കാക്കനാട് സ്വകാര്യ ബസും ടോറസ് ലോറിയും കൂട്ടിയിടിച്ചു; യാത്രക്കാരി മരിച്ചു, ഏഴ് പേർക്ക് പരുക്ക്

കാക്കനാട് സ്വകാര്യ ബസും ലോറിയും കൂട്ടിയിടിച്ചുണ്ടായ അപകടത്തിൽ യാത്രക്കാരിക്ക് ദാരുണാന്ത്യം. ഏഴ് പേർക്ക് പരിക്കേറ്റിട്ടുണ്ട്. ബസിൽ സ്‌കൂൾ വിദ്യാർഥികൾ അടക്കം ഉണ്ടായിരുന്നു.

പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചിരിക്കുകയാണ്. സീ പോർട്ട്-എയർപോർട്ട് റോഡിൽ ഇന്ന് രാവിലെയായിരുന്നു സംഭവം.

പുക്കാട്ടുപടി ഭാഗത്തുനിന്ന് വന്ന ബസിലാണ് ടോറസ് ലോറി ഇടിച്ചത്. ടോറസ് ലോറി അമിത വേഗതയിലായിരുന്നു. ഇതാണ് അപകടത്തിന് കാരണമെന്നും ദൃക്‌സാക്ഷികൾ പറയുന്നു.