ജമ്മു കാശ്മീരിലെ ദാരയിൽ നടന്ന ഏറ്റുമുട്ടലിൽ മൂന്ന് ഭീകരരെ സുരക്ഷാ സേന വധിച്ചു. പഹൽഗാം ഭീകരാക്രമണത്തിലെ രണ്ട് ഭീകരരും കൊല്ലപ്പെട്ടവരിൽ ഉൾപ്പെട്ടതായാണ് സൂചന. ശ്രീനഗറിലെ ദാരയിൽ തെരച്ചിൽ നടത്തുന്നതിനിടെയാണ് ഏറ്റുമുട്ടലുണ്ടായത്
ജമ്മു കാശ്മീരിലെ ലിഡ്വാസിലും സുരക്ഷാ സേനയും തീവ്രവാദികളും തമ്മിൽ ഏറ്റുമുട്ടൽ നടന്നു. ഡച്ചിഗാം ദേശീയോദ്യാനത്തിന് സമീപമുള്ള ഹർവാൻ പ്രദേശത്താണ് ഏറ്റുമുട്ടൽ നടന്നത്
രഹസ്യവിവരത്തെ തുടർന്നാണ് ഭീകരർക്കായി ഇവിടെ തെരച്ചിൽ നടത്തിയത്. പ്രദേശത്തേക്ക് കൂടുതൽ സേനയെ അയച്ചതായി അധികൃതർ വ്യക്തമാക്കി.
