നോട്ട് കൂമ്പാരങ്ങള്‍ക്ക് ചുറ്റും ജീവനക്കാര്‍; തോന്നുന്നത്ര ബോണസ് എണ്ണിയെടുക്കാം; ഇതാണ് കമ്പനി..ഇതാകണമെടാ കമ്പനി
സോഷ്യല്‍ മീഡിയയില്‍ വൈറലായി വീഡിയോ
ജീവനക്കാര്‍ക്ക് ബോണസ് നല്‍കുകയെന്നത് ലോകത്ത് എവിടെയുള്ള കമ്പനികള്‍ക്കും വലിയ വിഷമമുള്ള കാര്യമാണ്. ബോണസ് നല്‍കണോ വേണ്ടയോ എന്ന് തീരുമാനിക്കാന്‍ തന്നെ നിരവധി മീറ്റിംഗുകള്‍ കൂടും. മറ്റു ചില കമ്പനികള്‍ ബോണസ് വെട്ടിച്ചുരുക്കാനുള്ള കാരണങ്ങള്‍ കണ്ടെത്തും. എന്നാല്‍ ഈ വീഡിയോ നിങ്ങളെ അതിശയിപ്പിച്ചേക്കാം. നോട്ടുകൂമ്പാരങ്ങള്‍ക്ക് ചുറ്റും ജീവനക്കാരെ നിര്‍ത്തി ആവശ്യമുള്ളത്ര ബോണസ് എണ്ണിയെടുക്കാന്‍ ആവശ്യപ്പെടുകയാണ് കമ്പനി അധികൃതര്‍.
വീഡിയോയില്‍ പ്രചരിക്കുന്നത് പോലെയാണ് കാര്യമെങ്കില്‍ ഇതൊരു വല്ലാത്ത സംഭവം തന്നെയാണ്. കൂട്ടം കൂടി ജീവനക്കാര്‍ ബോണസ് കൈപ്പറ്റുന്നതിന്റെ വീഡിയോയാണ് സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്നത്.
ആദ്യം ആ വീഡിയോ കാണൂ…
https://www.instagram.com/reel/DFXRpyZAoyE/?utm_source=ig_embed&ig_rid=9881e3c0-361a-4baa-9da1-e3dc2e4699ea
ഈ മേശയിൽ വിതറിയിരിക്കുന്നത് ഒന്നും രണ്ടും കോടിയല്ല. 70 കോടി ഇന്ത്യൻ രൂപയുടെ മൂല്യത്തിന് സമാനമായ പണമാണെന്നാണ് വിദേശ മാധ്യമങ്ങൾ റിപോർട്ട് ചെയ്യുന്നത്.
ചൈനയില്‍ നിന്നാണ് ഈ വീഡിയോ. അതുകൊണ്ട് തന്നെ ഇതിന്റെ ആധികാരികത വ്യക്തമായിട്ടില്ല. തൊഴിലാളികള്‍ ബോണസ് എണ്ണിയെടുക്കുന്നതിന്റെ വീഡിയോ ദൃശ്യങ്ങള്‍ ചൈനയിലെ സാമൂഹികമാധ്യമങ്ങളായ വെയ്ബോയിലും ദൗയിനിലും പ്രചരിക്കുകയാണ്.
വീഡിയോ ഇന്‍സ്റ്റഗ്രാം, ഉള്‍പ്പെടെയുള്ള മറ്റ് സാമൂഹികമാധ്യമങ്ങളിലും വൈറലായിരിക്കുകയാണ്. തൊഴിലാളികള്‍ അതിവേഗം തങ്ങളാല്‍ കഴിയുന്ന നോട്ടുകള്‍ എണ്ണിയെടുക്കുന്നത് ദൃശ്യങ്ങളില്‍ കാണാം.
