സർക്കാരുമായുള്ള ചർച്ച പരാജയപ്പെട്ടു; നാളെ മുതൽ നിരാഹാര സമരം ആരംഭിക്കുമെന്ന് ആശമാർ

സെക്രട്ടേറിയറ്റിന് മുന്നിൽ സമരം ചെയ്യുന്ന ആശ പ്രവർത്തകരുമായി സർക്കാർ നടത്തിയ ചർച്ച പരാജയപ്പെട്ടു. എൻ എച്ച് എം മിഷൻ സ്റ്റേറ്റ് കോർഡിനേറ്ററുമായുള്ള ചർച്ചയിൽ സമരക്കാരുടെ ആവശ്യങ്ങൾ പരിഗണിക്കപ്പെട്ടില്ല. ഇതേ തുടർന്ന് നാളെ മുതൽ നിരാഹാര സമരം ആരംഭിക്കുമെന്ന് സമരക്കാർ അറിയിച്ചു

നാളെ രാവിലെ 11 മണിക്ക് നിരാഹാര സമരം ആരംഭിക്കും. സമരത്തിൽ നിന്ന് പിന്നോട്ടു പോകണമെന്ന് എൻഎച്ച്എം മിഷൻ സ്‌റ്റേറ്റ് കോർഡിനേറ്റർ ആവശ്യപ്പെട്ടതായി സമരസമിതി നേതാവ് എസ് മിനി പ്രതികരിച്ചു. ആരോഗ്യമന്ത്രിയുമായി ചർച്ചക്ക് അവസരമുണ്ടാക്കാം എന്നാണ് പറഞ്ഞത്

ഓണറേറിയം മാനദണ്ഡം മാത്രമാണ് സംസാരിച്ചത്. സമരം ശക്തമായി മുന്നോട്ടു കൊണ്ടുപോകും. പ്രതീക്ഷയോടെയാണ് തങ്ങൾ ചർച്ചക്ക് വന്നതെന്നും എന്നാൽ നിരാശയോടെയാണ് മടങ്ങുന്നതെന്നും മിനി പ്രതികരിച്ചു.