ഈ സായാഹ്നം നമുക്കായി മാത്രം – PART 29

ഈ സായാഹ്നം നമുക്കായി മാത്രം – PART 29

നോവൽ
എഴുത്തുകാരി: അമൃത അജയൻ

മയി നിവയെ പിടിച്ചു റൂമിൽ കൊണ്ടു പോയിരുത്തി … പിന്നെ അവൾക്കരികിലിരുന്ന് ചേർത്തു പിടിച്ചു മടിയിലേക്ക് കിടത്തി മുടിയിഴകളിൽ തഴുകി …

” പറ .. എന്താ നിന്റെ പ്രശ്നം ….?” കുറേ സമയത്തിന് ശേഷം മയി ചോദിച്ചു …

” ഞ്ചെഞ്ചമിൻ എന്നെ ഭീഷണിപ്പെടുത്തുവാ ….” നിവ കരഞ്ഞുകൊണ്ട് പറഞ്ഞു …

” എന്തിന് …..?”

” ഇനി അവൻ പറയണത് ഞാൻ അനുസരിക്കണം … ഇല്ലേൽ …….” അവൾ പൊട്ടിക്കരഞ്ഞു …

” ഇല്ലേൽ ….?” മയിക്ക് ഒരുൾഭയം തോന്നി …

എപ്പോഴോ താൻ ഭയന്നിരുന്നതിലേക്കാണ് നിവ വരുന്നതെന്ന് അവൾക്ക് മനസിലായി …

” ഇല്ലെൽ എന്റെ ഫോട്ടൊസും വീഡിയോസും ഒക്കെ അവൻ ഇന്റർനെറ്റിൽ ഇടും …….” നിവ ഏങ്ങി ഏങ്ങി കരഞ്ഞു …

മയി മ്ലാനമായി ഇരുന്നു .. പ്രതീക്ഷിച്ചത് തന്നെ …

നിവയുടെ തലമുടിയിൽ തഴുകിയിരുന്ന അവളുടെ കൈകളുടെ വേഗത കുറഞ്ഞു …

” ആരോടും പറരുതെന്നാ പറഞ്ഞെ .. പറഞ്ഞൂന്നറിഞ്ഞാലും അവനത് ചെയ്യും ….” നിവ ഭയപ്പാടോടെ പറഞ്ഞു ..

മയി നെടുവീർപ്പയച്ചു .. പ്രതീക്ഷിച്ചിരുന്നത് കൊണ്ട് മയിക്ക് ഞെട്ടലൊന്നും തോന്നിയില്ല … അവളെ ഈ കുരുക്കിൽ നിന്ന് എങ്ങനെ രക്ഷപ്പെടുത്തുമെന്നായിരുന്നു മയിയുടെ ചിന്ത … ചിലപ്പോൾ പണമാവശ്യപ്പെടാം … അല്ലെങ്കിൽ അവളെത്തന്നെ …..

മയിയുടെ കൈകൾ നിവയെ അമർത്തിപ്പിടിച്ചു …

” ആരോടും ഒന്നും പറയല്ലെ …. നിക്ക് സഹിക്കാൻ വയ്യാഞ്ഞിട്ടാ ഞാനിപ്പോ പറഞ്ഞത് …..” നിവ എഴുന്നേറ്റ് മയിയെ നോക്കി യാചനയോടെ പറഞ്ഞു …

” എന്തായാലും ഈ ട്രാപ്പിൽ നിന്ന് രക്ഷപ്പെട്ടല്ലേ പറ്റൂ ……” മയി ചോദിച്ചു …

” എനിക്ക് ഒന്നും ചെയ്യാൻ പറ്റൂല … ഞാൻ മരിച്ചു കളയും …..” നിവ ഏങ്ങലടിച്ചു ..

” എന്നാ പിന്നെ പോയ് മരിക്ക് … അതാണല്ലോ എല്ലാറ്റിനും പരിഹാരം ….” മയി ദേഷ്യത്തോടെ അവളെ തള്ളിമാറ്റി ….

നിവ മുഖം കുനിച്ചിരുന്ന് ഏങ്ങലടിച്ചു ….

മയി നിവയുടെ താടി തുമ്പിൽ തൊട്ടു …

” നോക്ക് …. മരണം ഒന്നിനും ഒരു പരിഹാരമല്ല … ആരുടെയോ ഭീഷണിക്ക് വഴങ്ങി നീ നിന്റെ ജീവിക്കാനുള്ള അവകാശം നഷ്ടപ്പെടുത്തിയാൽ ആർക്കാടി നഷ്ടം …. ?”

നിവ മിണ്ടാതിരുന്നു …

” എന്ത് വന്നാലും ശരി , അവനെന്നല്ല ആർക്കും നിന്നെ തകർക്കാൻ കഴിയില്ലെന്ന് നീ നിന്നെ തന്നെ പറഞ്ഞ് പഠിപ്പിക്ക് .. ഞാനുണ്ട് നിന്റെ കൂടെ … ” മയി നിവയെ തന്നിലേക്ക് ചേർത്തു പിടിച്ചു …

നിവയ്ക്ക് പക്ഷെ ആ വാക്കുകളിൽ വിശ്വാസം തോന്നിയില്ല … അവനെ അനുസരിക്കുക എന്നതാണ് മരണമല്ലാത്ത മറ്റൊരു പോംവഴി എന്ന് നിവയ്ക്ക് തോന്നി …. എങ്കിലും അവളൊന്നും പറഞ്ഞില്ല …

” പോലീസിൽ കംപ്ലയിന്റ് ചെയ്യുമെന്ന് പറഞ്ഞില്ലേ നീ …. ?” മയി ചോദിച്ചു …

” പറഞ്ഞു … പക്ഷെ അങ്ങനെ ചെയ്താലും എന്റെ വീഡിയോസ് അവൻ അപ്ലോഡ് ചെയ്യും … അവനാ ചെയ്തേന്ന് പോലും അവർക്ക് കണ്ട് പിടിക്കാൻ കഴിയില്ലത്രേ … വിദേശത്ത് നിന്നാവും അപ്ലോഡ് ചെയ്യുകാന്ന് … ”

” അവനൊരു ചുക്കും ചെയ്യില്ല … നീ സമാധാനമായിട്ടിരിക്ക് … വഴിയുണ്ടാക്കാം ….” അങ്ങനെ പറയുമ്പോഴും മയിക്കൊരു രൂപവുമില്ലായിരുന്നു എന്താണ് ചെയ്യേണ്ടതെന്ന് …

ഈ പ്രശ്നം ഇന്നോ ഇന്നലെയോ കാണാൻ തുടങ്ങിയതല്ല … മക്കളെ നഷ്ടപ്പെട്ട് അലറി കരയുന്ന എത്രയോ മാതാപിതാക്കളുടെ മുഖം ഇന്നും കൺമുന്നിലുണ്ട് … ഉറക്കം കെടുത്തിയ സംഭവങ്ങൾ വരെ ഉണ്ടായിട്ടുണ്ട് ….

മോർച്ചറിയിൽ വിറങ്ങലിച്ച് കിടന്ന എത്രയോ പെൺകുട്ടികൾ … ഒരു നിമിഷം ആ സ്ഥാനത്ത് നിവയുടെ മുഖം കടന്നു വന്നു … മയി പിടഞ്ഞു പോയി … അവളെ അങ്ങനെ സങ്കൽപ്പിക്കാൻ പോലും വയ്യ …

മയി നിവയെ അണച്ചു പിടിച്ചു …

” നീ കിടന്നോ ……” മയി അവളെ തലോടി …

നിവ ഏങ്ങലടിച്ചു ….

” കരയരുത് … കരയാൻ തുടങ്ങിയാൽ കണ്ണീരിൽ നമ്മൾ ആശ്വാസം കണ്ടെത്തും … അത് പക്ഷെ ക്ഷണികമാണ് … നമ്മുടെ പ്രശ്നത്തിനുള്ള പരിഹാരം കണ്ണീരിലില്ല … ”

” എനിക്ക് വയ്യ … എനിക്ക് പേടിയാ …..” നിവ മയിയെ കെട്ടിപ്പിടിച്ചു …

മയിയുടെ നെഞ്ച് പിടഞ്ഞു …

” മോളെ …..” അവൾ നിവയെ അടക്കി പിടിച്ചു …

” പേടിക്കണ്ട … ഞാനുണ്ട് നിനക്ക് … എന്ത് വന്നാലും നിലയില്ലാ കയത്തിലേക്ക് നിന്നെ തള്ളി വിട്ടിട്ട് ഞാൻ പോകില്ല .. നീ ധൈര്യമായിരിക്ക് .. പക്ഷെ ഒരു വാക്ക് നീയെനിക്ക് തരണം …..” മയി അവളുടെ മുഖം കൈകളിലെടുത്തു …

നിവ അവളെ നോക്കി … അവളുടെ കണ്ണിൽ കണ്ണുനീരടർന്നു നിന്നു …

” എന്ത് വന്നാലും ഇനിയാ തെറ്റ് ആവർത്തിക്കില്ലെന്ന് എനിക്ക് വാക്ക് തരണം … വെറും വാക്കല്ല .. നീ നിനക്ക് തന്നെ കൊടുക്കുന്ന വാക്ക് ….”

” ഇല്ല … ഇനി ഞാൻ ചെയ്യില്ല .. ഒരിക്കലും ചെയ്യില്ല …….” നിവ മയിയെ കെട്ടിപ്പിടിച്ച് അവളുടെ മാറിൽ മുഖം ചേർത്തു പറഞ്ഞു .. ആ വാക്കുകളിൽ ദൃഢതയുണ്ടായിരുന്നു ..

” മരണത്തെ കുറിച്ച് ഇനിയൊരിക്കലും ചിന്തിക്കരുത് …..”

അതിനവൾ മിണ്ടിയില്ല .. എങ്കിലും തലയാട്ടി … അത് പക്ഷെ വെറും വാക്കാണെന്ന് മയിക്ക് മനസിലായി …

” നോക്ക് അവനിനി വിളിച്ച് എന്ത് തന്നെ നിന്നോടാവശ്യപ്പെട്ടാലും അത് നീ അപ്പോൾ തന്നെ എന്നോട് പറയണം …. ” മയി ഉപദേശിച്ചു …

നിവ തല ചലിപ്പിച്ചു …

” നിന്റെ ഫോണിൽ കോൾ റെക്കോർഡുണ്ടോ ….?”

” ഉണ്ട് ….പക്ഷെ ഞാൻ ആക്ടീവാക്കി ഇട്ടിട്ടില്ല ….”

” എന്നാൽ ഇനി മുതൽ അവന്റെ എല്ലാ കോൾസും നീ റെക്കോർഡ് ചെയ്യണം .. എന്നിട്ടത് എനിക്ക് സെന്റ് ചെയ്യണം … ”

നിവയതും സമ്മതിച്ചു …..

കുറേ സമയം കൂടി അവരങ്ങനെ ഇരുന്നു …

” ഏട്ടത്തി ……………” നിവ തലയുയർത്തി മയിയുടെ മുഖത്ത് നോക്കി വിളിച്ചു …

അവളുടെ ഹൃദയത്തിലെവിടെയോ ഒരു മഞ്ഞ് പെയ്തു … ആദ്യമായിട്ടാണ് നിവയുടെ നാവിൽ നിന്ന് അങ്ങനെയൊരു വിളി കേൾക്കുന്നത് …

” ങും ……..”

മയി ആർദ്രാമായി ചിരിച്ചു കൊണ്ട് അവളുടെ മുഖത്ത് നോക്കി വിളി കേട്ടു …

” ഞാനൊത്തിരി ഇൻസൾട്ട് ചെയ്തിട്ടൊണ്ട് … മോശമായി പറഞ്ഞിട്ടൊണ്ട് … സോറി ….. റിയലി സോറി ….” നിവ ഏങ്ങലടിച്ചു …

മയി അവളുടെ കവിളിൽ തട്ടി ആശ്വസിപ്പിച്ചു …

” എന്നോട് ദേഷ്യം തോന്നിയിട്ടില്ലേ … വെറുത്തിട്ടില്ലേ എന്നെ …. ” നിവ കണ്ഠമിടറി ചോദിച്ചു …

മയി മെല്ലെ ചിരിച്ചു ..

” വേണമെങ്കിൽ എനിക്ക് പറയാം നിന്റെ അറിവില്ലായ്മയായിട്ടേ കണ്ടിട്ടുള്ളു എന്നൊക്കെ … അങ്ങനെയെ കണ്ടിട്ടുള്ളു പക്ഷെ എന്നെയത് വേദനിപ്പിച്ചിട്ടുണ്ട് .. ദേഷ്യം തോന്നിയിട്ടുമുണ്ട് നിന്നോട് … നമ്മളെ ഒരാൾ ഇൻസൾട്ട് ചെയ്താൽ ആർക്കായാലും അങ്ങനെയേ തോന്നു .. ” മയി പറഞ്ഞു ..

നിവയുടെ ഏങ്ങലടി ഉയർന്നു കേട്ടു ..

” സാരമില്ല … അത് കഴിഞ്ഞു … ഞാനത് മനസിൽ കൊണ്ട് നടന്നിട്ടൊന്നുമില്ല .. അങ്ങനെയായിരുന്നെങ്കിൽ പിന്നീട് ഒരിക്കലും ഞാൻ നിന്റെ കാര്യത്തിൽ ഇടപെടില്ലായിരുന്നു .. പക്ഷെ നമ്മളൊന്നു മനസിലാക്കണം … മുന്നിൽ നിൽക്കുന്നത് ശത്രുവാണെങ്കിൽ കൂടി നമ്മളവരെ ഇൻസൾട്ട് ചെയ്യരുത് … ” അങ്ങനെ പറയുമ്പോഴും നിഷിനോട് അവൾ പലവട്ടം പറഞ്ഞതും ചെയ്തതുമെല്ലാം എവിടെയൊക്കെയോ ഇരുന്ന് അവളെ നോക്കി പല്ലിളിച്ചു …

ആ ഉപദേശിക്കുന്നതിന് ചിലവൊന്നുമില്ലല്ലോ …. മയി തന്റെ പ്രവൃത്തികൾക്ക് നേരെ സൗകര്യപൂർവ്വം കണ്ണടച്ചു …

” കിടക്കാം … നീയെല്ലാം വിട്ടേക്ക് ….” മയി നിവയുടെ നെറ്റിയിൽ തഴുകി കൊണ്ട് അവളെ പിടിച്ച് ബെഡിൽ കിടത്തി … തൊട്ടടുത്തായി മയിയും കിടന്നു … നിവ കൈയെടുത്ത് അവളെ കെട്ടിപ്പിടിച്ചു ..

അങ്ങനെ കിടക്കുമ്പോൾ നിവയ്ക്കൊരു ആശ്വാസമായിരുന്നു … എവിടെയോ ഒരു പിടിവള്ളി കിട്ടിയത് പോലെ …

മയി അപ്പോഴും ആലോചനയിലായിരുന്നു … എന്താണ് ഒരു പോംവഴി …

അടുത്തറിയുന്ന പോലീസ് സുഹൃത്തുക്കളുണ്ട് … അവരോട് പറയണോ … അതോ നിഷിനെ വിളിച്ച് പറയണോ … അവന് തന്നേക്കാൾ കൂടുതൽ പരിചയക്കാർ പോലീസിലുണ്ട് … എന്താണെങ്കിലും സൂക്ഷിച്ച് കൈകാര്യം ചെയ്യണമെന്ന് അവൾ സ്വയം പറഞ്ഞു .. കൈയ്യിൽ നിന്നു പോയാൽ , അവളുടെ ജീവിതമാണ് … ഒന്ന് കൂടി മനസിരുത്തി അലോചിച്ചിട്ട് ഒരു തീരുമാനമെടുക്കാമെന്ന് അവൾ നിശ്ചയിച്ചു …

* * * * * * * * * * * * * * * *

ഓഫീസിൽ അടുത്ത ന്യൂസ് ബുള്ളറ്റിനുള്ള തയ്യാറെടുപ്പിലായിരുന്നു മയി … ചാലിയാറിൽ ജലനിരപ്പ് ഉയർന്ന വാർത്ത റിപ്പോർട്ട് ചെയ്യുവാൻ ,അവിടെയുള്ള ചാനലിന്റെ പ്രതിനിധിയുമായുള്ള കണക്ഷൻ പ്രോബ്ലം ശരിയാക്കാൻ ടെക്നീഷ്യനെ ഏൽപ്പിച്ച് കാത്ത് നിൽക്കുമ്പോഴാണ് ചഞ്ചൽ അവൾക്കെതിരെ വന്നത് …

പെട്ടന്ന് , അവൾ കഴിഞ്ഞ ദിവസം പറഞ്ഞ കാര്യം മയിക്ക് ഓർമ വന്നു … അവൾ ചഞ്ചലിനെ ശ്രദ്ധിക്കാൻ പോയില്ല …

ചഞ്ചൽ പക്ഷെ നേരെ മയിയുടെ മുന്നിൽ വന്ന് നിന്നു …

” എനിക്ക് മാഡത്തോട് പേർസണലായി സംസാരിക്കാനുണ്ട് …. ” ചഞ്ചൽ പറഞ്ഞു ..

” എന്താണ് ….?”

” ഇവിടെ വച്ചല്ല .. മറ്റെവിടെയെങ്കിലും ….”

” ഉച്ചയ്ക്ക് കാൻറീനിൽ കാണാം ….” മയി പറഞ്ഞിട്ട് ടെക്നീഷ്യന്റെ അടുത്തേക്ക് നടക്കാൻ തുനിഞ്ഞതും അവളുടെ കൈയിൽ പിടിവീണു …

മയി തിരിഞ്ഞു നോക്കി … ചഞ്ചൽ തന്റെ കൈയിൽ പിടിച്ചിരിക്കുകയാണ് …

” എന്താ …..?” മയി നെറ്റി ചുളിച്ചു …

” എനിക്കിപ്പോ സംസാരിക്കണം …..” അവളുടെ ശബ്ദം കനത്തതായിരുന്നു ..

” എനിക്ക് ഡെസ്കിലേക്ക് കയറാൻ ടൈമായി … നീ പിന്നെ വാ ….”

” കയറുന്നതിന് മുൻപ് മാഡത്തിനോട് എനിക്ക് സംസാരിച്ചേ പറ്റൂ … ”

” സോറി ……”

” പിന്നീട് മാഡത്തിന് റിഗ്രറ്റ് തോന്നരുത് … ” അവളുടെ ശബ്ദത്തിൽ മൂർച്ചയുണ്ടായിരുന്നു …

മയിക്ക് വല്ലായ്മ തോന്നി …

” എന്താ നിന്റെ പ്രശ്നം … ” മയിക്ക് ദേഷ്യം വന്നു …

” ചൂടാവണ്ട മേഡം … നിങ്ങൾക്ക് മുന്നിൽ രണ്ടോപ്ഷൻ ഞാൻ വയ്ക്കുവാ … ഒന്നുകിൽ മാഡം എന്റെയൊപ്പം അങ്ങോട്ട് വരണം .. മേക്കപ്പ് റൂമിൽ മതി .. അവിടെയിപ്പോൾ ആരുമില്ല … അല്ലെങ്കിൽ മേഡം ഡസ്കിൽ കയറി കഴിയുമ്പോൾ ഒരു വാർത്ത കൺമുന്നിൽ തെളിയും .. മുഖത്ത് യാതൊരു ഭാവഭേദവുമില്ലാതെ മേഡത്തിന് അത് വായിക്കേണ്ടിയും വരും .. അന്നേരം ഇപ്പോൾ കളയുന്ന ഈ നിമിഷമോർത്ത് നിരാശ തോന്നും … പക്ഷെ ഒന്നും ചെയ്യാൻ കഴിയില്ല …..” ചഞ്ചലിന്റെ മുഖത്ത് ആരെയൊക്കെയോ തോൽപ്പിക്കാൻ പോകുന്ന ഭാവമായിരുന്നു …

സമയം പത്ത് മണിയാകാൻ രണ്ട് മിനിറ്റ് മാത്രമേ ബാക്കിയുണ്ടായിരുന്നുള്ളു … ഡെസ്കിലേക്ക് കയറാനുള്ള ടൈം ആയി ..

” സോറി ചഞ്ചൽ .. ഇപ്പോ ഒരു പേർസണൽ ടോക്കിന് ടൈമില്ല .. ഷാർപ്പ് പത്തിന് തുടങ്ങേണ്ട ബുള്ളറ്റിനാണ് ….” പറഞ്ഞു കൊണ്ട് മയി ചഞ്ചലിനെ വിട്ട് നടന്നകന്നു …

” ഡാ മോനെ … കണക്ഷൻ റെഡിയാക്കിയിട്ടുണ്ടോ …..?” നടപ്പിനിടയിൽ മയി വിളിച്ചു ചോദിച്ചു …

” കണക്ട് ചെയ്തിട്ടുണ്ട് മാം .. ബട്ട് അവിടെ റെയ്ഞ്ച് പ്രോബ്ലമുണ്ട് .. കുഴപ്പമില്ല .. നമുക്ക് ശരിയാക്കാം … ” അനന്തു വിളിച്ചു പറഞ്ഞു …

മയി തമ്പുയർത്തി കാണിച്ചു കൊണ്ട് ഡെസ്കിലേക്ക് കയറി ..

ചഞ്ചൽ പകയോടെ മയിയെ നോക്കി .. ശേഷം ചീഫ് എഡിറ്ററുടെ കാബിനിലേക്ക് നടന്നു …

” ഒരു ബ്രേക്കിംഗ് ന്യൂസുണ്ട് സർ .. നമ്മുടെ ചാനലിൽ അത് വന്നില്ലെങ്കിൽ മറ്റുള്ള ചാനലിൽ ഇത് ബ്രേക്കിംഗ് ന്യൂസായി ഇപ്പോൾ മുതൽ പോയി തുടങ്ങും … ” ചീഫ് എഡിറ്റർ നിരഞ്ജൻ ഘോഷിന് മുന്നിൽ കൈകുത്തി നിന്ന് അവൾ പറഞ്ഞു ..

പത്ത് മണിയുടെ ന്യൂസ് ബുള്ളറ്റിൻ ആരംഭിച്ചു …

ന്യൂസ് ഹെഡ്ലൈനുകൾക്ക് ശേഷം മയി , വിശദമായ വാർത്തകളിലേക്ക് കടന്നു …

ഇടയ്ക്ക് ഒരു ബ്രേക്കിംഗ് ന്യൂസുണ്ടെന്ന് മയിക്ക് അറിയിപ്പ് കിട്ടി … ഒപ്പം മുന്നിലെ സ്ക്രീനിൽ ആ വാർത്തയുടെ അക്ഷരങ്ങൾ തെളിഞ്ഞു വന്നു …

‘ ആലപ്പുഴ സബ് കളക്ടർ നിഷിൻ രാജശേഖർ IAS ന് എതിരെ ലൈംഗികാരോപണവുമായി യുവതി രംഗത്ത് … ‘

മയിയുടെ കണ്ണ് മിഴിച്ചു .. ആ അക്ഷരങ്ങൾ അവൾക്ക് മുന്നിൽ കിടന്ന് അട്ടഹാസം മുഴക്കി ….

(തുടരും )

Nb: നോവൽ ഇഷ്ടപ്പെടുന്നവരൊക്കെ ഒന്ന് ലൈക്ക് ചെയ്ത് പറ്റുന്നവർ ഷെയർ ചെയ്യണേ…🌹🌹🌹🌹

ഈ സായാഹ്നം നമുക്കായി മാത്രം – ഭാഗം 01
ഈ സായാഹ്നം നമുക്കായി മാത്രം – ഭാഗം 02
ഈ സായാഹ്നം നമുക്കായി മാത്രം – ഭാഗം 03
ഈ സായാഹ്നം നമുക്കായി മാത്രം – ഭാഗം 04
ഈ സായാഹ്നം നമുക്കായി മാത്രം – ഭാഗം 05
ഈ സായാഹ്നം നമുക്കായി മാത്രം – ഭാഗം 06
ഈ സായാഹ്നം നമുക്കായി മാത്രം – ഭാഗം 07
ഈ സായാഹ്നം നമുക്കായി മാത്രം – ഭാഗം 08
ഈ സായാഹ്നം നമുക്കായി മാത്രം – ഭാഗം 09
ഈ സായാഹ്നം നമുക്കായി മാത്രം – ഭാഗം 10
ഈ സായാഹ്നം നമുക്കായി മാത്രം – ഭാഗം 11
ഈ സായാഹ്നം നമുക്കായി മാത്രം – ഭാഗം 12
ഈ സായാഹ്നം നമുക്കായി മാത്രം – ഭാഗം 13
ഈ സായാഹ്നം നമുക്കായി മാത്രം – ഭാഗം 14
ഈ സായാഹ്നം നമുക്കായി മാത്രം – ഭാഗം 15
ഈ സായാഹ്നം നമുക്കായി മാത്രം – ഭാഗം 16
ഈ സായാഹ്നം നമുക്കായി മാത്രം – ഭാഗം 17
ഈ സായാഹ്നം നമുക്കായി മാത്രം – ഭാഗം 18
ഈ സായാഹ്നം നമുക്കായി മാത്രം – ഭാഗം 19
ഈ സായാഹ്നം നമുക്കായി മാത്രം – ഭാഗം 20
ഈ സായാഹ്നം നമുക്കായി മാത്രം – ഭാഗം 21
ഈ സായാഹ്നം നമുക്കായി മാത്രം – ഭാഗം 22
ഈ സായാഹ്നം നമുക്കായി മാത്രം – ഭാഗം 23
ഈ സായാഹ്നം നമുക്കായി മാത്രം – ഭാഗം 24
ഈ സായാഹ്നം നമുക്കായി മാത്രം – ഭാഗം 25
ഈ സായാഹ്നം നമുക്കായി മാത്രം – ഭാഗം 26
ഈ സായാഹ്നം നമുക്കായി മാത്രം – ഭാഗം 27
ഈ സായാഹ്നം നമുക്കായി മാത്രം – ഭാഗം 28

Share this story