കുവൈറ്റിൽ റിഗയ് പ്രദേശത്തെ അപാർട്മെന്റിൽ ഉണ്ടായ തീപിടുത്തത്തിൽ മരിച്ചവരുടെ എണ്ണം 6 ആയി ഉയർന്നു. അപകടത്തിൽ ഇന്ത്യക്കാർ ആരും ഉൾപ്പെട്ടിട്ടില്ലെന്നാണ് പ്രാഥമിക വിവരം. മരിച്ച എല്ലാവരും സുഡാൻ സ്വദേശികൾ ആണ്.
കഴിഞ്ഞ ദിവസം പുലർച്ചെ നാലുമണിക്കാണ് ദാരുണമായ സംഭവം നടന്നത്. പതിനഞ്ചിൽ അധികം പേർക്കാണ് അപകടത്തിൽ പരുക്കേറ്റത്. ഇവരിൽ 5 പേരുടെ നില ഗുരുതരമായി തുടരുകയാണ്. സുഡാൻ സ്വദേശികൾ ആയ ബാച്ചിലേഴ്‌സ് ആണ് ഈ ഫ്ളാറ്റുകളിൽ താമസിച്ചിരുന്നത്.
അപകടത്തെ തുടർന്ന് രക്ഷപ്പെടാനുള്ള ശ്രമത്തിനിടയിൽ താഴേക്ക് ചാടിയതിനെ തുടർന്നാണ് പലർക്കും പരുക്കേറ്റത്. തൊട്ടടുത്തുള്ള പ്രദേശമായ അർദിയ, ഷുവയ്ഖ് എന്നിവിടങ്ങളിൽ നിന്നും എത്തിയ അഗ്നി ശമന സേന വിഭാഗമാണ് തീ നിയന്ത്രണ വിധേയമാക്കിയത്.
