കണ്ണൂരിൽ ഫൈബർ ബോട്ട് മണൽത്തിട്ടയിൽ ഇടിച്ച് മറിഞ്ഞു; ഒരാൾ മരിച്ചു, രണ്ട് പേർ ചികിത്സയിൽ

കണ്ണൂർ ചൂട്ടാട് ഫൈബർ ബോട്ട് അപകടത്തിൽ ഗുരുതരമായി പരുക്കേറ്റ മത്സ്യത്തൊഴിലാളി മരിച്ചു. തമിഴ്‌നാട് പുത്തുന്തറ സ്വദേശി ആന്റണിയാണ് മരിച്ചത്. പരുക്കേറ്റ സെൽവ ആന്റണി, ലേല അടിമൈ എന്നിവർ ചികിത്സയിലാണ്.

പയ്യന്നൂരിലെ ആശുപത്രിയിൽ ചികിത്സയിലിരിക്കെയാണ് ആന്റണി മരിച്ചത്. ഉച്ചയ്ക്ക് മൂന്ന് മണിയോടെയായിരുന്നു അപകടം. ഫൈബർ ബോട്ട് മണൽ തിട്ടയിൽ ഇടിച്ച് മറിയുകയായിരുന്നു.

അഴീക്കോട് സ്വദേശിയുടെ ഉടമസ്ഥതയിലുള്ള ബോട്ടാണ് അപകടത്തിൽപ്പെട്ടത്. എട്ട് പേരാണ് ബോട്ടിലുണ്ടായിരുന്നത്. അഞ്ച് പേർ നീന്തി രക്ഷപ്പെട്ടു. ആന്റണിയടക്കമുള്ള മൂന്ന് പേരെ നാട്ടുകാരാണ് കരയ്ക്ക് എത്തിച്ച് ആശുപത്രിയിൽ പ്രവേശിപ്പിച്ചത്.