കൊച്ചിയിൽ അനധികൃതമായി താമസിച്ച 27 ബംഗ്ലാദേശ് പൗരൻമാർ പിടിയിൽ; സംഘത്തിൽ സ്ത്രീകളും

അനധികൃതമായി കൊച്ചിയിൽ താമസിച്ച് ജോലി ചെയ്തിരുന്ന 27 ബംഗ്ലാദേശ് പൗരൻമാർ പിടിയിൽ. മുനമ്പത്ത് നിന്നാണ് ഇവരെ ആലുവ പോലീസും തീവ്രവാദ വിരുദ്ധ സേനയും സംയുക്തമായി നടത്തിയ റെയ്ഡിൽ പിടികൂടിയത്.

ക്ലീൻ റൂറൽ എന്ന് പേരിട്ട് കൊച്ചിയിൽ നടത്തുന്ന പരിശോധനയിലാണ് ഇവർ പിടിയിലായത്. ഇതര സംസ്ഥാന തൊഴിലാളികളെന്ന വ്യാജേന മുനമ്പത്തെ ലേബർ ക്യാമ്പിൽ താമസിച്ച് വരികയായിരുന്നു.

പിടിയിലായവരിൽ സ്ത്രീകളുമുണ്ട്. 50 ഓളം പേരെയാണ് പോലീസ് കസ്റ്റഡിയിലെടുത്തത്. 23 പേർ ഇതര സംസ്ഥാനത്ത് നിന്നുള്ളവരാണെന്ന് കണ്ട് ഇവരെ വിട്ടയച്ചു.