കോട്ടയം ഗാന്ധിനഗർ സ്‌കൂൾ ഓഫ് നഴ്‌സിംഗ് കോളേജിൽ റാഗിംഗ് നടത്തിയ സംഭവത്തിൽ അഞ്ച് വിദ്യാർഥികൾക്ക് സസ്‌പെൻഷൻ. സാമുവൽ ജോൺസൺ, എൻ എസ് ജീവ, കെപി രാഹുൽരാജ്, സി റിജിൽ ജിത്ത്, വിവേക് എൻപി എന്നിവർക്കെതിരെയാണ് നടപടി.
ഒന്നാം വർഷ വിദ്യാർഥികളെയാണ് മൂന്നാം വർഷ വിദ്യാർഥികൾ ക്രൂരമായി റാഗ് ചെയ്തത്. ആന്റി റാഗിംഗ് നിയമപ്രകാരം അന്വേഷണം നടത്തിയ ശേഷമാണ് പ്രിൻസിപ്പൽ നടപടിയെടുത്തത്. സംഭവത്തിൽ അഞ്ച് വിദ്യാർഥികളെയും പോലീസ് കസ്റ്റഡിയിലെടുത്തിട്ടുണ്ട്
ഒന്നാം വർഷ വിദ്യാർഥികളെ മൂന്നാം വർഷ വിദ്യാർഥികൾ മൂന്ന് മാസത്തോളം റാഗ് ചെയ്‌തെന്നാണ് പരാതിയിലുള്ളത്. വിദ്യാർഥികളുടെ സ്വകാര്യ ഭാഗങ്ങളിൽ ഡംബൽ തൂക്കിയിട്ട് ഉപദ്രവിച്ചെന്നും കോമ്പസ് അടക്കമുള്ള ഉപകരണങ്ങൾ കൊണ്ട് മുറിവേൽപ്പിച്ചെന്നും പരാതിയിൽ പറയുന്നു.
