കണ്ണൂരിൽ തെരുവ് നായയുടെ കടിയേറ്റ് ചികിത്സയിലായിരുന്ന അഞ്ച് വയസുകാരൻ മരിച്ചു

കണ്ണൂരിൽ പേവിഷബാധ ലക്ഷണങ്ങളോടെ ചികിത്സയിലായിരുന്ന കുട്ടി മരിച്ചു. തമിഴ്‌നാട് സേലം സ്വദേശികളുടെ മകൻ അഞ്ച് വയസുകാരൻ ഹരിത്താണ് മരിച്ചത്.

തെരുവ് നായയുടെ കടിയേറ്റപ്പോൾ കുട്ടിക്ക് വാക്‌സിൻ എടുത്തിരുന്നു. കഴിഞ്ഞ 12 ദിവസമായി പരിയാരം മെഡിക്കൽ കോളേജിൽ ചികിത്സയിലായിരുന്നു.

മെയ് 13ന് പയ്യാമ്പലത്തെ വാടക ക്വാർട്ടേഴ്‌സിന് സമീപത്ത് വെച്ചാണ് കുട്ടിക്ക് തെരുവ് നായയുടെ കടിയേറ്റത്. മുഖത്ത് കടിയേറ്റ കുഞ്ഞിനെ ഉടൻ തന്നെ ആശുപത്രിയിലെത്തിച്ച് വാക്‌സിൻ നൽകിയിരുന്നു.