കുവൈറ്റിൽ ഈ വാരാന്ത്യം ഉയർന്ന താപനിലയും പൊടിക്കാറ്റും അനുഭവപ്പെടുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. മർദ്ദ വ്യതിയാനങ്ങളും കാറ്റിന്റെ ദിശയിലുണ്ടാകുന്ന മാറ്റങ്ങളുമാണ് ഇതിന് കാരണം.
വരും ദിവസങ്ങളിൽ താപനില ഗണ്യമായി ഉയരാനും, തുറന്ന പ്രദേശങ്ങളിൽ പൊടിക്കാറ്റിന് സാധ്യതയുണ്ടെന്നും അധികൃതർ അറിയിച്ചു. പകൽ സമയങ്ങളിൽ ചൂട് കടുക്കുമെങ്കിലും, രാത്രി വൈകിയോടുകൂടി സ്ഥിതി മെച്ചപ്പെട്ടേക്കാം.
പൊതുജനങ്ങൾ ജാഗ്രത പാലിക്കണമെന്നും, നിർജലീകരണം ഒഴിവാക്കാൻ ആവശ്യത്തിന് വെള്ളം കുടിക്കണമെന്നും അധികൃതർ നിർദ്ദേശിച്ചു. ഔട്ട്‌ഡോർ പ്രവർത്തനങ്ങൾ കഴിവതും ഒഴിവാക്കാനും മുന്നറിയിപ്പുണ്ട്. പൊടിക്കാറ്റ് കാരണം കാഴ്ചാപരിധി കുറയാൻ സാധ്യതയുള്ളതിനാൽ ഡ്രൈവർമാരും മറ്റ് യാത്രക്കാരും ശ്രദ്ധിക്കണം.
