ബ്രിട്ടീഷ് രഹസ്യാന്വേഷണ ഏജൻസിയായ എംഐ 6ന്റെ തലപ്പത്ത് ആദ്യമായി വനിത. 47കാരി ബ്ലെയ്‌സ് മെട്രവെലിയാണ് 115 വർഷത്തെ ചരിത്രമാുള്ള യുകെ രഹസ്യാന്വേഷണ ഏജൻസിയുടെ മേധാവിയായി എത്തുന്നത്. സി എന്ന കോഡ് നാമത്തിലാണ് എംഐ 6 മേധാവി അറിയപ്പെടുന്നത്
ബ്ലെയ്‌സ് ഉടൻ ചുമതലയേറ്റെടുക്കും. ജയിംസ് ബോണ്ട് സിനിമകളിലെ എംഐ 6 മേധാവിയുയെ കോഡ് നാമം എം എന്നാണ്. റിയൽ ലൈഫിൽ അത് സിയും. ജയിംസ് ബോണ്ട് സിനിമകളിൽ എം ആയി വനിതയെയാണ് കാണിക്കാറുള്ളതെങ്കിലും യഥാർഥത്തിൽ എംഐ 6 തലപ്പത്തേക്ക് ഒരു വനിത എത്തുന്നത് ഇപ്പോൾ മാത്രമാണ്
നിലവിൽ എംഐ 6ലെ സാങ്കേതികവിദ്യയുടെ മേൽനോട്ടം വഹിക്കുന്ന ഡയറക്ടർ ജനറലാണ് ബ്ലെയ്‌സ്. വിദേശ ഇന്റലിജൻസ് മാത്രമാണ് എംഐ 6 കൈകാര്യം ചെയ്യുന്നത്. യുകെയുടെ ആഭ്യന്തര ഇന്റലിജൻസ് കൈകാര്യം ചെയ്യുന്നത് എംഐ 5 എന്ന ഏജൻസിയാണ്.
