ലഹരി പരിശോധനയ്ക്കിടെ ഹോട്ടലിൽ നിന്നും ഇറങ്ങി ഓടിയ സംഭവത്തിൽ നടൻ ഷൈൻ ടോം ചാക്കോ ചോദ്യം ചെയ്യലിനായി പോലീസ് സ്റ്റേഷനിൽ ഹാജരായി. പോലീസ് പറഞ്ഞതിലും അരമണിക്കൂർ നേരത്തെയാണ് ഷൈൻ എത്തിയത്. രാവിലെ 10.30 ന് ഹാജരാകാനായിരുന്നു ഷൈനിന് പോലീസ് നോട്ടീസ് നൽകിയത്.
യാത്രയിൽ ആയതിനാൽ വൈകിട്ട് 3.30ന് ഷൈൻ ഹാജരാവുമെന്നായിരുന്നു പിതാവ് കഴിഞ്ഞ ദിവസം അറിയിച്ചതെങ്കിലും 10.30ന് തന്നെ എത്തുമെന്ന് പിന്നീട് അറിയിക്കുകയായിരുന്നു. നോർത്ത് പോലീസ് സ്റ്റേഷനിലാണ് ഷൈൻ ഹാജരായത്.
സ്റ്റേഷനിൽ ഹാജരായ ഷൈനിനോട് മാധ്യമങ്ങൾ പ്രതികരണം തേടിയെങ്കിലും പ്രതികരിച്ചില്ല. അഭിഭാഷകനൊപ്പം കാറിലാണ് ഷൈൻ സ്റ്റേഷനിലെത്തിയത്. ഉടൻ പോലീസ് ചോദ്യം ചെയ്യൽ ആരംഭിക്കും.
