നാലര പതിറ്റാണ്ടിന് ശേഷം വക്കീൽ കുപ്പായത്തിൽ; എസ്‌ഐആറിനെതിരെ സുപ്രീം കോടതിയിൽ നേരിട്ട് വാദിച്ച് മമത ബാനർജി
്ബംഗാളിലെ എസ്‌ഐആറിനെതിരായ ഹർജിയിൽ അഭിഭാഷകയായി സുപ്രീം കോടതിയിൽ വാദിച്ച് പശ്ചിമ ബംഗാൾ മുഖ്യമന്ത്രി മമത ബാനർജി. അഭിഭാഷക കുപ്പായത്തിൽ എത്തിയ മമത തനിക്ക് വാദിക്കാൻ പത്ത് മിനിറ്റ് സമയം വേണമെന്ന് ആവശ്യപ്പെട്ടു. ചീഫ് ജസ്റ്റിസ് സൂര്യകാന്ത് അധ്യക്ഷനായ ഡിവിഷൻ ബെഞ്ച് മമതയുടെ ആവശ്യം അംഗീകരിച്ചു
പാർട്ടിക്ക് വേണ്ടിയല്ല, ജനങ്ങൾക്ക് വേണ്ടിയാണ് താൻ വാദിക്കുന്നതെന്ന് മമത പറഞ്ഞു. വോട്ടർമാരുടെ പ്രയാസങ്ങൾ അവർ അക്കമിട്ട് നിരത്തി. 100ലധികം പേർ എസ്‌ഐആറിനെ തുടർന്ന് മരിച്ചന്നും മമത കോടതിയിൽ ചൂണ്ടിക്കാട്ടി. വാദം പൂർത്തിയാക്കിയ ശേഷം മമത കോടതിക്ക് നന്ദി പറഞ്ഞു
ബംഗാളിൽ തെരഞ്ഞെടുപ്പ് കമ്മീഷൻ ഉദ്യോഗസ്ഥരോട് ശത്രുതാ മനോഭാവമാണെന്നായിരുന്നു തെരഞ്ഞെടുപ്പ് കമ്മീഷന്റെ എതിർവാദം. എന്നാൽ പച്ചക്കള്ളമാണ് കമ്മീഷന്റെ അഭിഭാഷകർ പറയുന്നതെന്ന് മമത തിരിച്ചടിച്ചു. ഹർജിയിൽ കമ്മീഷന് കോടതി നോട്ടീസ് അയച്ചു. കേസിൽ തിങ്കളാഴ്ചയും വാദം തുടരും
നിയമബിരുദം നേടിയ മമത ബാനർജി നാലര പതിറ്റാണ്ടിന് ശേഷമാണ് കോടതിയിൽ വാദിക്കുന്നത്. ഹൈക്കോടതി അഭിഭാഷകയായി എൻ റോൾ ചെയ്ത അവർ സജീവ രാഷ്ട്രീയത്തിലേക്ക് ഇറങ്ങിയതോടെ അഭിഭാഷകവൃത്തി അവസാനിപ്പിക്കുകയായിരുന്നു.
ഒറ്റത്തവണയോ എല്ലാ മാസവുമോ ചെറിയൊരു തുക നൽകാം
ബന്ധപ്പെട്ട വാർത്തകൾ
മോദി തന്റെ ഫോൺ ചോർത്തുന്നു; തെളിവുകളുണ്ട്: പ്രധാനമന്ത്രിയെ സംവാദത്തിന് വെല്ലുവിളിച്ച് രാഹുൽ ഗാന്ധി
പാൻ കാർഡും വോട്ടർ ഐഡിയും ഇന്ത്യൻ പൗരത്വത്തിന് തെളിവല്ലെന്ന് ഗുവാഹത്തി ഹൈക്കോടതി
കുൽഗാമിൽ സി.ആർ.പി.എഫ് പോസ്റ്റിന് നേരെയുണ്ടായ ആക്രമണം; സംശയാസ്പദരെ ചോദ്യം ചെയ്യുന്നു: കശ്മീരിലുടനീളം സുരക്ഷ ശക്തമാക്കി
ജസ്റ്റിസ് സി.എസ്. കർണൻ അന്തരിച്ചു; വിട പറഞ്ഞത് കോടതിയലക്ഷ്യത്തിന് ജയിലിലായ ആദ്യ ഹൈക്കോടതി ജഡ്ജി
പ്രധാനമന്ത്രിയുടെ ബെംഗളൂരു സന്ദർശനം: സുരക്ഷാ മുൻകരുതലിന്റെ ഭാഗമായി വൈകുന്നേരം 4 വരെ ഇറച്ചിക്കടകൾ അടച്ചിടാൻ നിർദേശം
