ഏഴ് ജില്ലകളിൽ പ്ലസ് വണ്ണിന് 30 ശതമാനം സീറ്റ് വർധിപ്പിക്കും; പ്ലസ് ടു ഫലം ഈ മാസം 21ന്

ഏഴ് ജില്ലകളിൽ പ്ലസ് വണ്ണിന് 30 ശതമാനം സീറ്റ് വർധിപ്പിക്കുമെന്ന് വിദ്യാഭ്യാസ മന്ത്രി വി ശിവൻകുട്ടി. യോഗ്യരായ എല്ലാ കുട്ടികളുടെയും പ്രവേശനം ഉറപ്പാക്കും. മെയ് 14 മുതൽ പ്ലസ് വൺ പ്രവേശനത്തിന് അപേക്ഷിക്കാമെന്നും മന്ത്രി പറഞ്ഞു. പ്ലസ് ടു ഫലം ഈ മാസം 21ന് പ്രഖ്യാപിക്കും. ജൂൺ 18ന് പ്ലസ് വൺ ക്ലാസുകൾ ആരംഭിക്കും തിരുവനന്തപുരം, പാലക്കാട്, കോഴിക്കോട്, മലപ്പുറം, വയനാട്, കണ്ണൂർ, കാസർകോട് ജില്ലകളിലെ സ്‌കൂളുകളിലാണ് 30 ശതമാനം മാർജിനൽ സീറ്റ് വർധിപ്പിക്കുക. എയ്ഡഡ് സ്‌കൂളുകളിൽ 20 ശതമാനം സീറ്റ് വർധനവുണ്ടാകും. ആവശ്യപ്പെടുന്ന എയ്ഡഡ് സ്‌കൂളുകളിൽ 10 ശതമാനം വർധിപ്പിക്കും കൊല്ലം എറണാകുളം, തൃശ്ശൂർ ജില്ലകളിലെ എല്ലാ സ്‌കൂളുകളിലും 20 ശതമാനം സീറ്റ് വർധനവുണ്ടാകും. നേരത്തെ പ്രഖ്യാപിച്ച താത്കാലിക ബാച്ചുകൾ തുടരുമെന്നും മന്ത്രി അറിയിച്ചു.