ജപ്പാനിൽ ട്രെയിൻ തട്ടി മരിച്ച ദേവികയുടെ ചിതാഭസ്മം കണ്ണൂരിലെ വീട്ടിലെത്തിച്ചു; നോർക്ക അധികൃതരിൽ നിന്ന് ഏറ്റുവാങ്ങി എം.എൽ.എയും കുടുംബവും
കണ്ണൂർ: ജപ്പാനിൽ ബുള്ളറ്റ് ട്രെയിൻ തട്ടി ദാരുണമായി കൊല്ലപ്പെട്ട കണ്ണൂർ പടിയൂർ സ്വദേശി വി. ദേവികയുടെ (22) ചിതാഭസ്മം വീട്ടുകാർക്ക് കൈമാറി. നോർക്ക-റൂട്ട്സ് അധികൃതരിൽ നിന്ന് ഇരിക്കൂർ എം.എൽ.എ സജീവ് ജോസഫ് അസ്ഥികൂടം ഏറ്റുവാങ്ങി ദേവികയുടെ പിതാവ് പ്രകാശന് കൈമാറുകയായിരുന്നു.
സെപ്റ്റംബർ രണ്ടാം തീയതിയാണ് ജപ്പാനിലെ ഗിഫു പ്രവിശ്യയിലെ കാകാമിഗഹാരയിൽ വെച്ച് ദേവിക ട്രെയിൻ തട്ടി മരിക്കുന്നത്. ഇരിട്ടി നിടിയോടിയിലെ തെക്കൻവീട്ടിൽ പ്രകാശന്റെയും ബിനയുടെയും മകളായ ദേവിക ആറു മാസം മുൻപാണ് നഴ്സിങ് അസിസ്റ്റന്റായി ജോലിയിൽ പ്രവേശിക്കുന്നതിനായി ജപ്പാനിലേക്ക് പോയത്.
യുവതിയെ പെട്ടെന്ന് കാണാതായതിനെ തുടർന്ന് വീട്ടുകാർ മുഖ്യമന്ത്രി, എം.പിമാർ, ജനപ്രതിനിധികൾ എന്നിവർക്ക് പരാതി നൽകിയിരുന്നു. തുടർന്ന് നടത്തിയ തിരച്ചിലിലാണ് അപകട വിവരം പുറത്തുവരുന്നത്. സാമ്പത്തിക ബുദ്ധിമുട്ടുകൾ കാരണം കുടുംബത്തിന് സംസ്കാര ചടങ്ങുകൾക്കായി ജപ്പാനിലേക്ക് പോകാൻ സാധിച്ചിരുന്നില്ല. മൃതദേഹം നാട്ടിലേക്ക് കൊണ്ടുവരാൻ കഴിയാത്ത സാഹചര്യത്തിലായിരുന്നു ജപ്പാനിൽ വെച്ച് തന്നെ സംസ്കാരം നടത്തിയത്.
തുടർന്ന് കേന്ദ്ര-സംസ്ഥാന സർക്കാരുകളുടെയും നോർക്ക-റൂട്ട്സിന്റെയും ഇടപെടലിലൂടെയാണ് ചിതാഭസ്മം നാട്ടിലെത്തിച്ച് കുടുംബത്തിന് കൈമാറിയത്. പഞ്ചായത്ത് ജനപ്രതിനിധികളും വില്ലേജ്, പോലീസ് ഉദ്യോഗസ്ഥരും ചടങ്ങിൽ പങ്കെടുത്തു.
ഒറ്റത്തവണയോ എല്ലാ മാസവുമോ ചെറിയൊരു തുക നൽകാം
ബന്ധപ്പെട്ട വാർത്തകൾ

അംഗീകാരമില്ലാത്ത സൗന്ദര്യവർധക വസ്തുക്കൾ വിൽക്കുന്നത് തടയാൻ നടപടിയുമായി ആരോഗ്യവകുപ്പ്; വ്ലോഗർമാർക്കും പിടിവീഴും

തലയിൽ പ്ലാസ്റ്റിക് കവർ കെട്ടിയ നിലയിൽ; അട്ടപ്പാടിയിൽ സ്ത്രീ മരിച്ച നിലയിൽ: ഭർത്താവ് കസ്റ്റഡിയിൽ

മതിയായ ചികിത്സ നൽകിയില്ലെന്ന് പരാതി; കോഴിക്കോട് എട്ടുവയസ്സുകാരന്റെ മരണത്തിൽ സ്വകാര്യ ആശുപത്രിക്കും ഡോക്ടർക്കുമെതിരെ കേസ്

പത്മജ പാർട്ടി വിട്ടപ്പോൾ പറഞ്ഞതും ചെയ്തതും നമ്മുക്ക് മുന്നിലുണ്ടെന്ന് ഷാഫി പറമ്പിൽ; പാർട്ടിക്കുള്ളിൽ ഗ്രൂപ്പ് വിഭാഗീയതയാണെന്ന് ഉണ്ണിത്താൻ

സംസ്കൃത സർവകലാശാലയിലെ മുൻ എസ്എഫ്ഐ പ്രവർത്തകർക്ക് പിഎസ്സി വഴി കൂട്ടത്തോടെ നിയമനം; ക്രമക്കേട് ആരോപണത്തിൽ വീണ്ടും അന്വേഷണം
