മാസപ്പടി കേസിൽ വീണക്ക് പിന്നാലെ ഇഡിയും; കേസെടുത്തേക്കും, എസ്എഫ്‌ഐഒയോട് രേഖകൾ ആവശ്യപ്പെട്ടു
മാസപ്പടി കേസിൽ മുഖ്യമന്ത്രിയുടെ മകൾ ടി വീണക്കെതിരെ ഇ ഡിയും കേസെടുക്കുമെന്ന് റിപ്പോർട്ട്. എസ് എഫ് ഐ ഒയോട് ഇ ഡി രേഖകൾ ആവശ്യപ്പെട്ടെന്നാണ് വിവരം. കള്ളപ്പണം തടയുന്നതിനുള്ള നിയമത്തിന്റെ പരിധിയിൽ കേസ് വരുമെന്നാണ് ഇഡിയുടെ നിരീക്ഷണം.
എസ് എഫ് ഐ ഒ രേഖകൾ കൈമാറിയ ശേഷമായിരിക്കും മറ്റ് നടപടികളിലേക്ക് ഇടി കടക്കുക. ഇഡി ഉദ്യോഗസ്ഥരെ ഉദ്ധരിച്ച് ദേശീയ മാധ്യമങ്ങളാണ് വാർത്ത നൽകിയത്. വീണയെ ഇ ഡി ചോദ്യം ചെയ്‌തേക്കും. രേഖകൾ പരിശോധിച്ച ശേഷം ഹാജരാകാൻ ആവശ്യപ്പെട്ട് സമൻസ് നൽകും
അതേസമയം, മാസപ്പടിക്കേസിൽ എസ്എഫ്‌ഐഒയുടെ തുടർനടപടികൾ തടയണമെന്നാവശ്യപ്പെട്ടുള്ള സിംഎംആർഎൽ ഹർജി ഡൽഹി ഹൈക്കോടതി ഇന്ന് വീണ്ടും പരിഗണിക്കും. ഉച്ചയ്ക്ക് 2.30നാണ് ഹർജി പരിഗണിക്കുക. ഹർജിയിൽ എസ്എഫ്‌ഐഒക്കും കേന്ദ്ര കമ്പനികാര്യ മന്ത്രാലയത്തിനും കോടതി നോട്ടീസ് അയച്ചിരുന്നു. സിംഎംആർഎല്ലിനായി മുതിർന്ന അഭിഭാഷകൻ കപിൽ സിബൽ ഇന്ന് ഹാജരായേക്കും
