Sunday, 22 November 2026 About Us · Contact Us

എഫ്‌സിആർഎ രജിസ്‌ട്രേഷന് കൈക്കൂലി; കേന്ദ്ര ആഭ്യന്തര മന്ത്രാലയത്തിലെ രണ്ട് ഉദ്യോഗസ്ഥർ പിടിയിൽ

Bribery For Fcra Registration Two Officials Of The Union - FCRA

ന്യൂഡൽഹി: വിദേശ സംഭാവന നിയന്ത്രണ നിയമം (എഫ്‌സിആർഎ) പ്രകാരമുള്ള രജിസ്‌ട്രേഷന്‍ നടപടികൾക്ക് സഹായിക്കാമെന്ന് വാഗ്ദാനം ചെയ്ത് ഒരു സംഘടനയിൽ നിന്ന് കൈക്കൂലി ആവശ്യപ്പെട്ടെന്ന പരാതിയിൽ കേന്ദ്ര ആഭ്യന്തര മന്ത്രാലയത്തിലെ രണ്ട് ഉദ്യോഗസ്ഥരെ പിടികൂടി. കേന്ദ്ര ഏജൻസികളുടെ സഹകരണത്തോടെ ഡൽഹി പൊലീസിന്‍റെ സ്‌പെഷ്യൽ സെല്ലാണ് ഇവരെ പിടികൂടിയത്.

സീനിയർ അക്കൗണ്ടന്‍റും അക്കൗണ്ടന്‍റുമാണ് പിടിയിലായത്. ഇതിൽ ഒരാൾ നിലവിൽ ആഭ്യന്തര മന്ത്രാലയത്തിലെ ഫോറിൻ ഡിവിഷനിൽ ജോലി ചെയ്യുകയാണ്. മറ്റൊരാൾ നിലവിൽ പേ ആൻഡ് അക്കൗണ്ട്സ് ഓഫീസിലാണ്. നേരത്തെ ഇദ്ദേഹം ഫോറിൻ ഡിവിഷനിൽ സേവനമനുഷ്ഠിച്ചിരുന്നു. ഇവരുടെ പേരുവിവരം പുറത്തുവിട്ടിട്ടില്ല. സെപ്റ്റംബർ 28നാണ് ന്യൂഡൽഹിയിൽ നിന്നാണ് രണ്ട് ഉദ്യോഗസ്ഥരെയും പിടികൂടിയതെന്ന് ആഭ്യന്തര മന്ത്രാലയം അറിയിച്ചു.

എഫ്‌സിആർഎ രജിസ്‌ട്രേഷനും പുതുക്കലിനുമായി ചില സംഘടനകളുമായി ഇരുവരും ബന്ധപ്പെട്ടിരുന്നതായും ഇതിനായി സഹായം നൽകാമെന്ന് പറഞ്ഞ് പണം ആവശ്യപ്പെട്ടിരുന്നതായും പ്രാഥമിക ചോദ്യം ചെയ്യലിൽ വ്യക്തമായതായി മന്ത്രാലയം അറിയിച്ചു. സംഭവത്തിൽ കൂടുതൽ അന്വേഷണം പുരോഗമിക്കുകയാണ്. ഉദ്യോഗസ്ഥർക്കെതിരേ നിയമപരവും വകുപ്പ് തലത്തിലുമുള്ള ഉചിതമായ നടപടികൾ സ്വീകരിച്ചുവരികയാണെന്നും ആഭ്യന്തര മന്ത്രാലയം വ്യക്തമാക്കി.

അഴിമതിയോട് വിട്ടുവീഴ്ചയില്ലാത്ത നയമാണ് മന്ത്രാലയത്തിനുള്ളതെന്നും എഫ്‌സിആർഎയുമായി ബന്ധപ്പെട്ട എല്ലാ സേവനങ്ങളും ഓൺലൈനായി എഫ്‌സിആർഎ പോർട്ടൽ വഴി ലഭ്യമാണെന്നും മന്ത്രാലയം വ്യക്തമാക്കി. എഫ്‌സിആർഎ സേവനങ്ങൾക്കായി ഇടനിലക്കാരനോ ഏജന്‍റിനോ വ്യക്തിക്കോ സഹായം നൽകാൻ അധികാരമില്ലെന്നും മന്ത്രാലയം മുന്നറിയിപ്പ് നൽകി.

സ്വതന്ത്ര പത്രപ്രവർത്തനത്തെ പിന്തുണയ്ക്കൂ ❤️
ഒറ്റത്തവണയോ എല്ലാ മാസവുമോ ചെറിയൊരു തുക നൽകാം
Support

ബന്ധപ്പെട്ട വാർത്തകൾ

രണ്ടര മാസം പ്രായമുള്ള സഹോദരി അസുഖത്തെ തുടർന്ന് മരിച്ചു; മനോവിഷമം കാരണം 10 വയസുകാരി ജീവനൊടുക്കി

രണ്ടര മാസം പ്രായമുള്ള സഹോദരി അസുഖത്തെ തുടർന്ന് മരിച്ചു; മനോവിഷമം കാരണം 10 വയസുകാരി ജീവനൊടുക്കി

5 മണിക്കൂർ മുൻപ്
​13 ലക്ഷത്തിന്റെ കാർ വേണമെന്ന് വാശി; സ്ത്രീധനമായി നൽകിയത് 9.5 ലക്ഷത്തിന്റെ കാറായതിനാൽ വിവാഹത്തിൽ നിന്ന് പിന്മാറി ഡൽഹി പോലീസ് ഉദ്യോഗസ്ഥൻ

​13 ലക്ഷത്തിന്റെ കാർ വേണമെന്ന് വാശി; സ്ത്രീധനമായി നൽകിയത് 9.5 ലക്ഷത്തിന്റെ കാറായതിനാൽ വിവാഹത്തിൽ നിന്ന് പിന്മാറി ഡൽഹി പോലീസ് ഉദ്യോഗസ്ഥൻ

7 മണിക്കൂർ മുൻപ്
ചൗമീൻ കഴിച്ചു; ഭക്ഷ്യവിഷബാധയേറ്റ് 100ലധികം കുട്ടികൾ ആശുപത്രിയിൽ

ചൗമീൻ കഴിച്ചു; ഭക്ഷ്യവിഷബാധയേറ്റ് 100ലധികം കുട്ടികൾ ആശുപത്രിയിൽ

9 മണിക്കൂർ മുൻപ്
രാജസ്ഥാനിൽ വാഹനാപകടം; ഒരു കുടുംബത്തിലെ ഒൻപത് പേർ മരിച്ചു: എട്ട് പേർക്ക് പരുക്ക്

രാജസ്ഥാനിൽ വാഹനാപകടം; ഒരു കുടുംബത്തിലെ ഒൻപത് പേർ മരിച്ചു: എട്ട് പേർക്ക് പരുക്ക്

12 മണിക്കൂർ മുൻപ്
മുംബൈയിൽ നിന്ന് ടാൻസാനിയയിലേക്ക് നേരിട്ടുള്ള പ്രതിദിന വിമാന സർവീസ് ആരംഭിച്ച് ഇൻഡിഗോ; ഇന്ത്യ-ആഫ്രിക്ക വ്യോമബന്ധം കൂടുതൽ ശക്തമാകുന്നു

മുംബൈയിൽ നിന്ന് ടാൻസാനിയയിലേക്ക് നേരിട്ടുള്ള പ്രതിദിന വിമാന സർവീസ് ആരംഭിച്ച് ഇൻഡിഗോ; ഇന്ത്യ-ആഫ്രിക്ക വ്യോമബന്ധം കൂടുതൽ ശക്തമാകുന്നു

13 മണിക്കൂർ മുൻപ്
സ്വർണം വാങ്ങുന്നത് കുറയ്ക്കണമെന്ന ആഹ്വാനം ജനങ്ങൾ കേട്ടു; പ്രശംസിച്ച് പ്രധാനമന്ത്രി മോദി

സ്വർണം വാങ്ങുന്നത് കുറയ്ക്കണമെന്ന ആഹ്വാനം ജനങ്ങൾ കേട്ടു; പ്രശംസിച്ച് പ്രധാനമന്ത്രി മോദി

14 മണിക്കൂർ മുൻപ്