🎶 സോളമന്റെ ഉത്തമഗീതം 🎶❤️: ഭാഗം 66

രചന: റിൻസി പ്രിൻസ്‌

നിങ്ങൾ ഒരു ഫെഡറൽ ബാങ്ക് ഉപഭോക്താവ് ആണോ...? നിങ്ങൾക്ക് ലഭിക്കും ബാങ്കിൽ പോകാതെ പേർസണൽ ലോൺ...! >>> ഇവിടെ ക്ലിക്ക് ചെയ്യുക

അങ്ങനെ നിൽക്കുമ്പോൾ നിന്റെ വിഷമം മാറുമെങ്കിൽ എത്ര നേരം വേണമെങ്കിലും അങ്ങനെ നിന്നോ.? ആര് വേണേലും കണ്ടോട്ടെ, ആ വിഷമം മുഴുവൻ ഞാൻ എടുത്തോളാം. നീ സന്തോഷമായി ഇരുന്നാൽ മതി..

അലിവോടെ പറഞ്ഞു

അവളുടെ നെറ്റിയിൽ ഒരു ചുംബനം കൂടി പകർന്നു അവൻ

” എങ്കിൽ പൊയ്ക്കോ…

അവൻ പറഞ്ഞപ്പോൾ വലിയ ആശ്വാസത്തോടെ അവൾ പുറത്തേക്ക് നടന്നിരുന്നു.

അവൾ താഴേക്ക് ചെല്ലുമ്പോൾ വീണ്ടും എന്തോ ജോലിയിലാണ് അമല.

അവൾ അവന്റെ അരികിലേക്ക് ചെന്നു കൊണ്ട് ചോദിച്ചു.

” ഞാൻ എന്തെങ്കിലും ചെയ്യണോ ആന്റി.

മരിയ ചോദിച്ചു

” ഇത്ര പെട്ടെന്ന് പഠിച്ച് കഴിഞ്ഞൊ .?

ഏറെ വാത്സല്യത്തോടെ അവളുടെ മുഖത്തേക്ക് നോക്കിക്കൊണ്ട് അമല ചോദിച്ചു.

” കുറച്ചേ ഉണ്ടായിരുന്നുള്ളൂ. ഞാന് പെട്ടെന്ന് പഠിച്ച് കഴിഞ്ഞു.

” ഒന്നും ചെയ്യാനില്ല മോളെ…

ഞാൻ നാളത്തേക്ക് കുറച്ച് വെജിറ്റബിൾസ് അരിഞ്ഞു വയ്ക്കുകയായിരുന്നു. രാവിലത്തേക്ക്… പിന്നെ മോളോട് പറയാൻ മറന്നുപോയി ഇപ്പോൾ ജോണി വരുന്നുണ്ട്.

” പപ്പയോ.?

അവൾ മനസ്സിലാവാതെ ചോദിച്ചു

” പപ്പ തന്നെ, കൂടെ മോളുടെ അനുജത്തി ഉണ്ടെന്നാ പറഞ്ഞത്. അവരിപ്പോൾ ഇങ്ങോട്ട് വരും.
ഈ രാത്രിയിലെ ആ കുട്ടിയേയും കൊണ്ട് ഏതെങ്കിലും ഹോട്ടലിലൊക്കെ നിൽക്കാന്ന് പറഞ്ഞാൽ അത് ബുദ്ധിമുട്ടുള്ള കാര്യമല്ലേ..? അതുകൊണ്ടാ

അമല പറഞ്ഞു

അവൾ സമ്മത ഭാവത്തിൽ തലയാട്ടി.

” അമ്മ ഉണ്ടായിരിക്കില്ല അച്ഛൻ അമ്മയെ കൂട്ടിക്കൊണ്ടുവരില്ല. അമ്മേ എന്നെ കാണുകയോ സംസാരിക്കുകയോ ചെയ്താലോ.?

ചിരിയോടെ ആണെങ്കിലും വേദനയുടെ മുഖം മൂടിയ്ക്ക് ഉള്ളിൽ ആണ് അവൾ പറയുന്നത്. അമലയ്ക്ക് അത് മനസ്സിലാക്കാൻ സാധിക്കുന്നുണ്ടായിരുന്നു അമലയ്ക്ക്. അവരൊന്നും മിണ്ടാതെ വെറുതെ അവളെ ഒന്ന് തഴുകി..

ചില സമയങ്ങളിൽ ആശ്വാസവാക്കുകൾ ആണല്ലോ നമ്മെ വേദനിപ്പിക്കുന്നത്.

എല്ലാവർക്കും കഴിക്കാനുള്ളത് ഡൈനിങ് ടേബിളിലേക്ക് എടുത്തു വെച്ചത് അമലയും മരിയയും ചേർന്നാണ്. അപ്പോഴേക്കും സോളമനും ഇറങ്ങി വന്നിരുന്നു…

ഡൈനിങ് ടേബിളിലേക്ക് ഇരുന്ന സോളമൻ ആരും കാണാത്ത വിധത്തിൽ ഭക്ഷണം എടുത്തു വയ്ക്കുന്നതിനിടയിൽ മരിയയുടെ കൈകളിൽ ഒന്ന് അമർത്തി പിച്ചിയിട്ടുണ്ടായിരുന്നു. അവൾ കൂർപ്പിച്ചു ഒന്ന് നോക്കിയപ്പോൾ അവൻ ഇരുകണ്ണുകളും ഇറുക്കി കാണിച്ചു.

” നമുക്ക് കഴിക്കാം അല്ലേ..?.
സണ്ണി ചോദിച്ചു

” അല്ല അവര് വരും എന്ന് പറഞ്ഞിട്ട് നമ്മൾ നേരത്തെ കഴിക്കുന്നത് ശരിയല്ലല്ലോ.

അമല പറഞ്ഞു

” ആരു വരും എന്ന്..?

മനസ്സിലാവാതെ സോളമൻ ചോദിച്ചു.

” മരിയയുടെ പപ്പയും അനിയത്തിയും വരുന്നുണ്ട്. ആ കുട്ടിക്ക് ഇവിടെ ഏതോ കോളേജിൽ അഡ്മിഷൻ ശരിയായി എന്നാ പറഞ്ഞത്.

അമല സോളമനോട് ആയി പറഞ്ഞു.

” അവര് വരുമ്പോൾ വരട്ടെ, വരുമ്പോൾ ഫുഡ് കൊടുത്താ പോരേ? ഇപ്പൊ നമുക്ക് കഴിക്കാം

സോളമൻ താല്പര്യമില്ലാതെ പറഞ്ഞു.

” അതുതന്നെയാണ് ഞാനും പറഞ്ഞത്

സണ്ണി അതിനെ പിന്തുണച്ചു

” എങ്കിൽ പിന്നെ അമ്മച്ചിയേ ഞാൻ വിളിക്കാം ..

അതും പറഞ്ഞു അമല അകത്തേക്ക് പോയിരുന്നു.

അമ്മച്ചി എന്ന് കേട്ടപ്പോൾ തന്നെ മരയ്ക്കും കിടുകിടാൻ വിറക്കാൻ തുടങ്ങി.

അകത്തു നിന്നും വല്യമ്മച്ചിയേ കൂട്ടിയാണ് അമല വന്നത്. അവരെ കണ്ടപ്പോൾ തന്നെ അവൾ എല്ലാവർക്കും ഭക്ഷണം വിളമ്പിയതിനു ശേഷം അകത്തേക്ക് പോകാൻ തുടങ്ങുകയായിരുന്നു.

” മരിയ കഴിക്കുന്നില്ലേ..?

ചോദ്യം ചോദിച്ചത് സോളമനാണ്..

അപ്പോഴാണ് അമലയും അത് ശ്രദ്ധിച്ചത്.

” മോൾ എവിടെ പോവാ..?

അമല ചോദിച്ചു

” ഞാൻ പിന്നെ കഴിച്ചോളാം.. നിങ്ങളൊക്കെ കഴിക്ക്.

മരിയ പറഞ്ഞു

” ആ പെണ്ണ് അവിടെ അടുക്കളയിലെങ്ങാനും പോയിരുന്നു കഴിച്ചോളും

താല്പര്യമില്ലാതെ വല്യമ്മച്ചി പറഞ്ഞു.

” അതിന് അവൾ ഇവിടുത്തെ സർവന്റ് അല്ല വല്യമ്മച്ചി

മറുപടി പറഞ്ഞത് സോളമൻ ആണ്.

” ഇവിടെ ആവശ്യത്തിന് കസേരകൾ ഉണ്ട് താൻ ഇവിടെ ഇരുന്നേ…

അല്പം ദേഷ്യത്തോടെ തന്നെയാണ് പറഞ്ഞത്. ആ ദേഷ്യം തന്നോട് ഉള്ളതാണ് എന്ന് കൃത്യമായി തന്നെ ലീലാമ്മയ്ക്ക് മനസ്സിലാക്കാൻ സാധിച്ചിരുന്നു.

” അതെ മോളും കൂടി ഇരിക്ക്

സോളമനെ പിന്തുണച്ചുകൊണ്ട് സണ്ണിയും പറഞ്ഞു

” എനിക്കിപ്പോ വേണ്ടാത്തതുകൊണ്ടാ..

അവൾ നിസ്സഹായമായി പറഞ്ഞു

ഒന്നും സംസാരിക്കാതെ അവളെ ഒന്ന് സൂക്ഷിച്ചു നോക്കി സോളമൻ ആ നോട്ടത്തിൽ എല്ലാം ഉണ്ടായിരുന്നു, അതിന്റെ അർത്ഥം അവൾക്ക് മനസ്സിലായത് കൊണ്ട് തന്നെ അവള് പെട്ടെന്ന് കസേരയിൽ ഇരുന്നു.

അവന്റെ ചൊടിയിൽ ഒരു പുഞ്ചിരി മിന്നി. വല്ല്യമ്മച്ചിയുടെ മുഖത്ത് ഒരു വലിയ കാർമേഘം വന്ന് മൂടി.

എന്തുകൊണ്ടോ മരിയ തങ്ങൾക്കൊപ്പം ഒരുമിച്ചിരുന്ന് കഴിക്കുന്നത് അവർക്ക് അംഗീകരിക്കാൻ പോലും സാധിക്കുന്നുണ്ടായിരുന്നില്ല..

അവൾക്ക് അരികിലേക്ക് ഭക്ഷണം നീക്കിവെച്ചതും സോളമൻ ആണ്. എല്ലാവരും ഒരുമിച്ചിരുന്ന് തന്നെയാണ് ഭക്ഷണം കഴിച്ചത്. ഇതിനിടയിൽ സൂക്ഷിച്ച് അവളെ നോക്കി പേടിപ്പിക്കുന്നുണ്ടായിരുന്നു വല്യമ്മച്ചി.

മനപ്പൂർവം അവരുടെ മുഖത്തേക്ക് നോക്കാതെ ഭക്ഷണത്തിൽ മാത്രം ശ്രദ്ധ കേന്ദ്രീകരിച്ചു മരിയ.

ഭക്ഷണമെല്ലാം കഴിച്ചതിനു ശേഷം പാത്രം കഴുകി കൊണ്ടിരിക്കുമ്പോൾ ആണ് പുറത്ത് ഡോർബൽ കേട്ടത്.

കതക് തുറന്നത് സണ്ണി തന്നെയാണ്. ജോണിയെയും ജീനയെയും കണ്ടപ്പോൾ ചെറുചിരിയോടെ സണ്ണി അവരെ അകത്തേക്ക് ക്ഷണിക്കുകയും ചെയ്തു.

അപ്പോഴേക്കും അകത്തുനിന്ന് മരിയയും ഇറങ്ങി വന്നിരുന്നു. വലിയ സന്തോഷത്തോടെ ചിരിച്ചുകൊണ്ടിരുന്ന ജോണിയുടെ മുഖം മരിയയെ കണ്ടപ്പോൾ മങ്ങിയതായി സണ്ണിക്ക് തോന്നി.

“ഓ ഇവൾ ഇവിടെ ഉണ്ടായിരുന്നോ.?

താല്പര്യമില്ലാത്തത് പോലെ അയാൾ ചോദിച്ചു

” നാളെ ഞായറാഴ്ചയല്ലേ, അവൾക്ക് അവധിയല്ലേ അതുകൊണ്ട് വൈകുന്നേരം ഇങ്ങു പോന്നേക്കാൻ ഞങ്ങൾ പറഞ്ഞു. അവിടെ ഒറ്റയ്ക്ക് നിൽക്കുകയല്ലേ ഇവൾ.

സണ്ണി അങ്ങനെ പറഞ്ഞത് ഒട്ടും തന്നെ ജോണിക്കും ജീനക്കും ഇഷ്ടപ്പെട്ടില്ലന്ന് അവരുടെ മുഖഭാവത്തിൽ നിന്ന് തന്നെ മനസ്സിലാക്കാൻ സാധിച്ചിരുന്നു..

അകത്തുനിന്നും അപ്പോഴേക്കും അമലയും ഇറങ്ങി വന്നിരുന്നു.

” നിങ്ങൾ വല്ലതും കഴിച്ചിട്ടാണോ വന്നത്..?

അമല ചോദിച്ചു

” ഞങ്ങൾ ഭക്ഷണം കഴിച്ചിരുന്നു. ബെറ്റി പൊതി കെട്ടിതന്നാണ് വിട്ടത്. ഞങ്ങളത് ട്രെയിനിൽ ഇരുന്നു കഴിച്ചു. ഇവിടത്തെ ഭക്ഷണം ഒന്നും അത്ര നല്ലതല്ല. അതുകൊണ്ട് പൊതികെട്ടിയ വിട്ടത്.

രണ്ടുപേരും മരിയയോട് സംസാരിച്ചു പോലുമില്ലന്ന് സണ്ണി ശ്രദ്ധിച്ചു. അങ്ങനെ ഒരാൾ അവിടെ നിൽപ്പുണ്ട് എന്ന് പോലും ശ്രദ്ധിക്കാതെയാണ് രണ്ടുപേരുടെയും സംസാരം. അവൾ വെറുതെ നിൽക്കുകയാണ്. അവൾക്ക് വല്ലാത്ത വിഷമം വന്നു എന്ന് സണ്ണിക്ക് മനസ്സിലായി..

” മോളെ അനിയത്തിയെ വിളിച്ച് മോളുടെ മുറിയിലേക്ക് കൊണ്ടുപോകു

സണ്ണി അത് പറഞ്ഞപ്പോൾ ജീനയുടെ മുഖത്തും അനിഷ്ടം നിറയുന്നത് സണ്ണി ശ്രദ്ധിച്ചു.

അവൾക്കൊപ്പം പോകാൻ പറഞ്ഞത് ഒട്ടും തന്നെ ജീനയ്ക്ക് ഇഷ്ടപ്പെട്ടിട്ടില്ല. ജോണിയുടെ അതേ സ്വഭാവം തന്നെയാണ് മകൾക്കുമെന്ന് സണ്ണിക്ക് ഒറ്റനോട്ടത്തിൽ തന്നെ മനസ്സിലാക്കാൻ സാധിച്ചു…..കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…