🎶 സോളമന്റെ ഉത്തമഗീതം 🎶❤️: ഭാഗം 67

രചന: റിൻസി പ്രിൻസ്‌

സണ്ണി അത് പറഞ്ഞപ്പോൾ ജീനയുടെ മുഖത്തും അനിഷ്ടം നിറയുന്നത് സണ്ണി ശ്രദ്ധിച്ചു.

അവൾക്കൊപ്പം പോകാൻ പറഞ്ഞത് ഒട്ടും തന്നെ ജീനയ്ക്ക് ഇഷ്ടപ്പെട്ടിട്ടില്ല. ജോണിയുടെ അതേ സ്വഭാവം തന്നെയാണ് മകൾക്കുമെന്ന് സണ്ണിക്ക് ഒറ്റനോട്ടത്തിൽ തന്നെ മനസ്സിലാക്കാൻ സാധിച്ചു

ജീനയുടെ കണ്ണുകൾ അപ്പോഴും തേടിയത് സോളമനെയായിരുന്നു…

അവൻ എവിടെ പോയി.? ഇവിടേക്ക് വരുന്നു എന്ന് അറിഞ്ഞപ്പോൾ തന്നെ അവനെ ഒന്ന് കാണണമെന്ന് ചിന്തയാണ് ആദ്യം മനസ്സിൽ നിന്നത്.

ആ വീട് മുഴുവൻ പരതിയെങ്കിലും അവനെ ഒന്ന് കാണാൻ സാധിച്ചില്ല.

“വാ ജീനേ…

മരിയ വിളിച്ചപ്പോൾ താല്പര്യമില്ലാതെ അവൾക്കൊപ്പം മുറിയിലേക്ക് ജീന പോയിരുന്നു.

മരിയയുടെ മുറിയിലേക്ക് കയറിയപ്പോൾ ജീന ഞെട്ടി പോയിരുന്നു. ആ ഫ്ലാറ്റിലെ തന്നെ നല്ലൊരു മുറിയായിരുന്നു അത്. തങ്ങളുടെ വീട്ടിൽ അടുക്കളയുടെ അടുത്തുള്ള ഒരു സ്റ്റോറും പോലെയുള്ള ചെറിയ മുറിയാണ് അവൾക്ക് കൊടുക്കുന്നത്. ഇടുങ്ങിയ ആ മുറിയിൽ കയറുമ്പോൾ തന്നെ ശ്വാസംമുട്ടാറുണ്ട്. ഇവിടെ രാജകുമാരിയെ പോലെയാണോ ഇവൾ താമസിക്കുന്നത് എന്ന ചിന്ത പോലും ആ നിമിഷം ജീനയിൽ ഉണ്ടായി.

ചെന്നൈയിലെ അത്യാവശ്യം ലക്ഷ്വറി ഫ്ലാറ്റിൽ തന്നെയായിരുന്നു അമലയും സണ്ണിയും താമസിക്കുന്നത്. മരിയ്ക്ക് കൊടുക്കുന്നത് ഇങ്ങനെ ഒരു റൂം ആണെങ്കിൽ താൻ സോളമന്റെ ഭാര്യയായി ജീവിക്കുകയാണെങ്കിൽ എന്തൊക്കെ സുഖസൗകര്യങ്ങൾ ആയിരിക്കും കിട്ടുന്നത് എന്ന് ചിന്തിക്കുകയായിരുന്നു ജീന.

ഇതാണോ നിന്റെ മുറി.? താൽപര്യമില്ലാതെ ജീന ചോദിച്ചു. തന്നെക്കാൾ നാലു വയസ്സിന് ഇളയതാണ് എങ്കിൽപോലും തന്നെ എടി എന്നാണ് അവൾ വിളിക്കാറുള്ളത്. സ്നേഹം കൊണ്ടാണെങ്കിൽ അത് അംഗീകരിക്കാം. ഇത് പക്ഷേ വേലക്കാരികളെ വിളിക്കുന്നതുപോലെയാണ്. ഓർമ്മവച്ച കാലം മുതൽ അങ്ങനെയാണ് വിളിക്കുന്നത്. അതുകൊണ്ട് അതിൽ വലിയ സങ്കടം തോന്നിയിട്ടില്ല.

മരിയ ഓർത്തു

” എന്റെ മുറി എന്നൊന്നുമില്ല. ഞാനിവിടെ വരുമ്പോൾ സാധാരണ ഈ മുറിയാ അമലാന്റി ഉപയോഗിക്കാൻ തരാറുള്ളത്.

ആ വീട് പരിചയമുള്ളവളെ പോലെ മരിയ പറഞ്ഞത് ജീനക്ക് അത്രയ്ക്ക് ഇഷ്ടമായിരുന്നില്ല.

” അമലയാന്റിയ്ക്ക് നിന്നെ വലിയ ഇഷ്ടമാണോ..?

അവളുടെ മുഖത്തേക്ക് നോക്കി ജീന ചോദിച്ചു

” ഭയങ്കര ഇഷ്ടം ആണ്.. എന്നെ സ്വന്തം മോളെ പോലെയാണ് കരുതുന്നത്.

അത് കേട്ടപ്പോൾ ജീനയ്ക്ക് അത്ര ഇഷ്ടപ്പെട്ടില്ല.

” ” ഞാൻ ഇവിടേക്ക് കയറി വരുന്നത് വരെ ഉള്ളൂ ഈ ഇഷ്ടവും സ്നേഹം ഒക്കെ…. പിന്നെ നിന്നെ ഞാൻ ഇവിടെ അടുപ്പിക്കുക പോലും ഇല്ല..

ജീന മനസ്സിൽ ചിന്തിച്ചു..

“ജീനെ പെട്ടെന്ന് എൻജിനീയറിങ്ങിലേക്ക് മാറിയത് എന്താണ്.? അതുവരെ നഴ്സിങ് ആയിരുന്നല്ലോ പറഞ്ഞത്

തന്റെ മനസ്സിലെ സംശയം മരിയ പങ്കുവെച്ചു.

” എനിക്കറിയില്ല പപ്പ പറഞ്ഞു എഞ്ചിനീയറിങ്ങിന് പോകാൻ. ഞാൻ അതനുസരിച്ചു

താൽപര്യമില്ലാതെ ജീന പറഞ്ഞപ്പോൾ പിന്നെ ഒന്നും ചോദിക്കാൻ പോയില്ല മരിയ

“നിനക്ക് കുളിക്കണമെങ്കിൽ ഒന്ന് ഫ്രഷ് ആയിട്ട് വാ, യാത്ര കഴിഞ്ഞ് വന്നതല്ലേ. ബാത്റൂം ഇതാ..

ബാത്റൂം കാണിച്ചുകൊടുത്തു മരിയ പുറത്തേക്ക് ഇറങ്ങിയപ്പോൾ ജീനയ്ക്ക് അവളുടെ അധികാരവും വർത്തമാനവും ഒന്നും അത്ര ഇഷ്ടപ്പെട്ടില്ല.

സ്വന്തം വീടുപോലെയാണ് പറയുന്നത്. എന്തിനാണ് അവൾ ഇങ്ങനെയൊക്കെ സംസാരിക്കുന്നത് എന്ന് ജീന ശ്രദ്ധിച്ചു. പുറത്തേക്ക് ചെന്നപ്പോൾ ജോണിയും സണ്ണിയും വർത്തമാനം പറയുകയാണ്. അവൾ അടുക്കളയിലേക്ക് പോയി.

അമലയുടെ അരികിൽ ചെന്ന് നിന്നു. അവർ ഫ്ലാസ്കിൽ വെള്ളമെടുക്കുകയാണ്.

” അവര് കഴിച്ചിട്ട് വന്നന്നാ പറഞ്ഞത്. കട്ടൻകാപ്പി വല്ലതും വേണോ ആവോ. ജോണിയോട് ചോദിച്ചപ്പോൾ ഒന്നും വേണ്ടെന്ന പറഞ്ഞത്, എങ്കിലും കുറച്ചു കട്ടൻകാപ്പി ഇടാമല്ലെ മോളെ..?

മരിയയോട് ചോദിച്ചു കൊണ്ട് കുറച്ചു വെള്ളം എടുത്ത് ഗ്യാസിൽ വച്ചു അമല

” . ഈ വെള്ളം മോള് സോളമന്റെ മുറിയിലേക്ക് കൊടുത്തേക്കു, അവന് കുറച്ചു മുമ്പ് വെള്ളം ചോദിച്ചായിരുന്നു.

മരിയുടെ കയ്യിലേക്ക് വെള്ളം നീട്ടിക്കൊണ്ട് അമല പറഞ്ഞപ്പോൾ വലിയ സന്തോഷത്തോടെയാണ് അവൾ അത് വാങ്ങിയത്. കിടക്കുന്നതിനു മുൻപ് അവനെ ഒന്ന് കാണണമെന്ന് അവൾക്കും ഉണ്ടായിരുന്നു. വെള്ളവുമായി അവൾ സോളമന്റെ മുറിക്കു മുൻപിൽ ചെന്നു.

രണ്ടുവട്ടം ഡോറിൽ കൊട്ടിയതിനു ശേഷം ആണ് അവൻ കതക് തുറന്നത്. മുൻപിൽ അവളെ കണ്ടതും അവന് സന്തോഷം വന്നു.

” പ്രതീക്ഷിക്കാത്ത അതിഥി ആണല്ലോ,

അവൻ ചിരിച്ചുകൊണ്ട് പറഞ്ഞു

അവൾ കയ്യിലിരുന്ന ഫ്ലാസ്ക്ക് അവന് നേരെ നീട്ടി.

” വെള്ളം

” ശോ ഞാൻ വിചാരിച്ചു സ്ഥലമില്ലാത്തതുകൊണ്ട് മമ്മ പറഞ്ഞു എന്റെ മുറിയിൽ നീയും കൂടി അഡ്ജസ്റ്റ് ചെയ്തോളാൻ, അതുകൊണ്ട് നീ ഇവിടേക്ക് വന്നതായിരിക്കും എന്ന്

ഒരു കുസൃതി പോലെ അവൻ പറഞ്ഞു.

“, ബെസ്റ്റ് പുറത്തു കിടത്തിയാലും ഈ മുറിയിലോട്ട് എന്നെ ആന്റി എന്താണെങ്കിലും കയറ്റി വിടില്ല.

മരിയ പറഞ്ഞു.

” പക്ഷേ ദ എൻഡ് ഓഫ് ദി ഡേ ഈ മുറിയിലാണ് നീ എത്തേണ്ടത്. ഇത് നമ്മുടെ മുറിയല്ലേ.?

അവൾക്കാരിലേക്ക് മുഖമടിപ്പിച്ച് അവനത് പറഞ്ഞപ്പോൾ അവൾ അവനിൽ നിന്നും കുറച്ച് അകന്നുനിന്നു.

” അവിടെയാ വല്യമ്മച്ചി കിടക്കുന്നത്.? വല്ലതും കേട്ടാൽ ഇപ്പൊൾ എഴുന്നേറ്റു വരും. അവന്റെ തൊട്ടു ഓപ്പോസിറ്റ് ഉള്ള മുറി ചൂണ്ടി കാണിച്ചുകൊണ്ട് മരിയ അത് പറഞ്ഞപ്പോൾ അവൻ ഒന്ന് ചിരിച്ചു..

” വരട്ടെ..

അവൻ അവളെ നോക്കി പറഞ്ഞു

” ഞാൻ പോവുകയാ

പോകാൻ തുടങ്ങിയവളെ അവൻ കയ്യിൽ പിടിച്ചു വലിച്ചു അകത്തേക്ക് കയറ്റി ഡോറടച്ചു..

ഒരു നിമിഷം അവന്റെ പ്രവർത്തിയിൽ അവൾ ഒന്ന് അമ്പരന്നു പോയിരുന്നു.

അവളെ തന്റെ കരവലയത്തിൽ ആക്കി ഒന്നു സൂക്ഷിച്ചു നോക്കി

” ഐ ലവ് യു….

ഏറെ പ്രണയത്തോടെ അവളുടെ കണ്ണുകളിൽ നോക്കി ചുണ്ടിൽ മുത്തി അവൻ പറഞ്ഞു.

” വിഷമങ്ങളൊക്കെ ഉടനെ അവസാനിക്കും, എന്റെ കൂടെ പെട്ടന്ന് കൂട്ടാം ഞാൻ.. ഒരുപാട് മിസ്സ് ചെയ്യുന്നുണ്ട് എനിക്ക് എന്റെ മറിയാമ്മേ, എന്റെ കൂടെ എപ്പോഴും നീ ഉണ്ടെങ്കിൽ എന്ന് ഇപ്പൊ വല്ലാത്ത ആഗ്രഹം…

അവളുടെ മുഖത്തേക്ക് നോക്കി അവൻ പറഞ്ഞു,

” എനിക്കറിയാം കഴിക്കാൻ ഇരുന്നപ്പോൾ വല്യമ്മച്ചി അങ്ങനെ പറഞ്ഞതിന് എന്നേ ആശ്വസിപ്പിക്കുവല്ലേ..?എനിക്ക് അതൊന്നും ഒരു വിഷയമല്ല..ഈ ലോകം മുഴുവൻ എന്നെ എന്തു പറഞ്ഞാലും എനിക്ക് കുഴപ്പമില്ല. ഈ ഒരാളെന്റെ കൂടെയില്ലേ.? അതിനപ്പുറം എനിക്ക് എന്താ വേണ്ടത്.? എനിക്കത് മതി. ഇത് മാത്രം മതി. എനിക്കൊരു വിഷമവുമില്ല. എന്നെ ആശ്വസിപ്പിക്കാൻ വേണ്ടിയല്ലേ ഇപ്പൊ ഇതൊക്കെ പറയുന്നത്.

അവന്റെ മുഖത്തേക്ക് നോക്കി അത് പറഞ്ഞു ആ കവിളിൽ ഒരു ഉമ്മയും കൊടുത്ത് അവൾ ഡോർ തുറന്നു പുറത്തേക്ക് നടന്നു. അവന്റെ ചുണ്ടിൽ ഒരു ചിരി ബാക്കിയായി.

അവളുടെ ഡോർ തുറന്ന് പോയ സമയം തന്നെയാണ് ജീന അവിടേക്ക് വന്നത്. അവൾ പെട്ടെന്ന് അകത്തേക്ക് നോക്കിയപ്പോൾ ചിരിച്ചുകൊണ്ട് നിൽക്കുന്ന സോളമനയേയാണ് കണ്ടത്. സോളമന്റേ മുറിക്കുള്ളിൽ നിന്നും ഇറങ്ങി വരുന്ന മരിയയേ കണ്ടപ്പോൾ അവൾ അമ്പരന്നു…കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…