കൊല്ലത്ത് മൂന്നര വയസുകാരിയെ ലൈംഗികമായി പീഡിപ്പിച്ച കേസിൽ കുട്ടിയുടെ പിതൃസഹോദരൻ അറസ്റ്റിൽ. ആറ് മാസം മുമ്പാണ് കുട്ടിയെ ഇയാൾ ആദ്യമായി പീഡനത്തിന് ഇരയാക്കിയതെന്ന് പോലീസ് പറയുന്നു
വീട്ടിൽ ആരുമില്ലാത്ത അവസരത്തിലായിരുന്നു അതിക്രമം. കുട്ടിക്ക് ഇതേ തുടർന്ന് ശാരീരികാസ്വസ്ഥതകൾ നേരിട്ടിരുന്നു. എന്നാൽ വീട്ടുകാർ ഇത് കാര്യമായി എടുത്തിരുന്നില്ല.
ഇതിന് ശേഷം ഇയാൾ കുട്ടിയെ തുടർച്ചയായി പീഡനത്തിന് ഇരയാക്കുകയായിരുന്നു. കഴിഞ്ഞ ദിവസവും കുട്ടി അസ്വസ്ഥതകൾ പ്രകടിപ്പിച്ചതോടെ വീട്ടുകാർ ആശ വർക്കറെ വിവരം അറിയിച്ചു
ആശ വർക്കർ കുട്ടിയുമായി സംസാരിച്ചപ്പോഴാണ് ലൈംഗിക ചൂഷണത്തിന്റെ സൂചനകൾ ലഭിച്ചത്. തുടർന്ന് ചൈൽഡ് ലൈൻ പ്രവർത്തകരെ വിവരം അറിയിച്ചു. കുട്ടിക്ക് നൽകിയ കൗൺസിലിംഗിലാണ് പീഡനവിവരം പുറത്തുവന്നത്.
