World
ഇറാൻ മിസൈൽ ആക്രമണം: ഒരു സ്ത്രീ മരിച്ചു; തെഹ്‌റാൻ വിമാനത്താവളം ഇസ്രയേൽ ആക്രമിച്ചെന്ന് റിപ്പോർട്ട്
ടെഹ്‌റാൻ/ജെറുസലേം: ഇറാൻ-ഇസ്രയേൽ സംഘർഷം രൂക്ഷമായിക്കൊണ്ടിരിക്കെ, ഇറാൻ നടത്തിയ മിസൈൽ ആക്രമണത്തിൽ പരിക്കേറ്റ ഒരു സ്ത്രീ മരിച്ചതായി ഇസ്രയേൽ അധികൃതർ അറിയിച്ചു. ഇസ്രയേലിൽ നടന്ന ആക്രമണങ്ങളിൽ ആകെ 63 പേർക്ക് പരിക്കേറ്റതായും ഇതിൽ ഒരാളുടെ നില ഗുരുതരമാണെന്നും നേരത്തെ റിപ്പോർട്ടുണ്ടായിരുന്നു.
അതേസമയം, ഇറാനിലെ തലസ്ഥാനമായ തെഹ്‌റാനിലെ വിമാനത്താവളത്തിൽ ഇസ്രയേൽ ആക്രമണം നടത്തിയതായി റിപ്പോർട്ടുകളുണ്ട്. ഇസ്രയേൽ ആക്രമണം സ്ഥിരീകരിക്കുകയാണെങ്കിൽ, ഇത് സംഘർഷം കൂടുതൽ വഷളാക്കും. നിലവിൽ, തെഹ്‌റാനിലേക്കുള്ള വിമാനങ്ങളെല്ലാം നിർത്തിവെച്ചിരിക്കുകയാണെന്നും പ്രധാനപ്പെട്ട വിമാനത്താവളങ്ങൾ അടച്ചിട്ടിരിക്കുകയാണെന്നും റിപ്പോർട്ടുകൾ പറയുന്നു.
