നിർമല സീതാരാമന്റെ മനസിൽ തൊഴിലാളി വിരുദ്ധ വിഷം; നോക്കുകൂലിയെന്ന പ്രതിഭാസമേയില്ലെന്ന് എകെ ബാലൻ

കേന്ദ്ര ധനമന്ത്രി നിർമല സീതാരാമന്റെ നോക്കുകൂലി പരാമർശത്തിനെതിരെ സിപിഎം കേന്ദ്ര കമ്മിറ്റി അംഗം എകെ ബാലൻ. നിർമല സീതാരാമന്റെ മനസിൽ തൊഴിലാളി വിരുദ്ധ വിഷമാണെന്ന് എകെ ബാലൻ ആരോപിച്ചു. നോക്കുകൂലി എന്ന പ്രതിഭാസമേ ഇല്ലെന്നും അദ്ദേഹം പറഞ്ഞു

നിർമല സീതാരാമന്റെ മനസ് നിർമലമാണെന്നാണ് താൻ വിചാരിച്ചത്. എന്നാൽ മുഴുവൻ തൊഴിലാളികളെയും അപമാനിക്കുന്ന പരാമർശമാണ് മന്ത്രി നടത്തിയത്. ഒറ്റപ്പെട്ട സംഭവങ്ങൾ എല്ലായിടത്തും ഉണ്ടാകാം. അതിനെ സാമാന്യവത്കരിക്കുന്നത് തെറ്റാണെന്ന് എകെ ബാലൻ പറഞ്ഞു

ബസിൽ നിന്ന് ഇറങ്ങി ലഗേജുമായി പോകുന്നവരുടെ പക്കൽ നിന്നുപോലും കേരളത്തിൽ നോക്കുകൂലി വാങ്ങിക്കുന്നുണ്ടെന്നായിരുന്നു നിർമല സീതാരാമൻ പറഞ്ഞത്. ഇത്തരം കമ്മ്യൂണിസമാണ് കേരളത്തിലും ബംഗാളിലും വ്യവസായത്തെ തകർത്തതെന്നും നിർമല പറഞ്ഞിരുന്നു.