പ്രതീക്ഷിച്ച ലീഡില്ലാതെ യുഡിഎഫ്; ആര്യാടന്റെ ലീഡ് 3000 കടന്നു, കറുത്ത കുതിരയാകാൻ അൻവർ
നിലമ്പൂരിൽ വോട്ടെണ്ണൽ പുരോഗമിക്കുമ്പോൾ ഇഞ്ചോടിഞ്ച് പോരാട്ടം. യുഡിഎഫ് സ്ഥാനാർഥി ആര്യാടൻ ഷൗക്കത്ത് മുന്നിട്ട് നിൽക്കുമ്പോഴും പ്രതീക്ഷിച്ച ലീഡ് നിലയിലേക്ക് എത്താത്തതത് യുഡിഎഫ് ക്യാമ്പിൽ ആശങ്ക പടർത്തുന്നുണ്ട്. 3371 വോട്ടുകളുടെ ലീഡാണ് നിലവിൽ ആര്യാടനുള്ളത്.
ആദ്യമെണ്ണിയത് വഴിക്കടവിലെ വോട്ടാണ്. പിന്നീട് മൂത്തേടത്തെ വോട്ടുകളും എണ്ണി. നാലാം റൗണ്ട് പുരോഗമിക്കുമ്പോൾ അയ്യായിരത്തോളം വോട്ടുകളുടെ ലീഡാണ് യുഡിഎഫ് പ്രതീക്ഷിച്ചതെങ്കിലും ഇതിൽ പകുതി മാത്രമേ ലഭിച്ചിട്ടുള്ളു. നിലവിൽ വോട്ടെണ്ണൽ പുരോഗമിക്കുന്നത് യുഡിഎഫ് കേന്ദ്രങ്ങളിലാണ്
അതേസമയം ഇരുമുന്നണികളെയും ഞെട്ടിച്ചു കൊണ്ട് അൻവർ കനത്ത വിള്ളൽ വീഴ്ത്തിയിട്ടുണ്ട്. മൂന്നാം റൗണ്ടിൽ എം സ്വരാജ് 13,045 വോട്ടുകൾ പിടിച്ചപ്പോൾ ഷൗക്കത്ത് 15,335 വോട്ടും അൻവർ 5539 വോട്ടുകളും നേടി. എൻഡിഎ സ്ഥാനാർഥി മോഹൻ ജോർജ് 192 വോട്ടുകൾ സ്വന്തമാക്കി.
