Kerala
സ്‌കൂള്‍ ബസിനുള്ളില്‍ കത്തിക്കുത്ത്; പ്ലസ് വണ്‍ വിദ്യാര്‍ഥി ഒമ്പതാം ക്ലാസുകാരനെ കുത്തി
ആക്രമണത്തിന് കാരണം മുന്‍ വൈരാഗ്യമെന്ന്
തിരുവന്തപുരത്ത് സ്‌കൂള്‍ ബസിനുള്ളില്‍ കത്തിക്കുത്ത്. സ്‌കൂളിലുള്ള തര്‍ക്കത്തിന്റെ തുടര്‍ച്ചയായി സ്‌കൂള്‍ ബസിനുള്ളില്‍ നിന്ന് രണ്ട് വിദ്യാര്‍ഥികള്‍ തമ്മിലുള്ള വാക്കേറ്റം പിന്നീട് കത്തിക്കുത്തിലേക്കെത്തുകയായിരുന്നു. പ്ലസ് വണ്‍ വിദ്യാര്‍ഥിയായ കുട്ടി ഒമ്പതാം ക്ലാസുകാരനെ കുത്തിപരുക്കേല്‍പ്പിക്കുകയായിരുന്നു.
കുത്തേറ്റ വിദ്യാര്‍ത്ഥി മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. പ്ലസ് വണ്‍ വിദ്യാര്‍ത്ഥിയെ പോലീസ് കസ്റ്റഡിയിലെടുത്തു.
ലാബ് ആവശ്യത്തിനായി കൊണ്ടുവന്ന കത്തി ഉപയോഗിച്ചാണ് കുത്തിയത്. വിദ്യാര്‍ത്ഥിയെ വട്ടിയൂര്‍ക്കാവ് പൊലീസ് കസ്റ്റഡിയില്‍ എടുത്തു. മുന്‍വൈരാഗ്യമാണ് ആക്രമണത്തിന് പിന്നിലെന്ന് പൊലീസ് അറിയിച്ചു. നെട്ടയം മലമുകളില്‍ വച്ചാണ് ബസിനുള്ളില്‍ ആക്രമണം നടന്നത്. കത്തിയും പൊലീസ് കണ്ടെത്തിയിട്ടുണ്ട്.
