ഗള്‍ഫില്‍ വ്യാപക മഴ; നാശനഷ്ടം വ്യാപകം
അബുദാബി: ഒമാനിലും യു എ ഇയിലും വ്യാപക നാശനഷ്ടങ്ങളുമായി കനത്ത മഴ. വേനല്‍ക്കാലം അവസാനിച്ചതിന് പിന്നാലെ ഇരുരാജ്യങ്ങളിലും മഴ രൂക്ഷമായിരിക്കുകയാണ്. യുഎഇയില്‍ പലയിടത്തും റെഡ്, യെല്ലോ അലര്‍ട്ടുകള്‍ പുറപ്പെടുവിച്ചു. മൂടല്‍മഞ്ഞ് കാരണം തിരശ്ചീന ദൃശ്യപരത കുറയുമെന്ന് അധികൃതര്‍ മുന്നറിയിപ്പ് നല്‍കി. മൂടല്‍മഞ്ഞില്‍ ദൂരക്കാഴ്ച കുറയുന്നതിനാല്‍ വാഹനമോടിക്കുന്നവര്‍ ജാഗ്രത പാലിക്കണമെന്ന് അബുദാബി പൊലീസ് അറിയിച്ചു. ഡ്രൈവര്‍മാരോട് സുരക്ഷിതമായി വാഹനമോടിക്കാനും ഇനിപ്പറയുന്ന റോഡുകളില്‍ വേഗത പരിധി മണിക്കൂറില്‍ 80 കിലോമീറ്ററായി കുറയ്ക്കണം എന്നും പൊലീസ് ആവശ്യപ്പെട്ടു. തീരപ്രദേശങ്ങളില്‍ ഈര്‍പ്പം 90 ശതമാനത്തിലും താഴ്ന്ന പ്രദേശങ്ങളില്‍ 15 ശതമാനത്തിലും എത്തും. കാറ്റ് നേരിയതോ മിതമായതോ ആയിരിക്കും. അറേബ്യന്‍ ഗള്‍ഫില്‍ കടല്‍ മിതമായതോ ഒമാന്‍ കടലില്‍ നേരിയതോതിലോ പ്രക്ഷുബ്ധമായിരിക്കും. അബുദാബിയിലും ദുബായിലും താപനില 37 ഡിഗ്രി സെല്‍ഷ്യസ് വരെ ഉയരും. പര്‍വതപ്രദേശങ്ങളില്‍ അവ 19 ഡിഗ്രി സെല്‍ഷ്യസായി കുറയുകയും ആന്തരിക പ്രദേശങ്ങളില്‍ 40 ഡിഗ്രി സെല്‍ഷ്യസില്‍ എത്തുകയും ചെയ്യും. ഒമാനിലെ അല്‍ വുസ്ത, ദോഫാര്‍ ഗവര്‍ണറേറ്റുകളുടെ ഭാഗങ്ങളില്‍ മഴ കനത്തു. ഇന്ന് മുതല്‍ വ്യാഴാഴ്ച വരെ ഇടിയോട് കൂടിയ മഴ പ്രതീക്ഷിക്കാമെന്ന് കാലാവസ്ഥാ നിരീക്ഷകര്‍ വ്യക്തമാക്കി.
Metro Journal-നെ സഹായിക്കാൻ UPI വഴി ചെറിയൊരു തുക നൽകാം
ബന്ധപ്പെട്ട വാർത്തകൾ
വടക്കൻ കേരളത്തിൽ മഴ കനക്കും; വിവിധ ജില്ലകളിൽ യെല്ലോ അലർട്ട് പ്രഖ്യാപിച്ചു
മഹാരാഷ്ട്രയിൽ കനത്ത മഴയും ഉരുൾപൊട്ടലും: മുംബൈ-പൂനെ എക്സ്പ്രസ് വേ അടച്ചു; ട്രെയിനുകൾ റദ്ദാക്കി, ഗതാഗതം പൂർണ്ണമായും തടസ്സപ്പെട്ടു
ആഘോഷ ദിനങ്ങളില്‍ വൈദ്യുതി തടസ്സമില്ലാതെ ലഭ്യമാക്കുമെന്ന് ഒമാന്‍
ഒമാൻ പ്രവാസികൾക്ക് ജൂലൈ വരെ പിഴ കൂടാതെ വർക്ക് പെർമിറ്റ് പുതുക്കാൻ അവസരം
ഒമാനിലെ ജയ്ശ്രീറാം ആഘോഷ പ്രകടനം: പ്രവാസികള്‍ക്കിടയില്‍ വ്യാപക പ്രതിഷേധം
