പി ജി ദീപക് വധക്കേസ്: വിചാരണ കോടതി വെറുതെ വിട്ട അഞ്ച് പ്രതികൾ കുറ്റക്കാരെന്ന് ഹൈക്കോടതി

ജനതാദൾ(യു) സംസ്ഥാന കൗൺസിൽ അംഗമായിരുന്ന പി ജി ദീപക് കൊല്ലപ്പെട്ട കേസിൽ വിചാരണ കോടതി വെറുതെ വിട്ട അഞ്ച് പ്രതികളും കുറ്റക്കാരെന്ന് ഹൈക്കോടതി. ഒന്ന് മുതൽ അഞ്ച് വരെ പ്രതികളായ ഋഷികേശ്, നിജിൻ, പ്രശാന്ത്, രസന്ത്, ബ്രഷ്‌നേവ് എന്നിവരെയാണ് ഹൈക്കോടതി കുറ്റക്കാരായി കണ്ടെത്തിയത്

ബിജെപി ആർഎസ്എസ് പ്രവർത്തകരാണ് കൊലപാതകം നടത്തിയതെന്ന് ആരോപണം ഉയർന്നിരുന്നു. 2015 മാർച്ച് 24നാണ് ദീപക് കൊല്ലപ്പെട്ടത്. കേസിൽ ആകെ പത്ത് പ്രതികളാണുണ്ടായിരുന്നത്.

പത്ത് പേരെയും വിചാരണ കോടതി വെറുതെ വിട്ടു. ഇതിനെതിരെ സർക്കാരും ദീപകിന്റെ കുടുംബവും നൽകിയ അപ്പീലിലാണ് ഉത്തരവ്. പ്രതികളെ അറസ്റ്റ് ചെയ്ത് ഏപ്രിൽ 8ന് ഹാജരാക്കാൻ കോടതി നിർദേശിച്ചു.