Kerala
കണ്ണൂർ കരിവെള്ളൂരിൽ വിവാഹ ദിവസം വീട്ടിൽ നിന്ന് 30 പവന്റെ സ്വർണാഭരണങ്ങൾ മോഷണം പോയി
കണ്ണൂർ കരിവെള്ളൂരിൽ വിവാഹ ദിവസം വീട്ടിൽ നിന്നും 30 പവൻ സ്വർണാഭരണങ്ങൾ കവർന്നു. കൊല്ലം സ്വദേശി ആർച്ച എസ് സുധിയുടെ സ്വർണമാണ് മോഷണം പോയത്. മെയ് ഒന്നിനായിരുന്നു ഇവരുടെ വിവാഹം കഴിഞ്ഞത്. തുടർന്ന് കണ്ണൂരിലെ ഭർതൃവീട്ടിലെത്തിയപ്പോഴാണ് സ്വർണം മോഷണം പോയത്.
വൈകുന്നേരം ചടങ്ങുകൾക്ക് ശേഷം ആഭരണങ്ങൾ അഴിച്ച് അലമാരയിൽ സൂക്ഷിച്ചിരുന്നുവെന്നാണ് ആർച്ച പറയുന്നത്. വെള്ളിയാഴ്ച രാവിലെ അലമാര തുറന്ന് നോക്കിയപ്പോഴാണ് സ്വർണം നഷ്ടപ്പെട്ട വിവരം അറിയുന്നത്
ഉടൻ തന്നെ പോലീസിൽ പരാതി നൽകി. പയ്യന്നൂർ പോലീസ് സ്ഥലത്തെത്തി അന്വേഷണം ആരംഭിച്ചു. കുടുംബവുമായി ബന്ധമുള്ള ആരെങ്കിലുമാകാം മോഷണത്തിന് പിന്നിലെന്നാണ് പോലീസ് സംശയിക്കുന്നത്.
