മതവിദ്വേഷ പരാമർശത്തിൽ ബിജെപി നേതാവ് പിസി ജോർജ് കോടതിയിൽ കീഴടങ്ങി. ഈരാറ്റുപേട്ട മുൻസിഫ് കോടതിയിലാണ് കീഴടങ്ങിയത്. ഹൈക്കോടതിയും മുൻകൂർ ജാമ്യാപേക്ഷ തള്ളിയതിന് പിന്നാലെ പിസി ജോർജിനെ അറസ്റ്റ് ചെയ്യാൻ പോലീസ് നീക്കം ആരംഭിച്ചിരുന്നു
ഇന്ന് രാവിലെ പിസി ജോർജിന്റെ വീട്ടിൽ അറസ്റ്റിനായി പോലീസ് എത്തിയിരുന്നു. ഇതിന് പിന്നാലെയാണ് കീഴടങ്ങൽ. ശനിയാഴ്ചയും പിസിയെ അറസ്റ്റ് ചെയ്യാൻ പോലീസ് നീക്കം നടത്തിയെങ്കിലും രണ്ട് ദിവസത്തെ സാവകാശം ഇദ്ദേഹം ചോദിച്ചിരുന്നു
ജനുവരി 6ന് ചാനൽ ചർച്ചയിൽ നടത്തിയ മതവിദ്വേഷ പരാമർശത്തിലാണ് ഈരാറ്റുപേട്ട പോലീസ് കേസെടുത്തത്. മതസ്പർധ വളർത്തൽ, കലാപാഹ്വാനം തുടങ്ങിയ വകുപ്പുകളാണ് ചുമത്തിയിരിക്കുന്നത്.
