🎶 സോളമന്റെ ഉത്തമഗീതം 🎶❤️: ഭാഗം 68

രചന: റിൻസി പ്രിൻസ്‌

അവൾ ഡോർ തുറന്ന് പോയ സമയം തന്നെയാണ് ജീന അവിടേക്ക് വന്നത്.
അവൾ പെട്ടെന്ന് അകത്തേക്ക് നോക്കിയപ്പോൾ ചിരിച്ചുകൊണ്ട് നിൽക്കുന്ന സോളമനയേയാണ് കണ്ടത്. സോളമന്റേ മുറിക്കുള്ളിൽ നിന്നും ഇറങ്ങി വരുന്ന മരിയയേ കണ്ടപ്പോൾ അവൾ അമ്പരന്നു

കതക് അടയ്ക്കുവാൻ ആയി പുറത്തേക്ക് നോക്കിയ സോളമൻ കാണുന്നത് മരിയ പോകുന്ന വഴിയും നോക്കി കൊണ്ട് നിൽക്കുന്ന ജീനയേയാണ്..

പെട്ടെന്ന് അവളെ കണ്ടപ്പോൾ അവന് മനസ്സിലായില്ല. എങ്കിലും അവൻ പെട്ടെന്ന് തന്നെ അവർ വരും എന്ന് പറഞ്ഞത് ഓർമ്മിച്ച് അവളുടെ മുഖം മനസ്സിൽ നിന്നും ഓർത്തെടുത്തു..

” ഹലോ….

സോളമൻ വിളിച്ചപ്പോൾ അവൾ അവന്റെ മുഖത്തേക്ക് നോക്കിയിരുന്നു..

പെട്ടെന്ന് ബാക്കി എല്ലാം മറന്ന് അവൾ അവനെ നോക്കി നന്നായി ഒന്ന് ചിരിച്ചു കാണിച്ചു..

” ഹായ് ചേട്ടാ എന്നെ ഓർമ്മയുണ്ടോ.?

അവനോട് സംസാരിക്കാൻ തിരക്കുപിടിച്ചന്നതു പോലെ അവള് ചോദിച്ചു..

” പിന്നെ ഓർമ്മയുണ്ട്, അന്ന് വീട്ടിൽ വന്നപ്പോൾ കണ്ടത് ഓർക്കുന്നു.. പപ്പ എവിടെ..?

എന്തെങ്കിലും അവളോട് ചോദിക്കേണ്ട എന്ന് കരുതിയാണ് അവൻ അങ്ങനെ ചോദിച്ചത്.?

” പപ്പാ ഹോളിൽ ഉണ്ട്,

“ഓക്കേ രാവിലെ കാണാം, കുറച്ച് ടൈയേഡ് ആണ്. മോണിംഗ് ഇത്തിരി നേരത്തെ എഴുന്നേൽക്കണം, ഗുഡ് നൈറ്റ്

അതും പറഞ്ഞ് അവൻ അകത്തേക്ക് പോയപ്പോൾ ഒരു നിരാശ അവൾക്ക് തോന്നിയിരുന്നു. കുറച്ചൊക്കെ നേരം കൂടി സംസാരിക്കണം എന്ന് അവൾക്കും ഉണ്ടായിരുന്നു.

എങ്കിലും അവനെ കണ്ടപ്പോൾ തന്നെ അവൾ എല്ലാം മറന്നു പോയിരുന്നു.. അവന്റെ സൗന്ദര്യം അവളെ അത്ഭുതപ്പെടുത്തി കളഞ്ഞു. എന്തുകൊണ്ടും അവനെ പോലൊരാളെ തനിക്ക് വിവാഹം കഴിക്കാൻ സാധിച്ചാൽ അതൊരു വലിയ ഭാഗ്യമാണെന്ന് തന്നെയാണ് അവൾ കരുതുന്നത്.. ആ വിവാഹം എങ്ങനെയും നടക്കണമെന്ന് അവൾ ആത്മാർത്ഥമായി ആഗ്രഹിച്ചു..ആ ഫ്ലാറ്റിലെ സൗകര്യംങ്ങളും അവന്റെ സൗന്ദര്യവും ഒക്കെ അത്രമേൽ അവളെ മോഹിപ്പിക്കുന്നതായിരുന്നു.

മരിയയ്ക്ക് ഒപ്പമാണ് ജീനയെ കിടക്കാൻ അമല വിട്ടത്. അവൾ ഒട്ടും തന്നെ അത് ഇഷ്ടപ്പെട്ടില്ല.
പക്ഷേ ഇപ്പോൾ ഇഷ്ടക്കേട് ഒന്നും കാണിക്കാൻ പാടില്ലന്ന് ജീന മനസ്സിൽ തീരുമാനിച്ചിരുന്നു.

മുറിയിലേക്ക് കയറി മരിയയ്ക്ക് ഒപ്പം കിടക്കുമ്പോഴും അവളുമായി ഒന്നും സംസാരിക്കാൻ ജീന താല്പര്യപെട്ടില്ല. അത് മനസ്സിലാക്കിയത് കൊണ്ട് തന്നെ മരിയ അവളോട് ഒന്നും ചോദിച്ചില്ല. എന്നാൽ ജീന ഒപ്പമുള്ളതുകൊണ്ട് സോളമനെ ഒന്ന് വിളിക്കുവാനോ അവനോട് സംസാരിക്കുവാനും അവൾക്ക് സാധിച്ചില്ല.

അത് സോളമനിലും വലിയ വേദനയായിരുന്നു നിറച്ചത്..

അതിരാവിലെ തന്നെ മരിയ എഴുന്നേറ്റു നോക്കിയപ്പോൾ ജീന നല്ല ഉറക്കമാണ്. അവളെ ഉണർത്താതെ മരിയ നേരെ അടുക്കളയിലേക്ക് ചെന്നു..

അടുക്കളയിലേക്ക് ചെന്നപ്പോൾ അവിടെ സണ്ണിയും അമലയും എന്തോ സംസാരിക്കുകയാണ്.

അവർക്കരികിലേക്കു ചെല്ലേണ്ടലോന്ന് കരുതി അവൾ തിരികെ പോയി ഫ്രഷ് ആകാം എന്ന് തീരുമാനിച്ചപ്പോഴാണ് അറിയാതെ അവരുടെ സംസാരം അവളുടെ കാതിൽ വീണത്.

” ഞാൻ നിന്നോട് പറഞ്ഞില്ലേ എന്തോ ഒരു ഉദ്ദേശമുണ്ടായിട്ട് ആണ് ജോണി വന്നതെന്ന്.

കിച്ചൻ സ്ലാബിന് മുകളിൽ കയറിയിരുന്ന് അമലയോട് ചോദിക്കുകയാണ് സണ്ണി..

” നിങ്ങൾക്ക് ഇതെന്താ മനുഷ്യാ, എന്ത് കണ്ടാലും സംശയം.?

അമല അയാളെ വഴക്ക് പറഞ്ഞു

” എന്റെ സംശയങ്ങളൊന്നും അങ്ങനെ തെറ്റി പോയിട്ടില്ല, ഇന്നലെ ജോണി അയാളുടെ ഉദ്ദേശം എന്നോട് പറഞ്ഞു. അതും വളച്ചിലിട്ടില്ലാതെ തന്നെ…

” എന്തുദ്ദേശം..?

മനസ്സിലാവാതെ അമല ചോദിച്ചു

” ആ പെങ്കൊച്ചില്ലേ ജീന, അവളെ സോളമനെ കൊണ്ട് കെട്ടിക്കാൻ പറ്റുമോ എന്ന്.

നിന്നെടുത്ത് നിന്ന് താഴേക്ക് പോയാൽ മതിയായിരുന്നു എന്ന് പോലും മരിയയ്ക്ക് തോന്നി. അവളുടെ കാതുകളെ അത്രത്തോളം ഞെട്ടിച്ച വാർത്തയായിരുന്നു അത്.

” അതൊരു ചെറിയ കൊച്ചല്ലേ.? അവനെക്കാളും എന്തോരം ഇളയതാ…

അത്ഭുതത്തോടെ അമല ചോദിച്ചു

” അയാൾക്ക് അങ്ങനെയൊരു താല്പര്യം ഉണ്ടെന്ന രീതിയിലാണ് സംസാരിച്ചത്.. ഉടനെ വേണ്ട അവളുടെ കോഴ്സ് ഒക്കെ കഴിഞ്ഞിട്ട് മതിയെന്ന പറഞ്ഞത്..

” എന്നിട്ട് നിങ്ങൾ എന്തു പറഞ്ഞു..?

” ഞാന് നിന്നോട് കൂടി ആലോചിച്ചു പറയാം എന്ന് മാത്രമേ പറഞ്ഞുള്ളൂ..

” എനിക്കെന്തോ ആ പെൺകുട്ടിയേ കണ്ടിട്ട് അത്ര പാവമായിട്ടൊന്നും തോന്നുന്നില്ല. ഇന്നലെ തന്നെ മരിയ മോളോട് ഉള്ള അവളുടെ ഇടപെടൽ കണ്ടില്ലേ.?

പിന്നെ പറഞ്ഞതൊന്നും മരിയ കേട്ടിരുന്നില്ല. അത്രയും കേട്ടപ്പോൾ തന്നെ അവൾ അകത്തേക്ക് പോയിരുന്നു..

നേരെ കയറിയത് ബാത്റൂമിൽ ആണ്. അവിടെ കയറി പൈപ്പ് തുറന്നിട്ട് അവൾ പൊട്ടി കരഞ്ഞു പോയിരുന്നു. കുട്ടിക്കാലം മുതൽ ഇങ്ങനെയാണ്, താൻ എന്താഗ്രഹിച്ചാലും അത് കിട്ടുന്നത് ജീനയ്ക്ക് ആണ്. ഈ കാര്യത്തിലും അങ്ങനെ ആവർത്തിക്കുമോ എന്ന് ഒരു ഭയം അവളിൽ നിറഞ്ഞു നിന്നു.. പപ്പ തന്നെ ഇതിനു മുന്നിട്ടിറങ്ങിയാൽ ആ വിവാഹത്തിന് ആയിരിക്കും എല്ലാരും പ്രാധാന്യം നൽകുന്നത്.

അമലയ്ക്കും സണ്ണിക്കും ഇക്കാര്യത്തിൽ എതിർപ്പ് വരാനും സാധ്യതയില്ല. എന്തിനാണ് കർത്താവെ എന്നെ ഇങ്ങനെ പരീക്ഷിക്കുന്നത്.?

കഴുത്തിൽ കിടന്ന കൊന്തയിൽ പിടിച്ചുകൊണ്ട് മരിയ പൊട്ടി കരഞ്ഞു പോയിരുന്നു. ബാത്റൂമിൽ കൊട്ട് കേട്ടാണ് അവൾ അവിടെ നിന്നും എഴുന്നേൽക്കുന്നത് തന്നെ. പെട്ടെന്ന് മുഖം ഒന്ന് കഴുകി ബാത്റൂം തുറന്നു..

മുൻപിൽ ജീന നിൽക്കുന്നു.

” എന്തെടുക്കുവാ..?

എത്ര നേരായിട്ട് വിളിച്ചു,

താല്പര്യമില്ലാതെ അവളോട് ജീന ചോദിച്ചു. മറുപടി ഒന്നും പറയാതെ അവൾ ബാത്റൂമിൽ നിന്ന് ഇറങ്ങി നേരെ അടുക്കളയിലേക്ക് പോയി.

സണ്ണി പോയിട്ടുണ്ടായിരുന്നു അമല എന്തോ ജോലിയിലാണ്. യാന്ത്രികമായാണ് അമലയ്ക്ക് അരികിലേക്ക് പോയത് പോലും..

” മോൾക്കെന്താ പനിയുണ്ടോ..? മുഖമൊക്കെ വല്ലാതെ വിങ്ങിയിരിക്കുന്നു,

അവളുടെ മുഖത്തേക്ക് നോക്കിക്കൊണ്ട് അമല ചോദിച്ചു..

” കുഴപ്പമൊന്നുമില്ല,

“: ഇന്നലെ രാത്രി ഉറങ്ങിയില്ലേ.? നിങ്ങൾ ചേച്ചിയും അനിയത്തിയും കൂടി കഥയൊക്കെ പറഞ്ഞ് ഇരുന്നതാണോ.?

ചിരിയോടെ അമല ചോദിച്ചപ്പോൾ മറുപടി എന്ത് പറയണമെന്ന് അവൾക്ക് അറിയില്ലായിരുന്നു.. അവൾ ഒന്ന് ചിരിച്ചു കാണിക്കുക മാത്രം ചെയ്തു.

അപ്പോഴേക്കും അടുക്കളയിലേക്ക് സോളമനും എത്തി. സാധാരണ ഇത്രയും രാവിലെ അവൻ എത്തുന്നത് പതിവില്ല.

” ഇതെന്നെടാ ഇത്ര രാവിലെ..?

സോളമനെ നോക്കിക്കൊണ്ട് അമല ചോദിച്ചു

” ഉറക്കം വിട്ടു… അതാണ് എഴുനേറ്റ് പോന്നത്

സത്യത്തിൽ അലാറം വച്ച് എഴുന്നേറ്റതാണ്, കുറച്ചുകൂടി താമസിച്ചാൽ വല്ല്യമ്മച്ചിയെയും ജോണിയും ഒക്കെ കാരണം മരിയയേ കാണാനും സംസാരിക്കാനും പറ്റില്ല.. അതുകൊണ്ടാണ് അവളെ കാണാൻ വേണ്ടി നേരത്തെ എഴുന്നേറ്റ് അടുക്കളയിലേക്ക് പോന്നത്…

സോളോനെ കണ്ടപ്പോൾ ഉള്ളിൽ ഉണ്ടായ സങ്കടം കൂടുക ആണ് മരിയ്ക്കുണ്ടായത്. അവളുടെ മുഖം മാറിയിരിക്കുന്നത് കണ്ടപ്പോൾ തന്നെ എന്തോ പ്രശ്നമുണ്ടെന്ന് സോളമൻ ഊഹിച്ചു..

എന്താണ് എന്ന് അവൻ കണ്ണുകൾ കൊണ്ട് ചോദിച്ചപ്പോൾ അവൾ ഒന്നുമില്ലന്ന് ആംഗ്യം കാണിച്ചു. അപ്പോഴേക്കും അടുക്കളയിലേക്ക് ജീനയും എത്തിയിരുന്നു.

സോളമനെ അവിടെ കണ്ടതുകൊണ്ടു തന്നെ അടുക്കളയിൽ നിൽക്കാൻ അവൾ തീരുമാനിച്ചു. സോളമൻ ആവട്ടെ മരിയ അരിയുന്ന ക്യാരറ്റിൽ നിന്നും ഓരോന്ന് എടുത്ത് കഴിക്കുകയാണ്. കിച്ചൻ സ്ലാബിന് മുകളിൽ കയറിയിരുന്ന് മരിയ അരിയുന്ന ക്യാരറ്റ് എടുത്ത് കഴിക്കുന്ന സോളമനെ കണ്ടപ്പോൾ എന്തെന്നില്ലാത്ത ദേഷ്യം ആണ് ജീനയ്ക്ക് ഉണ്ടായത്. മരിയയോട് അവൻ കാണിക്കുന്ന സ്വാതന്ത്ര്യവും ഒന്നും അവൾക്ക് അത്ര ഇഷ്ടം ആവുന്നുണ്ടായിരുന്നില്ല …കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…