കോഴിക്കോട് കാരശ്ശേരിയിൽ 52കാരന്റെ മൃതദേഹം തോട്ടിൽ കണ്ടെത്തി. കാരശ്ശേരി പഞ്ചായത്തിലെ വല്ലത്തായിപാറ-കൂടരഞ്ഞി റോഡിന് സമീപമുള്ള തോട്ടിലാണ് ഇന്ന് രാവിലെയാണ് നാട്ടുകാർ മൃതദേഹം കണ്ടെത്തിയത്.
കാരശ്ശേരി മൂട്ടോളി സ്വദേശിയും തെങ്ങുകയറ്റ തൊഴിലാളിയുമായ അച്യുതനാണ് മരിച്ചത്. തോട്ടിലൂടെ വെള്ളം ഒഴുകുന്ന ഭാഗത്ത് മൃതദേഹം കമിഴ്ന്ന് കിടക്കുന്ന നിലയിലാണ് കണ്ടെത്തിയത്.
ഈ ഭാഗത്ത് പാറക്കല്ലുകളുമുണ്ട്. തോടിന് സമീപത്തായുള്ള കലുങ്കിൽ ഇരുന്നപ്പോൾ തോട്ടിലേക്ക് വീണുപോയതാകാമെന്നാണ് സംശയിക്കുന്നത്.
