വയനാട് മാനന്തവാടിയിൽ വയോധികയെ കാണാനില്ലെന്ന് പരാതി; വനത്തിലേക്ക് പോകുന്ന ദൃശ്യങ്ങൾ ലഭിച്ചു

വയനാട് മാനന്തവാടിയിൽ വയോധികയെ കാണാനില്ലെന്ന് പരാതി. പിലാക്കാവ് മണിയൻകുന്ന് ഊന്നുകല്ലിൽ ലീലയെയാണ് കാണാതായത്. സമീപത്തെ വനത്തിലേക്ക് ലീല പോകുന്ന ദൃശ്യങ്ങൾ വനം വകുപ്പിന്റെ ക്യാമറയിൽ പതിഞ്ഞിട്ടുണ്ട്.

തിങ്കളാഴ്ച വൈകിട്ട് നാലുമണിയോട് കൂടി വനത്തിലൂടെ പോകുന്ന ദൃശ്യങ്ങളാണ് ലഭിച്ചത്. ഞായറാഴ്ച വൈകിട്ടാണ് ലീലയെ കാണാതായത്.

മാസങ്ങൾക്ക് മുമ്പ് കടുവ പശുവിനെ കൊന്ന പ്രദേശമാണിത്. പ്രദേശത്ത് വനം വകുപ്പും പോലീസും തെരച്ചിൽ നടത്തുന്നു.