സുപ്രീം കോടതി നിയോഗിച്ച മുല്ലപ്പെരിയാർ മേൽനോട്ട സമിതിയുടെ ആദ്യ ഡാം പരിശോധന ഇന്ന്

സുപ്രീം കോടതി നിർദേശപ്രകാരം രൂപീകരിച്ച മുല്ലപ്പെരിയാൽ മേൽനോട്ട സമിതിയുടെ ആദ്യ അണക്കെട്ട് പരിശോധന ഇന്ന്. ദേശീയ അണക്കെട്ട് സുരക്ഷാ അതോറിറ്റി ചെയർമാൻ അനിൽ ജെയിൻ അധ്യക്ഷനായ ഏഴംഗ സമിതിയാണ് ഡാം സന്ദർശിക്കുന്നത്.

തമിഴ്‌നാടിന്റെയും കേരളത്തിന്റെയും പ്രതിനിധികൾക്ക് പുറമെ, ബംഗളൂരുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിലെ ഒരു ഗവേഷണ ഉദ്യോഗസ്ഥൻ, ഡൽഹി ദേശീയ ദുരന്തനിവരാണ അതോറിറ്റിയിലെ ഒരു ഉദ്യോഗസ്ഥൻ എന്നിവരും സംഘത്തിലുണ്ട്. രാവിലെ ബോട്ട് മാർഗം ഡാമിലേക്ക് പോകുന്ന സംഘം പരിശോധനകൾക്ക് ശേഷം കുമളിയിലെ മുല്ലപ്പെരിയാർ ഓഫീസിൽ യോഗം ചേർന്ന് സ്ഥിതിഗതികൾ വിലയിരുത്തും.

കാലവർഷത്തിന് മുമ്പും കാലവർഷ സമയത്തും ഡാമിൽ ആവശ്യമായ പരിശോധന നടത്തുക ഈ സംഘമായിരിക്കും. 50 വർഷം ആയുസ് കണക്കാക്കിയാണ് ഡാം 1886ൽ നിർമിച്ചത്. നിലവിൽ ഡാം 129 വർഷം കാലാവധി പിന്നിട്ടു.