സുരേഷ് ഗോപി പറയുന്നതും പ്രവർത്തിക്കുന്നതും എന്താണെന്ന് അദ്ദേഹത്തിന് തന്നെ അറിയില്ല: കെ സുധാകരൻ

സുരേഷ് ഗോപി പറുയന്നതും പ്രവർത്തിക്കുന്നതും എന്താണെന്ന് അദ്ദേഹത്തിന് തന്നെ അറിയില്ലെന്ന് കെപിസിസി പ്രസിഡന്റ് കെ സുധാകരൻ. പാർലമെന്റിന് അകത്തും പുറത്തും പറയുന്നത് എന്തെന്ന് സുരേഷ് ഗോപിക്ക് തന്നെ അറിയില്ല. നാടകീയതയാണ് മുഴുവൻ. ഉള്ളിലെ കമ്മീഷണർ ഇറങ്ങിപ്പോയിട്ടില്ല എന്നതാണ യാഥാർഥ്യമെന്നും സുധാകരൻ പറഞ്ഞു

ആശവർക്കർമാരുടെ വിഷയം പരിഹരിക്കാൻ സർക്കാർ ഇടപെടണം. സമൂഹത്തോട് കാണിക്കുന്ന ക്രൂരതയാണിത്. മനുഷ്യത്വമില്ലാത്ത സർക്കാരാണ് കേരളം ഭരിക്കുന്നത്. ഇത് ഒരു തൊഴിലാളി വർക സർക്കാർ എന്ന് അവകാശപ്പെടാൻ ഏത് സഖാവിന് കഴിയും.

പാർട്ടിയുടെ നിലപാടിനെതിരെ നിൽക്കുന്ന ഐഎൻടിയുസി പ്രസിഡന്റിനെ താലോലിക്കാനാകില്ല. പാർട്ടി വിശദീകരണം ചോദിച്ചിട്ടുണ്ട്. ചന്ദ്രശേഖരൻ ഇതുവരെ മറുപടി നൽകിയിട്ടില്ല. ചന്ദ്രശേഖരനെതിരെ നടപടിയുണ്ടാകുമെന്നും സുധാകരൻ പറഞ്ഞു