ടില്ല. തന്റെ പ്രവർത്തികൾക്ക് ഒരു ഒതുക്കം വേണമെന്ന് ആ നിമിഷം മരിയയ്ക്ക് തോന്നി.

” മമ്മ കോഫി….

കുറച്ച് കഴിഞ്ഞപ്പോൾ ഉമ്മറത്ത് നിന്നും സോളമൻ വിളിച്ചു പറഞ്ഞു.. ആ നിമിഷം അവന്റെ ശബ്ദം കേട്ടപ്പോൾ അവൾക്ക് വലിയ സന്തോഷമാണ് തോന്നിയത്.. മനസ്സിൽ ഇത്രയും ടെൻഷൻ നിറഞ്ഞുനിൽക്കുന്ന ഈ സാഹചര്യത്തിൽ അവനെ എങ്ങനെയെങ്കിലും ഒന്ന് കണ്ടാൽ മതി എന്നായിരുന്നു അവൾക്ക്. അവൾ പെട്ടെന്ന് തന്നെ ഫ്ലാസ്ക്കിൽ നിന്നും കോഫി എടുത്തതിനു ശേഷം അത് കപ്പിലേക്ക് പകർന്നു അവന്റെ അരികിലേക്ക് നടക്കാൻ തുടങ്ങിയതും അമല അവളെ തടഞ്ഞു..

” മോൾ രാവിലെ പോകാനുള്ള പരിപാടി നോക്കിക്കോ.. ഞാൻ കൊടുത്തോളാം അവന് കാപ്പി..

അതും പറഞ്ഞ് അവളുടെ കൈയിൽ നിന്നും കോഫിയും വാങ്ങി അമല നടക്കുമ്പോൾ അവൾക്ക് വല്ലാത്ത ഒരു വേദന ഹൃദയത്തിൽ അനുഭവപ്പെട്ടിരുന്നു. പ്രിയപ്പെട്ട ഒന്നിനെ തന്നിൽ നിന്നും ആരോ പറിച്ചെടുക്കുന്നതുപോലെ…കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…