നവീൻ ബാബുവിന്റെ ആത്മഹത്യയിലേക്ക് നയിച്ചത് പിപി ദിവ്യയുടെ പരാമർശമെന്ന് കുറ്റപത്രം

എഡിഎം നവീൻ ബാബുവിന്റെ ആത്മഹത്യയിലേക്ക് നയിച്ചത് പി പി ദിവ്യയുടെ പരാമർശമെന്ന് കുറ്റപത്രം. കൊലപാതക സാധ്യതകൾ കുറ്റപത്രത്തിൽ പൂർണമായും തള്ളി. ഈ മാസം അവസാനം കുറ്റപത്രം സമർപ്പിക്കും

കേസുമായി ബന്ധപ്പെട്ട് രാസപരിശോധനാ ഫലം കൂടിയാണ് ഇനി ലഭിക്കാനുള്ളത്. കുറ്റപത്രം ഈ മാസം അവസാനത്തോടെ കണ്ണൂർ ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയിൽ സമർപ്പിക്കും. കണ്ണൂർ ടൗൺ എസ് എച്ച് ഒ ആണ് കുറ്റപത്രം സമർപ്പിക്കുന്നത്

നവീൻ ബാബുവിന്റേത് കൊലപാതകമെന്നാണ് കുടുംബം ആരോപിക്കുന്നത്. സിബിഐ അന്വേഷണം ആവശ്യപ്പെട്ട് സമർപ്പിച്ച കുടുംബത്തിന്റെ ഹർജി നേരത്തെ ഹൈക്കോടതി തള്ളിയിരുന്നു.