വാൽപ്പാറയിൽ കാട്ടാന ആക്രമണത്തിൽ സ്ത്രീയ്ക്ക് പരുക്ക്. പെരിയസ്വാമിയുടെ ഭാര്യ അന്നലക്ഷ്മിക്കാണ്(67 ) പരുക്കേറ്റത്.
ഈടിആർ എസ്റ്റേറ്റ് പരിസരത്താണ് കാട്ടാനയുടെ ആക്രമണം ഉണ്ടായത്. അർധരാത്രിയിൽ ലയത്തിന് സമീപത്തുള്ള റേഷൻ കടയിൽ നിന്നും അരി കഴിക്കാനെത്തിയതാണ് കാട്ടാന.
ശബ്ദം കേട്ട് അന്നലക്ഷ്മി വീടിന് പുറത്തിറങ്ങുകയായിരുന്നു. ഇതിനിടെയാണ് ആക്രമണം. അന്നലക്ഷ്മിയുടെ ഇടുപ്പെല്ലിന് പരിക്കേറ്റിട്ടുണ്ട്.
