സംസ്ഥാനത്ത് സ്വർണവില തുടർച്ചയായ മൂന്നാം ദിവസവും കുത്തനെ ഉയർന്നു. പവന് ഇന്ന് വർധിച്ചത് 640 രൂപയാണ്. ഇതോടെ പവന്റെ വില വീണ്ടും 58,000 കടന്നു. ഈ മാസം ആദ്യമായാണ് പവന്റെ വില 58,000 കടക്കുന്നത്. ഒരു പവൻ സ്വർണത്തിന്റെ ഇന്നത്തെ വിപണി വില 58,280 രൂപയാണ്
കഴിഞ്ഞ മൂന്ന് ദിവസത്തിനിടെ വിപണിയിൽ 1360 രൂപയാണ് പവന് വർധിച്ചത്. ഇന്നലെ പവന് 600 രൂപ വർധിച്ചിരുന്നു. ഇന്ന് സ്വർണം ഗ്രാമിന് 80 രൂപ ഉയർന്ന് 7285 രൂപയിലേക്ക് എത്തി.
ഒരു ഗ്രാം 18 കാരറ്റ് സ്വർണത്തിന്റെ വില 65 രൂപ ഉയർന്ന് 6015 രൂപയായി. അതേസമയം വെള്ളിയുടെ വിലയിൽ മാറ്റമില്ല. ഒരു ഗ്രാം വെള്ളിയുടെ വില 101 രൂപയാണ്
