സംസ്ഥാനത്ത് സ്വർണവിലയിൽ വീണ്ടും വർധനവ്. പവന് ഇന്ന് 240 രൂപ വർധിച്ചു. ഇതോടെ ഒരു പവൻ സ്വർണത്തിന്റെ വില 60,440 രൂപയായി. സംസ്ഥാനത്തെ ഏറ്റവുമുയർന്ന സ്വർണവിലയാണിത്. ഇന്നലെ വിലയിൽ മാറ്റമുണ്ടായിരുന്നില്ല
ഗ്രാമിന് 30 രൂപ വർധിച്ച് 7555 രൂപയിലെത്തി. മൂന്നാഴ്ചക്കിടെ മാത്രം പവന്റെ വിലയിൽ 3240 രൂപയുടെ വർധനവുണ്ടായി. ജി എസ് ടിയും പണിക്കൂലിയുമൊക്കെ ചേർത്ത് ഒരു പവൻ സ്വർണം വാങ്ങണമെങ്കിൽ നിലവിൽ 65,000 രൂപയ്ക്ക് മുകളിൽ നൽകേണ്ടി വരും
ആഗോളവിപണിയിൽ സ്‌പോട്ട് ഗോൾഡ് വില ട്രോയ് ഔൺസിന് 2771.92 ഡോളറിലെത്തി. രാജ്യത്തെ കമ്മോഡിറ്റി എക്‌സ്‌ചേഞ്ച് ആയ എംസിഎക്‌സിൽ 10 ഗ്രാം 24 കാരറ്റ് സ്വർണവില 79,894 രൂപയാണ്‌
