🎶 സോളമന്റെ ഉത്തമഗീതം 🎶❤️: ഭാഗം 51

രചന: റിൻസി പ്രിൻസ്‌

ഏഴുമണിവരെയാണെന്ന് പറഞ്ഞത്. എങ്കിൽ ഒരു കാര്യം ചെയ്യ് ഒരു 3:00 മണിയൊക്കെ ആകുമ്പോൾ നീയ് ഒന്ന് പുറത്തിറങ്ങി വാ… ഞാനാ പരിസരത്ത് എവിടെയെങ്കിലും നിൽക്കാം, നമുക്ക് ചെറുതായിട്ട് ഒന്ന് കറങ്ങാം. ഒരു അഞ്ചര ആകുമ്പോഴത്തേക്കും നിന്നെ തിരിച്ചുകൊണ്ടുവിടാം. അവൻ അങ്ങനെ പറഞ്ഞപ്പോൾ വല്ലാത്തൊരു സന്തോഷം തോന്നിയിരുന്നു അവൾക്കും. അവനെ ഒന്ന് കാണണമെന്ന് അവളും ആഗ്രഹിച്ചത് ആയിരുന്നു.

” ശരി ഇച്ചായാ

അവൾ സന്തോഷത്തോടെ പറഞ്ഞു

മരിയ വളരെ പെട്ടെന്ന് തന്നെ ഒരുങ്ങിയതിനു ശേഷം താഴെക്കിറങ്ങി വന്നിരുന്നു.. നോക്കിയപ്പോൾ വാർഡന്റെ മുറിയിൽ അവർ ഒരു പുസ്തകം വായിച്ചുകൊണ്ടിരിക്കുന്നതാണ് കണ്ടത്.

ഉടനെ തന്നെ അവൾ അവരുടെ മുറിയിലേക്ക് ചെന്നു. അവളെ കണ്ടതോടെ അവർ ഒരു പുഞ്ചിരി സമ്മാനിച്ചു..

” എന്താ കുട്ടി.?

അവർ മലയാളം പറയുന്നത് കേട്ടപ്പോൾ പെട്ടെന്ന് അവൾക്ക് അത്ഭുതം തോന്നി അവര് തമിഴ് സ്ത്രീ ആയിരിക്കും എന്നാണ് കരുതിയത്..

അമലയും സണ്ണിയും ഒക്കെ അവരോട് തമിഴിൽ ആണ് സംസാരിച്ചിരുന്നത്.

” മേടത്തിന് മലയാളം അറിയാമോ..?

അത്ഭുതപൂർവ്വം അവൾ ചോദിച്ചു

“എന്റെ നാട് പാലക്കാടാണ്

ഒന്നോ രണ്ടോ വാക്കിലാണ് അവരുടെ മറുപടികൾ മുഴുവൻ. അളന്നു മുറിച്ചു മാത്രം.. സംസാരിക്കുന്ന കൂട്ടത്തിൽ ആണ് അവരെന്ന് തോന്നി .

” ഞാന് ഒന്ന് പുറത്തു പോകാൻ വേണ്ടി…. വൈകുന്നേരത്തിന് മുമ്പ് തിരിച്ചു വരാം,കുറച്ച് സാധനങ്ങൾ ഒക്കെ വാങ്ങാൻ ഉണ്ടായിരുന്നു.

” പുറത്തു പോകുന്നത് കൊണ്ടൊന്നും കുഴപ്പമില്ല പക്ഷേ ഇവിടുത്തെ സമയത്തിന് മുൻപ് തിരിച്ചു വരണം. ഇല്ലെങ്കിൽ പിന്നെ വെളിയിൽ നിൽക്കേണ്ടിവരും.. ആ കാര്യത്തിൽ ഞാൻ വളരെ സ്ട്രിക്റ്റാണ്. കാരണം ഇത് ചെന്നെയാണ്, പെൺകുട്ടികൾക്ക് നശിച്ചു പോകാൻ ഒരുപാട് സാധ്യതകൾ ഉള്ള ഒരു നാട്..ആ ഓർമ്മ പലർക്കും ഉണ്ടാവാറില്ല.. ഇവിടെയുള്ള പല പിജികളിലും അങ്ങനെ സമയം ഒന്നുമില്ല, എപ്പോ വേണമെങ്കിലും തോന്നുമ്പോൾ വന്നു കയറാം പക്ഷേ ഇവിടെ അങ്ങനെയല്ല ഇവിടെ സമയം വളരെ അത്യാവശ്യമാണ്..അത് പാലിച്ചില്ലെങ്കിൽ എന്റെ ഭാഗത്തു നിന്നും വളരെ മോശമായ അനുഭവം തന്നെ ഉണ്ടാകും.

അവർ അത് പറഞ്ഞപ്പോൾ ഒരു പരിഭ്രമം അവളിൽ ഉണ്ടായി..

” ഇല്ല മേഡം ഞാൻ വളരെ പെട്ടെന്ന് തന്നെ വരും. ഒരുപാട് സമയം ഒന്നും എടുക്കില്ല.

” ഒക്കെ… എന്തിനാണ് പോകുന്നത് ഈ രജിസ്റ്ററിൽ എഴുതി വച്ചിട്ട് പൊയ്ക്കോളൂ..

അവർ ഒരു വലിയ ബുക്ക് അവൾക്ക് നേരെ നീട്ടി അവർ. അവൾ അതിൽ ഷോപ്പിംഗ് എന്ന് മാത്രം അടയാളപ്പെടുത്തിയതിന് ശേഷം പുറത്തേക്കിറങ്ങി.

അവിടെ നിന്നും എങ്ങോട്ട് നടക്കണമെന്ന് അവൾക്ക് തീരെ നിശ്ചയം ഉണ്ടായിരുന്നില്ല.

എങ്കിലും അവിടുന്ന് ഇറങ്ങി കുറച്ച് ദൂരം അവൾ നടന്നതിനു ശേഷമാണ് ബാഗിൽ നിന്നും ഫോണെടുത്തതും അതിൽ നിന്ന് സോളമനെ വിളിച്ചതും.

“ഞാൻ ഇറങ്ങി

അവൾ പറഞ്ഞു

” ഞാനും അങ്ങോട്ട് വന്നുകൊണ്ടിരിക്കുകയാണ്, ഡ്രൈവിങ്ങിൽ ആണ്…

“നീ കറക്റ്റ് ലൊക്കേഷൻ ഒന്ന് ഇട്ടേക്ക് വാട്സപ്പില്

” അതെങ്ങനെയാ ഇടുന്നേ? എനിക്കറിയില്ല,

“ബെസ്റ്റ് നീ വാട്സ്ആപ്പ് എടുക്കുക അതിനുശേഷം ലൊക്കേഷൻ എന്ന ഓപ്ഷൻ കാണിച്ചിരിക്കുന്നത് എടുക്ക്,

അവൻ പറഞ്ഞത് അനുസരിച്ച് അവൾ ലൊക്കേഷൻ അയച്ചു കൊടുത്തു. ലൊക്കേഷൻ കയ്യിൽ കിട്ടിയതും സ്ഥലം ഏതാണെന്ന് ഏകദേശം രൂപം അവന് കിട്ടിയിരുന്നു. മരിയയോട് പറഞ്ഞതുപോലെ കൃത്യം 10 മിനിറ്റിനുള്ളിൽ അവന്റെ കാർ അവൾക്ക് മുന്നിൽ വന്ന് നിന്നു.. പെട്ടെന്ന് അവനെ കണ്ടപ്പോൾ സന്തോഷമാണോ സങ്കടമാണോ തോന്നിയത് എന്ന് ഒന്നും മനസ്സിലാവാത്ത ഒരു അവസ്ഥയിലായിരുന്നു മരിയ. അപ്പോൾ അവനെ ഒന്ന് കെട്ടിപ്പിടിച്ച് ചുംബിക്കണം എന്നാണ് അവൾക്ക് തോന്നിയത്.. കുറച്ച് സമയം കൊണ്ട് അത്രത്തോളം ഒറ്റപ്പെടൽ താൻ അനുഭവിച്ചു കഴിഞ്ഞിരുന്നു. അങ്ങനെയൊന്നും തോന്നിയില്ല എന്ന് അവനോട് പറഞ്ഞിരുന്നെങ്കിൽ പോലും അവന്റെ അസാന്നിധ്യം തന്നിൽ നിറച്ച വേദന അത് എത്ര വലുതാണെന്ന് കഴിഞ്ഞ കുറച്ചു നിമിഷങ്ങൾ കൊണ്ട് അവൾ അറിയുകയായിരുന്നു. സമാനമായ അവസ്ഥയിലൂടെ ആയിരുന്നു സോളമനും കടന്നുപോയത്. അവളെ കണ്ട നിമിഷം വല്ലാത്തൊരു ആശ്വാസമാണ് അവനും തോന്നിയത്. ജീവൻ തിരികെ കിട്ടിയത് പോലെയുള്ള ഒരു അനുഭവം.. അകറ്റാൻ ശ്രമിക്കുന്തോറും അടുക്കാൻ വെമ്പുന്ന ശക്തിയുളള പ്രണയം ഇരുവരിലും നിറഞ്ഞു ഒഴുകി. പെട്ടന്ന് വന്ന് കരയെവാരിപ്പുണർന്ന് കടലിലേക്ക് കൊണ്ടുപോകുന്ന തിരമാലകളെപ്പോലെ പ്രണയം ഇരുമനസ്സുകളെയും കവർന്നെടുക്കുന്നു

“വാ കയറു

സന്തോഷത്തോടെ അവൻ പറഞ്ഞപ്പോൾ അവൾ അതിലേറെ സന്തോഷത്തോടെ മുൻ സീറ്റിലേക്ക് കയറുകയും ചെയ്തു. കയറിയ പാടെ അവളുടെ കൈകൾക്ക് മുകളിൽ അവൻ കൈകൾ വച്ചു. ഏറെ സ്നേഹത്തോടെ അതിലേറെ പ്രണയത്തോടെ അവൻ അവളുടെ മുഖത്തേക്ക് നോക്കി
.

” ഇത്രനേരം എന്റെ നെഞ്ച് പൊട്ടി പോവായിരുന്നു, നിന്നെ ഒന്ന് കാണാതെ….

വണ്ടി ഒരു തണൽ മരത്തിനു സൈഡിൽ ഒതുക്കി അവളുടെ മുഖത്തേക്ക് നോക്കി അവൻ പറഞ്ഞു…

” എന്റെ അവസ്ഥയും മറ്റൊന്നായിരുന്നില്ല. ഞാൻ പിന്നെ വിഷമിപ്പിക്കേണ്ട എന്ന് കരുതി പറയാതിരുന്നത് ആണ്..

അവന്റെ മുഖത്തേക്ക് നോക്കാതെയാണ് അവൾ അത് പറഞ്ഞത്. അവൻ ചെറുചിരിയുടെ അവളുടെ താടിയിൽ പിടിച്ചു ചോദിച്ചു

“ആണോ…?

അവളുടെ മുഖത്തോട് അടുത്ത് അവന്റെ നിശ്വാസം അവളെ തന്റെ നെഞ്ചിലേക്ക് ചേർത്തു തോളിൽ കയ്യിട്ടു പിടിച്ചു..

” ആരെങ്കിലും കാണും ഇച്ചായ

“എടി പെണ്ണെ ഇത് കേരളമല്ല, അതുകൊണ്ട് ഇവിടെ അതൊക്കെ സ്വാഭാവികമായിട്ടുള്ള കാര്യം ആണ്. ആരും നോക്കാൻ ഒന്നും പോകുന്നില്ല. എല്ലാവരും അവരവരുടെ കാര്യം നോക്കി പോകും, അല്ലാതെ നമ്മുടെ നാട്ടിലെ പോലെ ആരാന്റെ വീട്ടിൽ എന്ത് നടക്കുന്നു എന്ന് നോക്കി നടക്കുന്നവരല്ല ഇവിടെയുള്ളവർ..

“എങ്കിലും വേണ്ട ഇതൊക്കെ മോശമാ

” നിന്റെ ഒരു കാര്യം, ഞാൻ നിന്നെ വേറൊന്നും ചെയ്യാൻ പോകുന്നില്ല, നീ പേടിക്കണ്ട കുറച്ചുനേരം നെഞ്ചോട് ഇങ്ങനെ ചേർന്നിരിക്കാൻ വേണ്ടിയാ വീട്ടിൽ ചെല്ലുമ്പോൾ നിന്റെ മണം ഷർട്ടിൽ ഉണ്ടാവില്ലേ അതിനുവേണ്ടിയാണ്.

അവളുടെ കൈവിരലുകൾ വെറുതെ തഴുകികൊണ്ട് അവളെ നെഞ്ചോട് ചേർത്ത് പിടിച്ച് അവൻ പറഞ്ഞപ്പോൾ അവനോട് വല്ലാത്ത സ്നേഹം തോന്നിയിരുന്നു അവൾക്ക്… അവന്റെ കൈകൾക്കിടയിൽ അവളുടെ വിരലുകൾ മുറുക്കുന്നത് അവൻ അറിയുന്നുണ്ടായിരുന്നു.. ചാരികിടന്ന നെഞ്ചിൽ എപ്പോഴോ അവളുടെ ചുംബനം ഒരു ചൂട് തീർത്തു. ഒരു കള്ളച്ചിരിയോടെ അവളുടെ മുഖത്തേക്ക് അവൻ നോക്കിയപ്പോൾ കണ്ണടച്ച് തന്റെ നെഞ്ചിന്റെ താളം കേട്ട് കിടക്കുകയാണ് പെണ്ണ്. ഒരു പൂച്ച കുട്ടിയെ പോലെ.. അവൻ അവളുടെ മുടിയിൽ തഴുകി ഇടയ്ക്ക് അവന്റെ ചുണ്ടുകൾ നെറ്റിയിൽ മുദ്ര തീർത്തു

കുറെ സമയം അങ്ങനെ ഇരുന്നു.. തനിക്കൊപ്പം അങ്ങനെയിരിക്കാൻ അവൾ ഒരുപാട് ആഗ്രഹിക്കുന്നുണ്ടെന്ന് തോന്നിയിരുന്നു അവന്. അവൾക്ക് മതിയാവോളം അങ്ങനെ ഇരിക്കട്ടെ എന്ന് അവനും കരുതി. കുറച്ച് സമയം കഴിഞ്ഞ് അവൾ തലയുയർത്തി നോക്കിയപ്പോൾ അവൻ കണ്ണുകൾ അടച്ചു കിടക്കുകയാണ്. പക്ഷേ അവളുടെ മുടിയിൽ തഴുകുന്നുമുണ്ട്. അതുകൊണ്ടു തന്നെ അവൻ ഉറക്കമല്ലെന്ന് അവൾക്ക് മനസ്സിലായി. നെഞ്ചിൽ നിന്നും ചൂടകന്നപ്പോൾ അവൻ കണ്ണുതുറന്ന് അവളെ നോക്കി… അവൾ തന്നെ നോക്കുകയാണ്. ആ കണ്ണുകളിൽ അവന് പരിചിതമല്ലാത്ത ഭാവം

കണ്ണുകൾ കൊണ്ട് എന്താ എന്ന് അവൻ ചോദിച്ചു. ആ നിമിഷം തന്നെ അവളുടെ ചുണ്ടുകൾ അവന്റെ കവിളിൽ പതിഞ്ഞു.
ഒരു നിമിഷം അവനും അമ്പരന്ന് പോയിരുന്നു, അങ്ങനെയൊരു കാര്യം അവൾ ചെയ്യുമെന്ന് അവൻ പ്രതീക്ഷിച്ചിരുന്നില്ല.

” എനിക്ക് ഒത്തിരി ഇഷ്ടം തോന്നിയിട്ടാ…?

അവന്റെ മുഖത്തേക്ക് നോക്കാതെ മറ്റെവിടെയോ നോക്കി അവൾ അത് പറഞ്ഞപ്പോൾ അവന്റെ മുഖത്ത് അവൾക്ക് വേണ്ടി മാത്രം ഒരു കുസൃതി ചിരി മിന്നി…

” മറ്റെവിടെയോ നോക്കിയിരിക്കുന്നവളെ ഒറ്റ വലിക്ക് തന്നോട് ചേർത്ത് ഒറ്റ നിമിഷം കൊണ്ട് അവളുടെ അധരത്തിൽ ഒരു ചെറു ചുംബനം അവൻ സമ്മാനിച്ചു. റോസാപൂവിൽ തൊടും പോലെ ആണ് അവനു തോന്നിയത്. അത്രയ്ക്ക് മൃദുലം ആണ് ആ അധരങ്ങൾ,

” എനിക്കും ഒത്തിരി ഇഷ്ടം തോന്നിയിട്ടാ, അവളുടെ മുഖത്തേക്ക് നോക്കി അവൻ അത് പറഞ്ഞപ്പോൾ കൂർപ്പിച്ച് നോക്കിയവൾ അവനെ നോക്കി ഒന്ന് ചിരിച്ചു.

“ഒരു പ്രേത്യേക രുചി ആണ് നിന്റെ ചുണ്ടുകൾക്ക്, പുളിയും മധുരവും ഇടകലർന്ന മുന്തിരിയുടെ പോലെ…

മേൽ മീശ കടിച്ചു കണ്ണ് ഇറുക്കി കാണിച്ചവൻ പറഞ്ഞു ..കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…