റാസൽഖൈമയിൽ 2025-ന്റെ ആദ്യ പകുതിയിൽ റെക്കോർഡ് സന്ദർശക പ്രവാഹം. ഈ വർഷം ജനുവരി മുതൽ ജൂൺ വരെയുള്ള കാലയളവിൽ 6.5 ലക്ഷത്തിലധികം പേർ റാസൽഖൈമ സന്ദർശിച്ചതായി റാസൽഖൈമ ടൂറിസം ഡെവലപ്‌മെന്റ് അതോറിറ്റി (RAKTDA) അറിയിച്ചു. കഴിഞ്ഞ വർഷത്തെ ഇതേ കാലയളവിനെ അപേക്ഷിച്ച് 6 ശതമാനം വർധനവാണ് രേഖപ്പെടുത്തിയിരിക്കുന്നത്.
വിനോദസഞ്ചാര മേഖലയിൽ നിന്നുള്ള വരുമാനത്തിലും 9 ശതമാനം വർധനവുണ്ടായി. പുതിയ വിമാന സർവീസുകൾ ആരംഭിച്ചതും, കൂടുതൽ ഹോട്ടലുകൾ തുറന്നതും ഈ നേട്ടത്തിന് സഹായകമായി. ഇന്ത്യ, യുകെ, ചൈന, റഷ്യ തുടങ്ങിയ രാജ്യങ്ങളിൽ നിന്നുള്ള സന്ദർശകരുടെ എണ്ണത്തിൽ ഗണ്യമായ വർധനവുണ്ടായി.
2030-ഓടെ പ്രതിവർഷം 35 ലക്ഷത്തിലധികം സന്ദർശകരെ ആകർഷിക്കുക എന്ന ലക്ഷ്യത്തിലേക്കുള്ള എമിറേറ്റിന്റെ ശക്തമായ മുന്നേറ്റമായാണ് ഈ കണക്കുകൾ വിലയിരുത്തപ്പെടുന്നത്. ടൂറിസം അടിസ്ഥാന സൗകര്യങ്ങൾ വികസിപ്പിക്കുന്നതിനും പുതിയ ആകർഷണങ്ങൾ ഒരുക്കുന്നതിനും റാസൽഖൈമ തുടർച്ചയായി ശ്രമങ്ങൾ നടത്തുന്നുണ്ട്.
