തിരുവനന്തപുരം കല്ലമ്പലത്ത് വൻ ലഹരിവേട്ട. ഒന്നേ കാൽ കിലോ എംഡിഎംഎയുമായി മൂന്ന് പേർ പോലീസിന്റെ പിടിയിൽ. വിദേശത്ത് നിന്ന് കടത്തി കൊണ്ടുവനന്ന നാല് കോടി രൂപക്ക് മുകളിൽ വില വരുന്ന എംഡിഎംഎയാണ് പിടികൂടിയത്. ഈന്തപ്പഴത്തിന്റെ പെട്ടിക്കുള്ളിൽ കവറിൽ ആക്കിയായിരുന്നു രാസലഹരി കടത്താൻ ശ്രമിച്ചത്.
വർക്കല സ്വദേശി സഞ്ജു, വലിയവിള സ്വദേശി നന്ദു, ഉണ്ണിക്കണ്ണൻ, പ്രവീൺ എന്നിവരാണ് പിടിയിലായത്. വ്യാഴാഴ്ച പുലർച്ചെയോടെയാണ് സംഭവം. രഹസ്യ വിവരത്തെ തുടർന്ന് പോലീസ് നടത്തിയ പരിശോധനയിലാണ് ഇവർ പിടിയിലായത്.
സഞ്ജുവാണ് എംഡിഎംഎയുമായി വിദേശത്ത് നിന്നും വിമാനത്താവളത്തിൽ എത്തിയതെന്നാണ് വിവരം. മയക്കുമരുന്ന് മാഫിയയുടെ ഇടയിൽ ഡോൺ എന്നാണ് സഞ്ജു അറിയപ്പെടുന്നത്.
