സംസ്ഥാനത്ത് സ്വർണവില വീണ്ടും സർവകാല റെക്കോർഡിൽ പവന് ഇന്ന് 520 രൂപയാണ് വർധിച്ചത്. ഇതോടെ സ്വർണം പവന് 67,400 രൂപയായി.
ഗ്രാമിന് 65 രൂപയാണ് വർധിച്ചത്. 22 കാരറ്റ് സ്വർണം ഗ്രാമിന് 8425 രൂപയിലെത്തി. മാർച്ച് മാസത്തിൽ മാത്രം പവന് 3880 രൂപയാണ് വർധിച്ചത്. 2025 തുടങ്ങി മൂന്ന് മാസം കൊണ്ട് മാത്രം 10,520 രൂപ ഉയർന്നു
2024 ഡിസംബർ 31ന് 56,880 രൂപയായിരുന്നു സ്വർണവില. ആഗോള വിപണിയിൽ ഒരു ട്രോയ് ഔൺസ് സ്വർണത്തിന്റെ വില 3100 ഡോളറിലെത്തി.
