കാസ്റ്റിംഗ് കൗച്ച് യാഥാർഥ്യമാണ്; പവർ ഗ്രൂപ്പിലെ ആളുകളുടെ പേരുകൾ പുറത്തുവരണമെന്ന് ഷമ്മി തിലകൻ

ഹേമ കമ്മിറ്റി റിപ്പോർട്ടിൽ പ്രതികരണവുമായി നടൻ ഷമ്മി തിലകൻ. റിപ്പോർട്ടിൽ പറഞ്ഞിരിക്കുന്ന കാസ്റ്റിംഗ് കൗച്ച് എന്നത് യാഥാർഥ്യമാണ്. സിനിമയിലെ ലൈംഗിക ചൂഷണം കാലങ്ങളായി നടക്കുന്നതാണ്. പവർ ഗ്രൂപ്പിനെ കുറിച്ച് നേരത്തെയും പലരും പറഞ്ഞിട്ടുണ്ട്. ഗ്രൂപ്പിലെ ആളുകളുടെ പേരുകൾ പുറത്തുവരണമെന്നും ഷമ്മി തിലകൻ പറഞ്ഞു

തന്റെ അച്ഛൻ പറഞ്ഞത് തന്നെയാണ് ഹേമ കമ്മിറ്റിയും പറഞ്ഞത്. അമ്മയുടെ അധികാരം എന്തെന്ന് അവർക്കറിയില്ല. പഴയ സെറ്റുകളിൽ അടിസ്ഥാന സൗകര്യങ്ങളില്ലാത്ത ബുദ്ധിമുട്ട് ഉണ്ടായിട്ടുണ്ട്. എന്നാൽ നിലവിൽ സൗകര്യങ്ങളുണ്ട്. പോക്‌സോ കുറ്റകൃത്യമുൾപ്പെടെ റിപ്പോർട്ടിൽ കണ്ടെത്തിയിട്ടും അത് ബന്ധപ്പെട്ടവരെ അറിയിക്കാത്തതിൽ ഹേമ കമ്മിറ്റി തന്നെ പ്രതിസ്ഥാനത്ത് വരുമെന്നും ഷമ്മി തിലകൻ പറഞ്ഞു