കാർഷികസമൃദ്ധിയുടെ ഓർമകൾ പുതുക്കി ലോകമെമ്പാടുമുള്ള മലയാളികൾ ഇന്ന് വിഷു ആഘോഷിക്കുന്നു. വിഷുക്കണി കണ്ടുണരുന്ന മലയാളി കൈനീട്ടം നൽകിയും ക്ഷേത്രങ്ങളിലെ പ്രത്യേക പ്രാർഥനകളിൽ പങ്കെടുത്തും പുതുവസ്ത്രങ്ങൾ ധരിച്ചും ആഘോഷത്തിൻരെ തിരക്കിലാണ്. പടക്കം പൊടിച്ചും മലയാളികൾ വിഷു ആഘോഷം തകർക്കുകയാണ്
വിഷുക്കണി ദർശനത്തിനായി ഗുരുവായൂർ ക്ഷേത്രത്തിൽ വലിയ ഭക്തജന തിരക്കാണ് അനുഭവപ്പെട്ടത്. പുലർച്ചെ 2.45 മുതലായിരുന്നു വിഷുക്കണി ദർശനം. മേൽശാന്തി കവപ്രമാറത്ത് അച്യുതൻ നമ്പൂതിരി പുലർച്ചെ കണ്ണനെ കാണിച്ച് വിഷുക്കൈനീട്ടം നൽകി.
ശബരിമലയിലും വലിയ ഭക്തജനത്തിരക്കാണ് അനുഭവപ്പെടുന്നത്. നട തുറന്ന് തന്ത്രിയും മേൽശാന്തിയും ഭക്തർക്ക് വിഷുക്കൈനീട്ടം നൽകി. ശബരിമലയിൽ വിഷു പ്രമാണിച്ച് പ്രത്യേക പൂജകളുമുണ്ട്.
