ഹേമ കമ്മിറ്റി: അന്വേഷണം തടയാനാകില്ല, ഹൈക്കടോതി ഉത്തരവിൽ ഇടപെടാനില്ലെന്ന് സുപ്രീം കോടതി

ഹേമ കമ്മിറ്റി റിപ്പോർട്ടിൻ മേൽ അന്വേഷണം നടത്താനുള്ള ഹൈക്കോടതി ഉത്തരവിൽ ഇടപെടാൻ വിസമ്മതിച്ച് സുപ്രീം കോടതി. കുറ്റകൃത്യത്തെ കുറിച്ച് വിവരം ലഭിച്ച് കഴിഞ്ഞാൽ പോലീസ് നിയമപ്രകാരം മുന്നോട്ടു പോകാൻ ബാധ്യസ്ഥരാണെന്ന് ചൂണ്ടിക്കാട്ടിയ സുപ്രീം കോടതി അന്വേഷണ അധികാരങ്ങൾ തടയുന്നതിനുള്ള നിർദേശം നൽകാനാകില്ലെന്നും വ്യക്തമാക്കി.

ഹേമ കമ്മിറ്റി റിപ്പോർട്ടിൻമേലുള്ള അന്വേഷണം തടയണമെന്ന ആവശ്യവും കോടതി അംഗീകരിച്ചില്ല. അന്വേഷണം നടത്തുന്നതിനെ ചോദ്യം ചെയ്ത് നിർമാതാവ് സജിമോൻ പാറയിലും ഒരു നടിയും അണിയറ പ്രവർത്തകയും നൽകിയ ഹർജി കോടതി തീർപ്പാക്കി.

ഹേമ കമ്മിറ്റിക്ക് മൊഴി നൽകിയവർക്കും എസ്‌ഐടി ഉപദ്രവിക്കുന്നതായി പരാതിയുള്ളവർക്കും ഹൈക്കോടതിയെ സമീപിക്കാമെന്നും കോടതി നിർദേശിച്ചു.