ഹേമ കമ്മിറ്റി റിപ്പോർട്ടിൽ പരാമർശിക്കുന്ന പവർ ഗ്രൂപ്പ് സംബന്ധിച്ച് പ്രതികരണവുമായി മോഹൻലാൽ. കമ്മിറ്റി റിപ്പോർട്ടിലെ കാര്യങ്ങൾ പൂർണമായി അറിയില്ലല്ലോ. അതെല്ലാം പുറത്തുവരട്ടെ. അപ്പോഴല്ലേ കാര്യങ്ങൾ അറിയാനാകൂ. ഞാൻ പവർ ഗ്രൂപ്പിൽ പെട്ടയാളല്ല. എനിക്കങ്ങനെയൊരു ഗ്രൂപ്പിനെ കുറിച്ച് അറിയില്ല
അറിയുമോ എന്ന് ചോദിച്ചാൽ ഞാൻ ആദ്യമായാണ് കേൾക്കുന്നത്. ആ റിപ്പോർട്ട് വരുന്നതുവരെ കാത്തിരിക്കൂ. ഞാൻ കമ്മിറ്റിയിൽ മൊഴി കൊടുത്തതാണ്. പക്ഷേ റിപ്പോർട്ട് കണ്ടിട്ടില്ലെന്നും മോഹൻലാൽ പറഞ്ഞു.
സിനിമ സമൂഹത്തിന്റെ ഭാഗമാണെന്നും മറ്റെല്ലായിടത്തും സംഭവിക്കുന്ന കാര്യങ്ങൾ ഇവിടെയും സംഭവിക്കുന്നുവെന്നും മോഹൻലാൽ പറഞ്ഞു. അഭിഭാഷകരോട് അടക്കം സംസാരിച്ചാണ് അമ്മയുടെ ചുമതലകളിൽ നിന്ന് രാജിവെച്ചതെന്നും മോഹൻലാൽ പറഞ്ഞു.
