തിരുവനന്തപുരത്ത് കെഎസ്ഇബി അസിസ്റ്റന്റ് എൻജിനീയറെ വീടിനുള്ളിൽ തൂങ്ങി മരിച്ച നിലയിൽ കണ്ടെത്തി. നെടുമങ്ങാട് ചുള്ളിമാനൂർ കൊച്ചു ആട്ടുകാൽ സ്വദേശി ഷെമീം മൻസിൽ മുഹമ്മദ് ഷെമീം (50) ആണ് മരിച്ചത്. ആത്മഹത്യയെന്നാണ് പ്രാഥമിക വിവരം.
ഇന്ന് പുലർച്ചെ വീട്ടിലെ മുകളിലത്തെ നിലയിലെ ഷെമീമിന്റെ ഓഫീസ് റൂമിലാണ് മൃതദേഹം കണ്ടത്. നെടുമങ്ങാട് പോലീസ് ഇൻക്വസ്റ്റ് നടപടി പൂർത്തിയാക്കിയ ശേഷം മൃതദേഹം മെഡിക്കൽ കോളേജ് ആശുപത്രിയിലേക്ക് മാറ്റി.
പോത്തൻകോട് കെഎസ്ഇബി ഓഫിസിലെ അസിസ്റ്റന്റ് എൻജിനീയറായിരുന്നു. ഒന്നര മാസം മുമ്പാണ് ഷെമീമിന് പ്രമോഷൻ ലഭിച്ചത്.
